Қош бол, қасиетті Әліппем!

Тақырыбы: Қош бол, қасиетті Әліппем!

Мақсаты:
1.Оқушылардың әліппеден алған білімдерін тиянақтау, ата- анаға өнерлерін көрсету.
2.Оқушылардың  эстетикалық талғамын ұластыра түсу.

Көрнекілігі: шарлар,кеспе әріптер,  слайд шоу.
Мұғалім: Құрметті ата-аналар, ұстаздар!
Бала – біздің болашағымыз, еліміздің ертеңі. Сол ертеңгі ел тізгінін ұстар ұрпағымызды «хан баласындай нық , бидің баласындай тік» сөйлейтіндей етіп тәрбиелеу – бүгінгі біздің ұстаздардың, ата-аналардың міндеті. Соның бір көрінісі бүгінгі «Әліппе әлемі»  патшалығында өткелі отырған «Қош бол, менің қасиетті Әліппем!» ертеңгілігін көріп тамашалаңыздар!
Өсті, міне, бойларың,
Өсті ақыл- ойларың.
Қуанышқа ортақпын,
Құтты болсын тойларың!
(ортаға  екі оқушы шығады)                                                                                                     Құрметті қонақтар армысыздар,
Бәріңізге есен-аман бармысыздар?
Ақ тілекті ағытып бір тастайық
Кешімізді ән-жырмен бастайы

Армысыңдар аналар

Бармысыңдар балалар

Сөзіме құлақ салыңыз

Бір серпіліп қалыңыз

Әліппеге арналмақ

Бүгінгі жыр әніміз

 

Кешегі сәби балаңыз

Жарады міне қараңыз

Ғылым білім жолына

Енді қайық саламыз

 

Өлшеулі ар-намысы халқымыздың
Қорғаны адамдық пен салтымыздың
Армысыздар аяулы ұстаздарым,
Сенері сендерсіңдер халқымыздың

Мектеп деген білім кені, жыр кені,
Мектеп деген даналардың мекені.
Мектеп деген тәрбиеші адамға
Мектеп деген білімнің ең үлкені

(ортаға екі даяшы шығады)
Ханшайым: Біздің, яғни «Әліппе әлемі» патшалығының бүлдіршіндерге қояр сұрағы бар еді.
Іші толы әріпке,
Білімдегі жарық не?
Барлығы: Ол- сүйікті Әліппе.
Мұғалім: Олай болса, бәрімізге ең қымбат «Әліппені» ортаға шақырайық.
Барлығы: Әліппе,Әліппе,Әліппе.
Барлығы: Сәлеметсіз бе, Әліппе!
Әліппе:
Армысыздар,жас достар!
Армысыздар,ата- аналар!
Болашаққа жол бастар,
Әліппең келді ортаға.
Білім деген ғажаптың,
Әліппесін меңгерген.
Келешегі қазақтың,
Басталады сендерден.

Мұғалім: Төрлетіңіз,қасиетті Әліппе!
(даяшы Әліппені жоғары шығарып, төрден орын береді)

Қыркүйекте келдімде

Сыныпқа кірдім қуанып

Қарсы алды ұстаз мейірмен

Қадамымда құп алып

 

Оқуды көп ойладық

Қызығына тоймадық

Әріптерді үйреніп

Сауат аштық тойладық

                                     

Келгенде алғаш мектепке

Білмеуші едік әріпте

Оқимыз қазір ертекті

Үйреткен оны Әліппе

 

Оқыған оны ғалымда

Оқыған оны мұғалімде

Оқыған оны көсемде

Жазушы ақын дарында

 

Бар білімнің бастауын

Әліппеден бастадым

Үйренуге талпындым

Құлшынып балғын жас жаным

 

Келгенімде алдыңа

Қызыл арай гүл алып

Жақын тарттың жаныңа

Шәкіртім деп қуан

Сипадыңда басымнан

Әліппені ұсындың

Бақытымның осыдын

Басталғанын түсіндім.

    

Ең алғаш қолға алғанда Әліппені

Қызығып қарай бердім әріптерді

Мен үшін сырлы жұмбақ бұл кітаптың

Ұстазым маған кілтін алып берді

 

Хор: «Әліппе» әні
                                                                                                                  
Әліппе: Балалар, сендер мені оқыдыңдар, сонда меннен не үйрендіңдер, не білдіңдер?
Қане ортаға салайықшы.Ата- аналарың да естісін.
Дәнекер боп дамыл таппай арада

Әліппені ұялатқан санаға

Ұстазымыз сізге алғыс айтамыз

Үйретуден жалықпаған балаға

                                    

                                          Әліппенің тойында

Әркім құштар ойынға                                    Әріптер сыр ашады

Қыздар биге басады.  

            

Мұғалім: Ортаға биші қызымыз Альбина «Аққу»биін тамашалайық
«Сөз оқимын айырып, буынды енді» деп айтып жатырсыңдар.Олай болса, осы «Әліппе әлемі» дәмханасының бір тапсырмасы бар екен соны көрейік. мінекей ол өлең шумағы екен.Қанекей бәріміз бірге оқып көрейік.

Барлығы:
Жақсы кітап – Әліппе,
Үйретеді әріпке.

Қош бол құтты Әліппем

Көп нәрсені үйреттің

Таныстырып әріппен

Тақылдатып сөйлеттің

 

Әліппемен қош айтысып қаламыз

Енді қолға басқа кітап аламыз

Ата-ана қуанышқа ортақ бол

Сауатты боп шықты міне балаңыз

 

Таныстырып 42 әріппен

Қош бол менің қасиетті әліппем

Сенің арқаң оқи, жаза білгенім

Сауатты адам санатына кіргенім      

 

Әр бетіңнен күнде алып сабақты

Сен арқылы адам болдық сауатты

Алыстағы дос-туысқа хат жазып

Оларға да жаза аламыз жауапты

 

 

Мұғалім: Ал,енді Әліппені ерінбей, жалықпай жанымызда отырып үйреткен жандарға жыр жолдап, сол кісілерге рахметімізді, ризашылығымызды білдіріп, еңбектерін ақтайық.

Отан- жерім, Отан- суым,

Отан қуат нәр береді.

Отан- ұран, Отан туым,

Отан  мәңгі гүлденеді?

Ән  «Отан»

Ханшайым: Әліппе, келесі сөзді сізге береміз.
Әліппе: Менің бетімді санап жүрген тентек бауырым бар еді,соны ортаға шақырыңдаршы.
Барлығы:Математика!Математика!
(математика  келеді)

Барлығы: Сәлематсіз бе, Математика!
Математика: Сәлематсіңдер ме, балалар! Міне, сендер де Әліппені оқып үйрендіңдер.Әріптердің барлығын танып білдіңдер!Оқу- жазуды білесіңдер.Сонымен қатар мені де жақсы оқып үлгеріп жүрсіңдер деп сенемін.енді қазір мен сендерге жұмбақ есеп айтамын, жүйріктерің соны шешіңдер!

 

Табақта 5 алма,
Қолымда 2 алма.
Қосқанда барлығы,
Болады неше алма?     (7)

Балалар: 7 алма
Математика: Өте жақсы, рахмет сендерге.Өздерің өңкей білімді балалар екенсіңдер.Біз әлі сендермен балалар мектеп табалдырығынан қоштасқанша бірге боламыз.Әрдайым осындай білімді, тапқыр болыңдар!

Ханшайым: Математика төрге шығыңыз!Оқушылардың бүгінгі болып жатқан қуаныштарының арасында болыңыз.
 
Мұғалім: Ал балалар,сендердің іштеріңде 3+2 қосып 5 алдым деп жүрген оқушылар жоқ па?

Математика пәніне арналған « Сарбаздар» биі.

  «1» деген ол жаман баға,  Садыр
Алады оны жаман бала.

«2» деген нашар баға,     Айгул
Інішегім нашарлама.

«3» дегенім орта баға,   Жаңыл                                                       Сапасы да орта ғана.

«4» дегенім жақсы баға,   Арлан
Алады оны жақсы бала.

«5» дегенім үздік баға ,     Алихан
Оқитын бол үздік қана.

 

Мұғалім: ән «Есеп сабағы»

 

Кесінді екі шеті шектелген

Ұзындығы өлшенген

Созуға тіптен болмайтын

Түзуді айтады екен.

 

Тең төрт қабырғалы

Бұрыштары тік  болады

Төрт бұрыштың бұл түрін

Шаршы деп аталады

 

Қабырғасы мен бұрышы

Үшкет тең болады

Сол себепті де

Үшбұрыштдеп аталады

 

Нүкте, сәуле ,бұрыш,

Есте  сақта дұрыс

Тік, сүйір, доғал

Бұрыштардың болатынын біл

Мұғалім: Міне, балалар,өздерің айтқандай үнемі «4» пен «5»- ке оқуға тырысыңдар.Балалар сендерге осыншама өнер, білімді үйреткен кімдер?
Барлығы: Мектеп.Мұғалім.Ата-ана.Әліппе.
Мұғалім: Дұрыс.«Әліппе сендерді оқуға, жазуға үйретті».Сол үшін әліппе достарыңа не деу керек?

 

 

Бәрімізді сүйіп өткен

Балаларға үйреткен

Әліппемен ұстазға

Бас иеміз құрметпен

 

Әліппені бітірді балаларым

Әліппеден нәр алған даналарым

Өзі жазып оқитын халге жетті

Құтты болсын қадамы балалардың

 

Балалардың білімі құтты болсын

Денсаулығы әрқашан мықты болсын

Білімдерін әрі қарай дамытатын

Ерінбейтін еңбекқор мықты болсын.

 
Мұғалім: «Сурет сабағы» әні.
Барлығы: Рахмет, саған Әліппе!

Әліппе сөзі: Иә, балалар, өздерің айтқандай мен сендердің үлкенбілім жолына тұсауларыңды кесіп бердім.Жолдарың даңғыл болсын, ол дегенім сабақтарыңды тек жақсы деген бағаға оқып, білімнің сыры мен қырын меңгере беріңдер.Сендер енді «Ана тілі» оқулығын оқисыңдар.Сау болыңдар, балалар!
Барлығы: Сау болыңыз!

Ханшайым:Бізге тағы бір қонақ келе жатқан сияқты.Орын дайындайық.
 
Мұғалім: Олай болса, қонағымыз келгенше сендерге арналған тағы бір тапсырма бар екен.Көрейік.Мінекей ол не екен?Балалар бұл жұмбақтар екен, ал қане қонағымыз келгенше шешіп үлгереміз бе?
 Жұмбақтар
Жазу жазып жалықпаған,
Жаза – жаза арықтаған.   (бор)
Алты қырлы,
Алтын сырлы.   (қарындаш)

Үйреткен ілімді,
Қырық екі білімді.     (әліпби)

Қабат – қабат қаттама,
Ақылың болса аттама.   (кітап)
Мұғалім: Өте жақсы, балалар!
(Ана тілі келеді)
Мұғалім: Міне, балалар күткен қонағымыз да келіп қалған екен, қарсы алайық.Жоғарылатыңыз,қош келіпсіз!
Барлығы: Сәлеметсіз бе?
Мұғалім: Балалар бұл қонағымызды танисыңдарма?Кім екен?
Барлығы: Ана тілі!
Ана тілі:Туған елдің тілімін,
Ақылы мен танымын,
Түсіндірер бәріне,
Ана тілі пәнімін.

Балалар, енді бұрынғыдан да көп оқитын боласыңдар.Бұған сендердің ұстаздарыңның еңбегі көп жұмсалатыны белгігі.
Ханшайым: Жоғары төрлетіңіз,Ана тілі!

Мұғалім: Ана тіліне арнау

Ана тілі арың бұл,

Ұятын боп тұр бетте.

Өзге тілдің бәрін біл,

Өз тіліңді құрметте.

 

Ана тіліне арнап оқушылардың биін қабыл алыңыздар «Вальс».
Қорытынды сөз: Қымбатты оқушылар!Сендер зейін қойғыштықтарың, еңбек сүйгіштіктеріңнің және білімге құштарлықтарыңның арқасында мектептегі алғашқы жеткен жетістіктеріңмен құттықтаймын.
Сендер Алфавиттің барлық әріптерін жаттап алдыңдар, әрі өздеріңнің тұңғыш оқулықтарың «Әліппе» бойынша оқуға үйрендіңдер.білім баспалдағына өрлеген сапарларың сәтті болсын!Мектебіміздің мақтанышы болыңдар!
 Осымен «Әліппе әлемі» дәмханасындағы мерекелік кешіміз аяқталды.Келіп тамашалағандарыңызға көп рахмет!