Сабаққа психологиялық талдау
Сабаққа психологиялық талдау
Сабақтың психологиялық мақсаты:
- Балалардың дамуын нақты оқу материалын және нақты сабақты оқып- үйрену шегінде жобалау;
- Сабақтың мақсаттық ұстанымында тақырыпты оқып- үйрену міндеттері мен алдыңғы жұмыста қол жеткізген нәтижелерді есепке алу;
- Оқушылардың дамуын қамтамасыз ететін психологиялық-педагогикалық ықпалдың жекелеген құралдарын қарастыру.
Сабақтың стилі:
- Сабақтың мазмұны мен құрылымын дамыта –оқыту қағидаларына сай анықтау, оның ішінде:
- жүктеменің оқушының есте сақтауы мен ойлауына сәйкестілігі;
- оқушылардың жаңғырту және шығармашылық іс-әрекетінің көлемін анықтау;
- білімді дайын күйінде (мұғалімнің сөзінен, оқулықтан, оқу құралынан және т.с.с.) және өз бетінше саралау үдерісінде меңгертуді жоспарлау;
- мұғалім мен оқушылардың проблемалық –эвристикалық оқытуды жүзеге асыруы (проблеманы кім қояды, кім құрастырады, кім шешеді);
- мұғалім жүзеге асыратын оқушылардың іс-әрекетін бақылау, саралау және бағалау, сонымен қатар оқушылардың өзара сыни бағалау, өзін-өзі бақылау және өзін-өзі саралау есебі;
- оқушыларда іс-әрекет тудыру (жасалған жұмыспен байланысты туындаған оңтайлы сезімдер түсініктемесі, қызығушылықты көтермелеуші ұстанымдар, қиыншылықты жеңуге деген еріктік күш-жігер және т.б. ) мен күштеудің арақатынасы (бағалауды еске салу, қатаң ескерту, ақыл айту, т.б.);
- Мұғалімнің өзін-өзі ұйымдастыру ерекшеліктері:
- сабаққа дайындаған және ең бастысы- психологиялық мақсатты түйсінуі және оны орындауға деген ішкі даярлығы;
- сабақтың басындағы және оның барысындағы жұмысшы көңіл-күй (жинақылық, сабақтың тақырыбы және психологиялық мақсатымен үндестігі, қуаттылық, алға қойған мақсатын жүзеге асырудағы табандылығы, сабақтың барысындағы барлық оңтайлы (оптимистік) көзқарас, педагогикалық тапқырлық, т.б. )
- педагогикалық такт (оқиғалар, көріністер);
- сабақтағы педагогикалық ахуал (қуанышты, шынайы қарым-қатынасты қолдау, іскерлік такт және т.б); (тактты әдеп деп беруге келмес пе екен?)
Оқушылардың танымдық қызметін ұйымдастыру:
- Оқушылардың ойлауы мен елестеуінің өнімді жұмысы үшін қажетті жағдайларды қамтамасыз ету шараларын белгілеу;
- оқушылардың оқып-үйреніп жатқан объектілер мен құбылыстарды қабылдау және оларды түйсіну жолдарын жоспарлау;
- көзжеткізу, сендіру түріндегі ұстанымдарды қолдану;
- оқушылардың зейіні мен жинақтылығының орнықты жағдайларын жоспарлау;
- оқушылардың жадында жаңа білімдер мен біліктерді қабылдауы үшін қажетті бұрынғы алған білімдері мен біліктерін өзектендіру жұмыстарының түрлі нысандарын қолдану (әңгімелесу, дербес сауалнама, қайталау тапсырмалары) ;
- Жаңа білімдер мен біліктерді қалыптастыру үдерісіндегі оқушылардың ойлау мен елестету қызметін ұйымдастыру;
- оқушыларда білімдер мен біліктілердің қалыптасқан деңгейін (нақты сезімдік ұғымдар, түсініктер, «жаңалықтардың» жинақ бейнелері, қорытындыларды түзу) анықтау;
- оқушылардың ұғымдар түсінігін қалыптастырудың, түсіну деңгейлерінің, ойлау қызметі мен елестетуін ұйымдастырудағы жаңа бейнелерді жасаудың психологиялық заңдылықтарына сүйену;
- оқушылардың белсенді және өзбетінше ойлауын қамтамасыз ететін жұмыс тәсілдері мен нысандарын (сұрақтар жүйесі, проблемалық ситуациялар жасау, тапсырмаларды проблемалық-эвристикалық орындаудың түрлі деңгейлері, жетіспейтін және артық мәліметтері бар тапсырмаларды қолдану, өз бетінше жұмыс барысында шешуге болатын интеллектуалды қиындықтар түзу, тапсырмаларды оқушылардың танымдық дербестігін дамыту мақсатында күрделендіру) жоспарлау;
- түсіну деңгейін (бейнелеу, салыстыру, түсіндіруден жинақтау, бағалау, өзектендіруге қарай) арттыру және ой толғау және ойды қорыта білу білігін қалыптастыруға басшылық жасау;
- оқушылардың шығармашылық жұмыстарының алуан түрлерін қолдану (жұмыс мақсатын, орындау шарттарын түсіндіру, материалды іріктеу мен жүйелендіруге, сонымен қатар жұмыс нәтижелерін өңдеу мен рәсімдеуге үйрету);
- Жұмыс нәтижелерін бекіту:
- дағдыларды жаттығулар арқылы қалыптастыру;
- бұрын меңгерген біліктері мен дағдыларын жұмыстың жаңа жағдайларына көшіруге үйрету, механикалық үдерісті болдырмау.
Оқушылардың ұйымшылдығы:
- 1. Оқушылардың оқуға деген қатысы, олардың өзін-өзі ұйымдастыруы және интеллектуалды дамуының деңгейі;
- Оқушылардың білімділік деңгейі бойынша мүмкін топтары, аталған жағдайларды сабақ барысында оқушылармен жүргізілетін жұмыстардың жеке, топтық және жалпы нысандарының үйлесімін анықтауда есепке алу.
Оқушылардың жас ерекшеліктерін есепке алу:
- Сабақты оқушылардың жеке және жас ерекшеліктеріне сай жоспарлау;
- Сабақты күшті және әлсіз балаларды ескере отырып өткізу;
- Күшті және әлсіз оқушыларға деген дифференциалды тәсіл.