Менің Қазақстаным – менің болашағым!

Менің Қазақстаным – менің болашағым!

Мақсаты:

Ата Заңымызда бекітілген «Баланың негізгі міндеттері мен құқықтары.»атты тараулармен таныстыру. Ең қымбат қазына  — адам, оның өмірі, құқықтарымен таныстыру. Адамгершілікке, ұлтшылдыққа, өз Отанын сүюге, тілін, дінін, мәдениетін, әдебиетін, тарихын әдет – ғұрпын жалғастыруға тәрбиелеу.

Сабақтың әдісі: конференция сабағы.

Көрнекілігі:

Рәміздер, Қазақстан Республикасы туралы альбом, қанатты сөздер, қосымша материалдар.

Сабақтың барысы:

Мұғалім: Сабағымызды Елбасы: Н. Назарбаевтың қанатты сөздерімен бастауды жөн көрдік.

І – оқушы: «Ата Заңның ең ардақты арқауы – ел мұраты мен халық бірлігі. Мазмұнына өрнегі жарасқан, Тәуелсіздіктің қасиетті туы мәңгі желбіресін, күніміз мәңгі сөнбесін».

Міне арқа сүйер Ата Заңымызға 14 жыл болды. Егемен Республикамыз 1995 жылдың 30 тамызында Ата Заңымыз – Конституция қабылданды. Бұл қазақ тарихына «30 тамыз – Конституция күні» деп белгіленді. Конституция дегеніміз бұл – латынның «constitutio» сөзінен шыққан,яғни орнату, құрылым деп аударылады. Жалпы айтқанды, қоғамда, біз өмір сүріп отырған мемлекетте тәртіп орнату деген сөз. әрбір қоғам мүшесі белгілі бір ережені орындау үшін, мемлекет тарапынан міндеттеу әдістері заңдастырылады. Олай болса әрбір қоғамды ұйым десек, ал Конституция осы ұйымның жарғысы болады. Бұл талапты «Мемлекеттік жарғы» деп атаймыз.

ІІ – оқушы: Құқықтық мемлекет  — бұл ұлттық идеологияның негізі болып табылады. Ал, ұлттық идеология  — ол тәуелсіздік , берік , мықты мемлекет, мемлекеттік тіл, бұл мәселелер тек заң арқылы шешіледі және дамиды.

Мұғалім: Балалар, Конституция туралы өзімізгі қажетті жалпы ақпаратты алдық. Ендеше ұрпақ тәрбиесі – ұлт болашағы деген нақыл сөзге сүйене отырып, Қазақстан Республикасы баланың құқықтары туралы Заңындағы 3 – тараудың 8,15,16 – баптарына тоқтала кетсек.

ІІІ – оқушы: 8 – бап: «Баланың денсаулық сақтау құқығы»

  1. Әрбір баланың денсаулық сақтауға құқығы бар
  2. Балаларға салауатты өмір салтын насихаттау және ынталандыру.
  3. Балалардың денсаулығын сақтау саласындағы ғылыми зерттеулерді мемлекеттік қолдау.
  4. Баланың, оның ата – анасының денсаулық жағдайына бақылау жасау және балалар ауруының алдын алу.

IV оқушы: 15 – бап «Баланың білім алуға құқығы бар»

V – оқушы: 6 – бап: «Баланың еңбек бостандығының құқығы» әр баланың еңбек құқығына, қызмет және кәсіп түрлерін еркін таңдауға құқығы бар.

 

 


VІ – оқушы:

Ата Заң!

Елдігімнің реңі,

Теңдігімнің тірегі.

Мүддесінен халықтың,

Ажырамас бір елі.

Шындығымның шырайы,

Бақытымның күн, айы.

Қамқор болып еңбекке,

Қолын созған ұдайы.

Шаттығымды қорғайды,

Пәктігімді қолдайды.

Ар атынан айтқан соң,

Екі сөзі болмайды.

Жаса Қазақстаным,

Белді бекем буын да!

VІІ– оқушы:

Өзгерпейді кесімін,

Өзгерпейді шешімін.

Көмек күткен кісіге,

Айқара ашқан есігін.

Әділеттің ұраны,

Ақиқаттың шырағы.

Тыныштықтың туы бар,

Заң салтанат құрады.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 VІІІ – оқушы:

Ата Заң – бұл елімнің арманы,

Арман еткен бұл күндерді,

Қазағымның бар жаны.

Енді міне қуанышың құтты болсын,

Мәңгі болғай тәуелсіздік таңдары.

ІХ – оқушы:

Жаныма ыстық нұрлы шақ,

Мінеки ашық гүл құшақ.

Арайлы таңдай алтын Заң,

Өзіңмен елім мәңгі шат.

Х – оқушы:

Әділет құшып барлығы

Жаңарды адам тағдыры.

Жасай бер, жанға сая боп,

Ата Заң – алтын таң нұры.

ХІ –оқушы:

Әуелеттік әнұранды аспанға,

Туымызды тіктік биік асқарға.

Он жыл асты Елтаңбамыз жарқырап,

Өркендедік ел болдық та кемелді,

Тереземіз өзгелермен теңелді.

Елім менің Ата Заңды ардақтап,

Еркіндіктің шуағына бөленді.

 


ХІІ – оқушы:

Қазақстан — тәуелсіз мемлекет! Осы бір қасиетті де қастерлі ұғымға тұнып тұрған киелі атауды ата – бабаларымыз қанша жылдар, жылдар емес – ау, ғасырлар бойы аңсамады ма, десеңізші?!

Өзіңдікі – Елің де,

Өзіңдікі – Жерің де.

Өзіңді — өзің еткен бақ –

Тәуелсіздік төріңде!

Асқар тау да – сенікі,

Бақша – бау да – сенікі.

Өзіңдікі Туың да,

Ата Заң да сенікі.

ХІІІ – оқушы:

Қазақстан Конституциясында адамның құқықтары мен бостандықтарына ерекше көңіл бөлінді. Конституция 131 баптан тұрса, соның 58 бабы адам құқықтарына арналған.

Қорған болған Ата Заңға,

Өркен жайып елім алда.

Тәуелсіздік туын биік,

Берік ұста, қадымда алға!

ХIV – оқушы:

Ата Заңымыздың бүгінгі қолданыстағы нұсқасын Республика жұртшылығының 98 пайызы қолдап дауыс берген. Осы жобаны талқылауда Республикамыз бойынша 32 мыңға жуық ұсыныстар иен ескертпелерді ортаға салды. Халықтық бастамалардың арқасында осы жолы Ата Заңымыздың 98 – бабы, 55 – тармағына өзгертулер енгізілді.

Қуанышты Конституция күнінде,

Бақыт орнап бар қазақтың үйіне.

Тәуелсіздік қыраны қалықтай бер,

Табынады елім саған иіле.