Қабдеш Жұмаділов «Қозыкүрең»
Атырау облысы Қызылқоға ауданы Сағыз селосы
Кенбай орта мектебінің қазақ тілі пәні және әдебиеті пәнінің мұғалімі
Әділова Гүлдана Қалыбайқызы
Сабақтың тақырыбы: Қабдеш Жұмаділов «Қозыкүрең»
5 сынып (екінші сағат)
Сабақтың мақсаты:
Білімділігі: «Қозыкүрең» әңгімесінің мазмұнын меңгерту, білім көкжиегін кеңейту. Қазақ-қырғыз халықтары арасындағы тарихи қалыптасқан қарым-қатынастың, адал көңіл-ниеттің, шынайы бауырластығы туралы әңгімелеу. Табиғат перзенті жылқы малына деген сүйіспеншілік көзқарасты ұғындыру.
Дамытушылығы: Оқушының өз бетінше іздене білу, қорытынды, тұжырым жасаудағы машығын дамыту, ой-өрісін, сөздік қорын, ойлау қабілетін арттыру.
Тәрбиелілігі: Адами сезімді қастерлеу, ортақ пікір, тиянақты тұжырымдама жасауға баулу, оқушыларды адамгершілік, қайырымдылық, бірлік, достық, отанды сүюге, бауырластық рухында тәрбиелеу.
Сабақтың түрі: білімді жүйелеу
Сабақтың әдісі: Әңгімелеу, баяндау, сұрақ-жауап, талдау, жинақтау,
ой қозғау .
Сабақтың көрнекілігі: Қ.Жұмаділовтың портреті, кесте-сызба,
интерактивті тақта, слайдтық көріністер
Пәнаралық байланыс: Тарих, бейнелеу өнері
Сабақтың барысы:
І. Ұйымдастыру кезеңі. Психологиялық дайындық
ІІ. Үй тапсырмасын тексеру. (өмірі мен шығармашылығына тоқталу)
ІІІ. Жаңа сабақ.І. Қызығушылығын ояту. Ой қозғау.
- Қ.Жұмаділов туралы не білеміз ?
- Қандай шығармаларын оқыдыңдар ?
- Мәтін жоспары.
- Қонаққа бару.
- Қонақта.
- Қызық әңгіме.
- Майданға ат апару.
- Қозыкүреңнің қашуға дайындығы.
- Қозыкүреңнің елге оралуы.
- Қозыкүреңді арулап көму.
- Сыйлық.
Әр бөлімді оқушылар мазмұндап, мәтіннен тауып оқиды. Мәтінді дәптерлеріне жазып, ұнаған бөлімге «+» белгісін қояды.
Түсініктеме күнделігін толтырады
| Әңгіме аты (бөлімі) | Әсер еткен тұсы | Үзінді жайлы өз пікірің |
Мәтінді талдау
- Повестен алынған үзіндіні не себепті «Қозыкүрең» деп атаған ?
- Шығарманы оқи отырып, қай кейіпкердің іс-әрекетіне сүйсіндіңдер ?
- Қазақ пен қырғыз халқының достығы, ортақ салт дәстүрі туралы не білесіңдер ? (Мәтіннен Ержанның ойларын тауып оқу).
- Қозыкүреңнің елге қашатынын Саяқбай қайдан білді ?
- Қозыкүрең елге оралғанда Саяқбай неге жылады ?
- Төреқұл досы Ағыбайға «Қоянкөк» дөненді сыйға тартуы, оны Ағыбайдың қабылдап тұрып «Берген жомарт емес, алған жомарт» деуі неліктен ?
- Параллелизм дегеніміз не ?
ІІ. Мағынаны тану. Топтық жұмыс
1 топ. Кейіпкерлерін ата?
2 топ. Әңгімедегі Саяқбай жылқышы қандай адам?
3 топ. Ағыбайға Төреқұлдық сыйы. Екі достың диалогін оқу.
«Кім көп біледі» ойыны.
Жылқыға байланысты қандай мақал-мәтелдерді білесіңдер?
- Жылқы – малдың патшасы,
- Түйе – малдың қасқасы.
- Жүйрік атқа жел қамшы.
- Жүйрік ат – бірде ат, бірде қанат.
- Жылқылы елде жау көп,
- Жатақ елде дау көп.
- Жүйрікті кекіл қағысынан байқайды.
Семантикалық карта.
| № | Үзінді | Саяқбай | Төреқұл | Ағыбай |
| 1
2
3
4
5
6 | — Пәлі, мына қазақтарды қарай гөр!
— Бұлар менің жиендерім….
— Жігіттер, мен бірдеңе білсем, сендер осы қозыкүреңнен айырыласыңдар,-деді.
— Жануарым – ай, аман-есен келген екенсің ғой! Айшылық жолды алты аттап, Алатауыңа жеткен екенсің- ау!….
— «Біздің арамыздағы достықты осы балалар жалғастыратын болсын…»
— Мынауың баға жетпес сый болды – ау, Төреқұл!
|
+
+ | +
+ |
+
+
|
ІІІ. Ой толғаныс. Сөздікпен жұмыс (кесте бойынша)
| 1. Ақалтеке – 2. Бесті – 3. Қу мүйіз – 4. Өрелеу — | Түркімендік жүйрік жылқы тұқымы Бес жастағы жылқы Көп нәрсені бастан кешірген, ысылған, төселген. Аттың алдыңғы аяқтары мен арты бір аяғын шалып байлау, өре (шідер) салу. |
Шығармашылық тапсырма.
- «Менің тұлпарым», «Туған жерге келе жатқан Қозыкүрең» тақырыбында сурет салу, сурет бойынша әңгімелеу.
Қорытынды.
Үйге тапсырма:
«Туған жерді сағындың ба, Қозыкүрең ?» әңгіме желісі бойынша ертегі жазу.