«Атамекен» бағдарламасының «Толғау» бағыты бойынша «Сөз мәйегі мақал» тақырыбы туралы түсінік беру

«Атамекен» бағдарламасының «Толғау»  бағыты бойынша «Сөз мәйегі мақал» тақырыбы туралы түсінік беру

Мақсаты: «Атамекен» бағдарламасының «Толғау»  бағыты бойынша «Сөз мәйегі мақал» тақырыбы туралы түсінік беру. Аз сөзбен көп мағына беретін ауыз әдебиетінің жанры мақал – мәтелдерді біліп, орынды  жерінде қолдана білуге баулу.

Көрнекілігі: компьютер

     Сайыстың барысы: I Ұйымдастыру кезеңі.

1. Сайыскерлермен таныстыру. I топ «Қыран» II топ «Ұлан»
2. Әділқазылар алқасын сайлау.
3. Сайыстың шарттарымен таныстыру.

Сайыс 4 кезеңнен тұрады. I кезеңде білім туралы. II кезеңде Отан, туған жер туралы, III кезеңде еңбек туралы, IV кезеңде тіл туралы 10 мақал-мәтелден беріледі. Берілген тапсырмадағы сөздердің біреуімен қатысты мақал-мәтелді тауып, дұрыс жауап берген топ 10 ұпайға ие болады.

I кезең «Жалғасын тап».

Шарты: Ойыншыларға білім туралы 10 мақал ұсынылады. Мақалдың тек бірінші жолы оқылады, келесі жолын ойыншылар табуы керек. Кім бірінші қолын көтерсе, сол ойыншы жауап беру құқығына ие болады. Әр дұрыс жауап үшін 10 ұпай иеленеді. Ойынның  соңында әр топтан екі оқушы өзімен бірге ала келген 1 көнерген сөзді «Сөз мергеннің» қоржынына салады.

1. Оқу білім азығы,  … (Білім ырыс қазығы)
2. Оқыған озар, … (Оқымаған тозар)
3. Оқусыз білім жоқ,

… (Білімсіз күнің жоқ)

4. Өнер білім бәрі де,

… (Оқуменен табылған)

5. Білімдінің күні жарық,

… (Білімсіздің күні қаріп)

6. Оқу – білім бұлағы,

… (Білім – өмір шырағы)

7. Білімдіден шыққан сөз,

… (Талаптыға болсын кез)

8. Кітап – ғалым,

… (Тілсіз мұғалім)

9. Мектеп – кеме,

… (Білім – теңіз)

10. Білекті бірді жығар,

… (Білімді мыңды жығар)

     II кезең «Тапқыр болсаң, тауып көр».

Ойыншыларға бірінші бағанға бірнеше сөздер беріледі, екінші бағанға соларға қатысы бар бір сөз беріледі. Ойыншы сол сөзді тапса 10 ұпайға ие болады, сұраққа жауап бере алады. Егер сұраққа жауап берсе, тағы 10 ұпай иеленеді, егер жауап бере алмаса, басқа ойыншы жауап бере алады.

Екі топтың өнерін тамашалаймыз.

III кезең «Жүйріктен жүйрік озар жарысқанда».

Берілген сөздердің біреуімен Отан, туған жер туралы мақал-мәтелді тауып, дұрыс жауап берген топ 10 ұпайға ие болады.

IV кезең «Сөз мергені»

Берілген сөздердің біреуімен тіл туралы мақал – мәтелді тауып, дұрыс жауап берген топ 10 ұпайға ие болады.

Сабақты қорытындылау. Әділқазыларға сөз беріледі. Ұпайы көп топ марапатталады.