Адам еңбегі. Адам

Сабақтың тақырыбы: Адам еңбегі. Адам. (ӨҚН)

Сабақтың мақсаты:

  1. Адам – табиғаттың бір бөлігі екенін меңгерту.
  2. Сөздік қорын молайту, өз бетімен жұмыс жасай алу дағдысын қалыптастыру;
  3. Табиғатты аялауға, қорғауға тәрбиелеу.

Сабақтың түрі: жаңа сабақ

Сабақтың әдісі: бақылау, түсіндіру, сұрақ-жауап, практикалық

Сабақтың көрнекілігі: оқулық, «Табиғат және Еңбек» күнтізбесі, бақылау күнделігі

Сабақтың барысы:

 

І. ҚЫЗЫҒУШЫЛЫҚТЫ ОЯТУ

  1. Оқушылармен амандасу
  2. Бақылау күнделігімен жұмыс
  • Қазір қай жыл мезгілі?
  • Күз айлары қандай?
  • Күз айының нешінші айы?
  • Күзде қандай өзгерістер бар?
  • Қазір ауа-райы қандай?

3.Ширату. Адам болам десең – кәсіпке үйрен де, еңбек ет.

         Гүл өсірсең, терлеп,

Мұның аты – Еңбек.

Кесте тіксең, зерлеп,

Мұның аты – Еңбек.

Сабағыңа жөндеп,

Әзірленсең – Еңбек.

Қиындықтың бәрін

Еңбек қана жеңбек. (Нұрхан Жанаев)

 

ІІ.МАҒЫНАНЫ ТАНУ

1.Тірек-сызба

2.Оқулықпен жұмыс

  • Табиғаттың қандай топтарға бөлінеді?
  • Өлі табиғатқа нелер жатады?
  • Тірі табиғатқа нелер жатады?

3.Суретпен жұмыс

  • Адам табиғатты қалай танып біледі?

4.Сергіту сәті

Ерте тұрып қаз

Жаттығып жүр мәз

Оңға, солға бұрылды

Отырды, тұрды, жүрді

Тұмсығымен мамығын

Тазалап алып, жүзді.

5.Бақылау күнделігімен жұмыс

 

ІІІ.ТОЛҒАНЫС

1.«Бес жолды өлең»

Адам

Мәдениетті, тәртіпті

Дүниеге келеді, өседі, қоректенеді

Адам – табиғаттың бір бөлігі.

Тірі табиғат.

2.Үйге тапсырма: қосымша материал

 

КҮТІЛЕТІН НӘТИЖЕ:

 

1.Адам, адам еңбегі туралы біледі.

 

 

  • Сабақ аяқталды!
  • Сау болыңыздар!