Ерлігін ел ұмытпайды

73

Тәрбие сағаты : Ерлігін ел ұмытпайды

Тәрбие сағатының мақсаты: 1. Оқушыларға Соғыс, Жеңіс, Бейбітшілік туралы түсінік бере отырып,  Ұлы Отан соғысының батырларымен таныстыру.

  1. Мақал – мәтелдер, өлеңдер арқылы оқушыларды Ұлы Отан соғысының батырларына деген сүйіспеншіліктерін дамыту. 3. Оқушыларды бейбітшілікті сақтауға және нығайтуға, ерлікке, өз Отанын сүюге, адал болуға тәрбиелеу.

Көрнекілік:  Бауыржан Момышұлы, Әлия Молдағұлова, Мәншүк Мәметова, Рақымжан Қошқарбаев, Ізғұтты Айтықов, Қасым Қайсенов,  Соғыс кезін бейнелейтін суреттер, көгершіндер, гүлдер, шарлар.

1 – бөлім. Соғыс, Жеңіс, Бейбітшілік ұғымына тоқталу.

2 – бөлім. Әдеби- музыкалық монтаж.

Тәрбие сағатының барысы:

  1. Ұйымдастыру.Балалардың амандасуы.
  2. 1 бөлім

«Соғыс» деген сөзді естігенде қандай бояудың түсін елестетесіңдер?

«Соғыс» деген сөзді өздерін қалай түсінесіңдер?

«Жеңіс» сөзін естігенде қандай бояудың түсін елестетесіңдер?

«Жеңіс» деген сөзді қалай түсіңесіңдер?

«Бейбітшілік» деген сөзді қалай түсіңесіңдер? Көз алдарына нені елестетесіңдер?

1941 жылы 22 маусымда таңғы сағат төртте бейбіт жатқан елімізге Германия тұтқиылдан соғыс ашты.Суық хабар сол күні – ақ байтақ жерімізге түгел тарады. Ер – азамат өздері сұранып асығыс майданға аттанды. Аттанып бара жатқан жауынгерлер:

Қош бол, досым, жақыным,

Уақыт тығыз, сөз қысқа!

Кетіп бара жатырмын

Сұрапыл бір соғысқа, — деп елімен қоштасты.                  (Қ.Аманжолов)

Қасиетті жеріміз, бейбіт жатқан еліміз, құлақ естіп, көз көрмеген апатқа ұшырады. Жауынгерлер батырлықтаң, батылдықтың үлгісін көрсетті. Осы сұрапыл соғыста елін, жерін, халқын сүйген халыққа қамқоршы болған кімдер деп ойлайсыңдар? Біздің бейбіт өмірімізді Ұлы Отан соғысында аталарымыз, апаларымыз қорғап қалған.Олардың ерлігін ел ұмытпайды.

Міне, осынау елімізге  лаң салған алапаттың жеңіспен аяқталғанына 65 жыл толып отыр. Ешкім де, ешнәрсе де ұмытылмайды.

Балалар, сендер қандай батырларды білесіңдер?

Суреттерін көрсету.

Балалар, Отан, батырлық, ерлік туралы кім мақал – мәтелдер біледі?

  1. Отан үшін отқа түс, күймейсің.
  2. Батыр туса ел ырысы, Жаңбыр жауса жер ырысы.
  3. Ер жігіт ел үшін туады, Ел үшін өледі.

II бөлім

1 оқушы

Қара түнек серпілді, серпілді,

Ұйқысынан ел тұрды, ел тұрды.

Аңсаған атты алтын таң,

Майданға! Майданға!

2 оқушы.

Отаным еркелеймін өзге кімге,

Өзіңмен нені болса көргем бірге.

Қалайша қабырғама батпас менің,

Басына қатер бұлты төнген күнде.           (Ғ. Орманов)

3оқушы.

Ер елім көрсет тағы еңбек күшін,

Еңбекпен қас  дұшпанның өрті сөнсін.

Түр білек, түс еңбектің туы астында

Бәрі де майдан үшін, жеңіс үшін!

4 – оқушы

Көп қой батыр ағалар.

Халық сүйіп бағалар.

Көп қой батыр ағалар

Жаттап алар балалар.

5 – оқушы

Болашақты бізге мирас етем деп,

Қыршын кетті Әлия, Мәншүк апалар.

6 – оқушы

Әлия, Мәншүк аттары әнге айналған.

Әлия, Мәншүк – қос жұлдыз көкте жайнаған.

7 – оқушы

Фашизмнің ордасы Рейхстагқа қазақ жігіті лейтенант Рақымжан Қошқарбаев Қызыл ту тікті.

8 – оқушы

Сен құрметте оны,

Түсіндің бе қарағым?!

Ол ақшаға сатқан жоқ

Тізеден кесіп аяғын.

Еріккеннен де ұстап жүрген жоқ

Қолтығына таяғын.

9 – оқушы

Ел намысын қорғап қалды.

Түсіндің бе қарағым?!

Сенің келешегің үшін берді ол

Азаматтық жолында аяғын.

10 – оқушы

Соғыстың құны — өртенген орман

Соғыстың құны – уланған орман

Соғыстың құны – тесілген жүрек

Соғыстың құны – кесілген білек.

11 – оқушы

Жеңіс келді қалама,

Жеңіс келді далама!

Жеңіс келді әке боп,

Елдегі бар балаға.

12 – оқушы                                                                                                                       Жеңіс келді ән болып,

Келді ауылға сән, көрік.

Жеңіс келді, алақай,

Тоя жейтін нан болып!

13 – оқушы

Отанымыздың жаудан қорғау жолында шайқасқан Батырларға бас иеміз.

14 – оқушы

Олар Отанымыздың байтақ жерін  қорғады!

15 – оқушы

Өзі туған халқының  өнерін қорғады!

16 – оқушы

Ақ сүт берген анасын қорғады!

17 – оқушы

Ақ самал ескен даласын қорғады!

18 – оқушы

Пәк жүзі арай баласын қорғады!

19 – оқушы

Арылтып жаудан жерімді,

Табанға жаншып өлімді.

Жеңіспен желпіп өмірді

Оралды ерлер көңілді.

Десеңдер, бұл қай күні?

Тоғызыншы мамыр күні!

Мүғалім: Әрқашан әділдік жеңеді. 1945 жылы 9 мамырда соғыс бітті. Ауыр жылдар артта қалды. Жер бетінде бейбітшілік орнады.

Ән: «Әрқашан күн сөнбесін»

Тәрбие сағатын аяқтау.