Жақсымын деймін

Жақсымын деймін

Жақсымын деймін қалайша,

Ғайбат істер істесем.

Шындық сөзді жасырып,

Қорғауға, әлсіз түспесем.

Жақсымын деймін қалайша,

Жоғалтсам ар мен ұятты.

Көшелер кезсем қаңғырып,

Есалаң, жауыз сияқты.

Жақсымын деймін қалайша,

Ұмытсам дін мен тілімді.

Біреудің ұрлап тапқанын,

Дұшпанға айтсам сырымды.

Жақсымын деймін қалайша,

Жаманның сөзін қостасам.

Мына үлкен қоғамға,

Пайдалы үлес қоспасам.

Жақсымын деймін қалайша,

Жоқтарға жәрдем бермесем.

Мейірбан, ұлық жандарға,

Көрсетіп қолдау, ермесем.

Жақсымын деймін қалайша,

Ұқпасам ғибрат сөздерді.

Сатқындық жасап достарға,

Өшірсем бақыт кездерді.