«Тілашар» тойы

39

 

«Тілашар» тойы

Мақсаты: Оқушылардың тілін дамытып, сөздік қорын молайту. Еліне деген құштарлығын ояту. Ұлттық дәстүрді дәріптеу. Отанын, елін, мектебін сүюге тәрбиелеу. Өнерлерін көрсете білуге дағдыландыру.

Көрнекілігі: қанатты сөздер, шарлар, «Білім әлемі» қақпа  суреті, т.б.

1.Ұйымдастыру

2.Мұғалім сөзі.

Қымбатты қонақтар! Ұстаздар, ата- аналар! Бүгінгі қуанышты күн «Тілашар» мерекесі құтты болсын! Бұл той балалардың тұсаукесер тойы іспеттес. Кеше ғана мектеп табалдырығын аттаған кішкентай бүлдіршіндер бүгін міне, бойларына жауапкершілік пайда болып, бой түзеп, ой, саналарына сана қосып, еліміздің саналы бір азаматтары болып отыр. .

Бала – біздің болашағымыз, еліміздің ертеңі. Сол ертеңгі ел тізгінін ұстар ұрпағымызды «Хан баласындай нық, бидің баласындай тік» сөйлейтіндей етіп тәрбиелеу- бүгінгі біздің ұстаздардың, ата-налардың міндеті. Шәкірттер атаның ұлы емес, халықтың ұлы болсын!

Енді осы бүлдіршіндерімізді қошеметпен ортаға шақырайық.

Өсті міне, бойларың,

Өсті міне, ойларың.

Қуанышқа ортақпыз,

Құтты болсын тойларың.

Ата-аналар мен ұстаздар, қонақтар! Бүгінгі «Тілашар» тойына қош келіпсіздер! Әр жанұяға береке, бірлік, табыс тілей отырып, тойымызды бастауға рұқсат етіңіздер.

Ата-ана: Шашу, шашу шашайық,

Ақ сандықты ашайық.

Бұл мереке, бұл тойдың,

Бастаңғысын бастайық!   /шашу шашылады/

1-оқушы:

Көз салып қараңызшы бойымызға,

Ортақ боп бүгінгі өскен ойымызға

Қош келіпсіз, ұстаздар, ата- аналар,

Тілашар атты біздің тойымызға. /Ислам/

2-оқушы:

Армысыздар, мұғалімдер, әз жандар,

Жүздеріңнен мейірім мен нұр тамар!

Құшақ жая қарсы аламыз сіздерді,

Би биленіп, ән де бүгін шырқалар!  /Жазира/

3-оқушы:

Қуантуға елімді,

Қуантуға жерімді.

Қуантуға барлығын

Мен мектепке барамын./ Ақгүл/

4-оқушы:

Өмірімнің көктемін,

Сенде өткізем деп келдім.

Алтын ұям мектебім

5-оқушы:

Армандарым көп менің,

Атқарамын деп келдім.

Асыл анам мектебім.

6-оқушы:

Оқып ғылым тектерін,

Ой аламын деп келдім

Оттан ыстық мектебім.

7-оқушы:

Өнерпазың көп сенің,

Өнер табам деп келдім.

Өз бесігім мектебім.

8-оқушы:

Қуанбаймыз неге біз?

Күліп күн де тұр асқақ.

Оқығалы келеміз,

Бізбірінші сыныпқа./Әлішер/

9-оқушы:

Енді мен үлкен боламын,

Анамнаң тілін аламын.

Ұстаздың барлық айтқанын

Миыма құйып аламын. /Абай/

10-оқушы:

Нәріңді беріп құрғатпай,

Сусаған шөлді қандырған.

Сәулеңді шашып жүрекке,

Жанымның отын жандырған.

Мектебім, аяулы мектебім! /Думан/

11-оқушы:

Мектеп- кеме, білім теңіз,

Барар жерге тезжетеміз.

Адаспаймыз ұлы жолда,

Ұстаз берген білім қолда.  /Бекзат/

12-оқушы:

Нағыз білім, ырыс, бақ,

Дүниені тұрұстап.

Келер жылы сабаққа,

Кірісеміз дұрыстап.

13-оқушы:

Біздің келер шамамыз,

Бестен үшті аламыз.

Таза жазып дәптерге

Үздік оқушы боламыз!  /Жаннұр/

14- оқушы:

Бітірдім даярлық сыныпты,

Мектепке күзде барамын.

Айтпағанда басқаны,

Кітап оқуға жарадым./Сағындық/

Мұғалім:  -Кәне, балалар, математика сабағын біз қандай санамақтан бастаушы едік. Сол санамақты айтайықшы.

Хормен:

Бір дегенде, бір деген,

Сабақтан түк білмеген.

Екі деген бағаны

Еріншектер алады.

Үш дегенде, үш деген,

Орташаға күш деген.

Ал, төртті ала алар,

Жақсы оқитын балалар.

Ең үздікбесдеген,

Беске оқимыз біз деген.

 Мұғалім: — Шырылдап жерге түскеннен-ақ сенің бір жақының, бір досың, бір ұстазың бар. Қара жерді баспай жатып, есіңді білмей жатып, тырмысып бауырына жабысатының, шырылдап уанбай жылап іздейтінің. Ол саған бәрінен де қымбат. Ол кім?

-Әрине, аналарың. Ендеше, ана мен бала туралы қандай өлең білесіңдер?

Жазира:

«Ана» деген сөзді де,

«Аға» деген сөзді де,

«Әке» деген сөзді де,

«Тәте» деген сөзді де,

«Ата» деген сөзді де,

«Апа» деген сөзді де,

Ойлап тапқан балалар!

Ислам:

«Күнім, жаным» дегенді,

«Құлыншағым» дегенді,

«Ботақаным» дегенді,

«Айналайын» дегенді,

«Толған айым»дегенді

Ойлап тапқан аналар!

15-оқушы:

Аңыз, ертек, ән- жырдың,

Бәрін бойға құйғыздың.

Санамызға сіз біздің

Бар асылды сыйғыздың.

Жастық білім шырағы,

Рахмет сізге мұғалім!  /Алтыншырша/

Мұғалім: — Ал, ата-аналар мен ұстаздар, қонақтар! Балалармен дайындаған шағын концерттік бағдарламамызды тамашалаңыздар.

  1. «Балалық» әні
  2. Жаннұрдың орындауында «Қуыршақ» әні
  3. «Мақта қыз» ертегісінен қойылым
  4. «Қошақаным» әні
  5. Би./ұлдар мен қыздар/
  6. «Төрт мезгіл» ертегісінен қойылым.
  7. «Жаңбыр» әні
  8. «Ботақаным» әні
  9. «Дос іздеген бота» ертегісінен қойылым.
  10. «Достарым» әні

Мұғалім:

Болуға тырыс талпынып,

Асылдардың көзіндей.

Кездейсоқпен достаспа,

Адалдығын сезінбей.

Күтуде сені келешек,

Қоғамға өзің берешек.

Аларыңды алып өс,

Болғанша әлі ересек.

Құлынтайдай болып өс,

Ата- анаңа болып ес.

Еліңнің қамын ойлайтын,

Азаматы болып өс!

 

Бата тілеу

Кітап дегенді ренжітпей оқыңдар,

Ұқыпты ұстап, онымен дос болыңдар.

Кір шалмасын беттерін,

Таза болсын оқулық пен дәптерің,

Оқығандарың естеріңде болсын.

Күнделіктерің 5-ке толсын.