Коучинг Тақырыбы: Мектептегі бағалау

Коучинг

Тақырыбы: Мектептегі бағалау

Коучинг мақсаттары:

  1. Бала өміріндегі мектеп бағасының мәнің ата-анаға көрсету
  2. Оқушы дағдысын ата-ананың қабылдауының мәдениетін қалыптастыруға жағдай жасау

 

Дайындық.

Оқушылар  мен ата-аналардан сауалнама алынады. Ата-ана үшін жадынама дайындалады.

Ата-ана үшін сауалнама.

1.Сөйлемді аяқтаңыз:

Мектептегі баға – бұл …

Менің балам мектептке бара жатқан кезде, мен оған былай өтініш айтамын…

Менің балам мектептке бара жатқан кезде, мен оған мынадай тілек айтамын…

Менің балам жақсы баға алған кезде, мен былай деймін…

Менің балам нашар баға алған кезде, мен былай деймін…

2.Балаңыздың білімін талдау кезінде жиі айтылатын сөздерді белгілеңіз:

Бүгін қандай баға алдың?

Ештеңе етпес, жөндеуге әліде уақытымыз бар!

Осылай болатының мен білгенмін. Кімге ұқсағансын?
Өз бөлмеңе бар, көзіме көрінбе.

Сен ақылдысың ғой, келесі жолы оған  мұғалімнің көзі жетеді.

Сенің бағаңнан жоғары баға алған бала бар ма?

Сыныпта тағы екілік баға алғандар бар ма?

Саған қиындық тудырған сабақты талқылап көрейік.

Осылай үнемі 2 мен 3 алып жүре бересің бе?
Оқушыға арналған сауалнама

Сөйлемді аяқта:

Егер мен жақсы баға алсам, …

Егер де мен нашар баға алсам, ….

Егер үй тапсырмасын орындау кезінде түсінбей жатсам, …

Ата-анадан  көмек сұрасам, олар …

Мен білемін, мектептегі баға —

Ата-ана үшін жадынама

«Балаңыздың мектепте алған бағасына көзқарасыңыз»

Нашар баға үшін балаңызға ұрыспаңыз.

Ол сізге жақсы жақтарымен көрінгісі келеді.

Егер жақсы жағынан көріне алмаса, ол өтірік айта бастайды.

Егерде балаңыз көп еңбектеніп, бірақ нәтижесі төмен болса, оған аяушылық көрсетіңіз.

Тек жоғары нәтиже маңызды емес екенін айтып, түсіндіріңіз.

Күнделікті еңбек арқасында алған білім мен дағды маңызды деп түсіндіріңіз.

Сіздің рухани тыныштығыңыз үшін тоқсан аяғында бағаны жалыңып сұрауға  балаңызды итермелемеңіз.

Жоғары баға үшін балаңызды алдап, өтірік айтуға үйретпеңіз.

Ешқашан баланың көзінше мұғалімнің қойған бағасына күмәнданбаңыз.

Егер күмән болса – мектепке барып,  жағдайды анықтаңыз.

Себепсіз бала мен үлкендерді айыптамаңыз.

Өз балаңыздың жеңістерін қолдап отырыңыз, жақсы баға үшін мейрам сыйлаңыз, марапаттап отырыңыз.

Балаңыздың еңбегінің  нәтижесін көрсете біліңіз, өйткені ол сізге ұқсауға тырысады.

 

 

 

 

 

Коучинг барысы:

Коучтің іс-әрекеті:

1.Коучтің алғы сөзі.

Ата-ананы қарсы алу, тренингтің тақырыбы және жоспарымен таныстыру.

2.Сергіту сәті.

Ата-ананы дөнгелек столға  отырғызу. Оларға бірнеше жаттығу жасауға ұсыныс береді.

Сұрақ – жауап:

1 жаттығу.  Балаңыздың мектепте алған бағасы  сіз үшін маңызды ма?

2 жаттығу. Мектепте оқыған кездеріңіздегі алған  пәндік бағаларыңызды  еске түсірейік және ата-ана ретінде балаңыздың алған бағаларына ой жүгіртейік.

3 жаттығу. Экрандағы суретке қарап, талдау жасап көреміз.

Сұрақтары:

Суреттегі бала өзін қалай сезініп тұр?

Өз үйінде ол қолайлы өмір сүре ме?

Жақын адамдарының қарым-қатынасы қандай?

Сіздің ойыңызша, бұл оқиға қалай аяқталады?

Осы ғасыр ата-анасы ретінде, оқиға  қалай аяқталады деп ойлайсыз?

Өз көзқарасыңыз.

3.Топтық жұмыс.  Ата-аналарды топқа бөлу.

Мектептегі  кездесетін жағдайларды талқылау және түсіндіру. Талқыланып болған соң, постерге жазып, қорғау.

1 жағдай. Балаңыз сабақты өздігінен орындағысы келмейді және ата-анасын жұмыстан келгенше күтеді.

2 жағдай. Балаңыз үйге кезекті нашар бағасымен келді.

3 жағдай. Балаңыз сізден алған нашар бағаларын жасырып, күнделіктегі бағаны жөндейді.

4 жағдай. Балаңыз мұғалімді  білімін дұрыс бағаламаған үшін  кінәлайды.

4.Рефлексия.

Бүгінгі тренинг бойынша өз пікірлеріңізді, көзқарастарыңызды айтсаңыздар. Мен бүгін мына білдім, … Мен қарсымын,себебі… Мен үшін бұл жаңалық болды…  Мен келіспеймін…