Шаңырақ жарастығы сабақ жоспары

Жаңа форматтағы сабақ жоспары

Казталов ауданы Жалпақтал ауылы

Кенжебек Мендалиев атындағы орта жалпы білім беретін мектебі

Өзiн-өзi тану сабағының жоспары

Мектеп: К. Мендалиев атындағы ОЖББМ

Тақырып: 11 – сабақ. Шаңырақ жарастығы

 

Сабақ мақсаты: Оқушылардың ата — аналарымен жағымды қарым – қатынас жасау, айналасындағы адамдарға деген риясыз сүйіспеншілік құндылықтарын ашу;

Міндеттері: —  отбасы мүшелерін сыйлай білуге, шынайылыққа үйрету;

—          отбасындағы жанындағы адамдарға риясыз қызмет етуге тәрбиелеу.

—          отбасындағы татулықтың, жанашырлықтың маңыздылығы туралы түсініктерін дамыту.

Ресурстар:(құралдар, мәлiметтер)

Плакаттар, үнтаспа, түсті қарандаштар, баяу әуен, отбасылық суреттер, видеороликтер, қолшатыр.

Сабақ барысы:

  1. Ұйымдастыру кезеңi. Оқушылармен амандасып, түгендеу.

5. Т

Тәртіп Талап Тыныштық Тазалық Татулық

Тыныштық сәтi.(баяу әуен)

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ- қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін.

 

Сабақ барысын талқылау:
  1. Дәйексөз.

Отбасы – адамның жақсылық жасауға үйренетін ең бірінші әлеуметтік ортасы.
В.А.Сухомлинский

1. Бала тәрбиесіндегі ата – ананың рөлі қандай?

2. Баланы жақсы тәрбиелеп, бойындағы қабілет – қасиеттерін ашатын ата – ана қандай болу керек?

3. Дәйексөзден нені ұғынуға болады?

 

 
  1. Әңгiмелеу (сұхбат).

Ата – ана тәрбиесі, ата – ананы қадірлеу, риясыз жақсылық жасау туралы видео қарау.

1.      Видеоны қарап отырып нені түсіндіңіздер?

2.      Ата – анамызға қандай риясыз қызмет атқаруымыз керек?

3.      Баланы еркін тәрбиелеген дұрыс па, әлде қатаң  тәрбиелеген дұрыс па?

 

 
  1. Шығармашылық жұмыс, топтық жұмыс.

«Отбасы» шығармашылық жұмысы

Ал қазір көзімізді жұмамыз да, көз алдымызға таза әрі жайлы ауланы елестетеміз. Әдемі етіп салынған жол бізді бір үлкен үйге апарады. Біз баяу жүріп отырып үй иесінің бар ықыласпен отырызылған гүлдеріне көз тастаймыз. Міне үйге де келіп қалдық, баспалдақпен үйге енеміз. Үй ішінен жаңа піскен нанның иісі мен хош иісті шайдың иісі келіп тұр. Көзімізді ашамыз.

—          Сендерге бұл үй ұнайды ма?

—          Ұнаса онда осы үйдегі жылылықты молайту үшін отын сала отырып жылыта түсейік.

Ол үшін отындардың артындағы сұраққа жауап беру керек.

—          Отбасында сен қандай шаруашылықты атқарасың?

—          Дүкенге кім бару керек деп ойлайсың?

—          Отбасы тәрбиесіне ата – анаңның қайсысы көп көңіл бөледі?

—          Қиын жағдайда қайсысынан бірінші көмек сұрайсың?

—          Өзіңнен қателік кеткен жағдайда өзіңді қалай сезінесің?

—          Ата – ананың қайсысына ұқсаймын деп ойлайсың?

—          Отбасында қандай аға, іні, қарындас, әпкесің?

—          Анаң немен айналысқанды жақсы көреді? Әкең ше?

—          Ата – анаң сені қалай және қандай сөздермен еркелетеді?

—          Достарың ата – анасын ренжітіп алса, сен қандай ақыл берер едің?

 

«Отбасы» деген атауда жалындаған оттың да үлкен маңызы бар екенін сеземіз. Сондықтан оттың басы ошақтың түтіні түзу болсын!

Шаңырақтың үстінде кейде бұлт төнетін сәттер болатынымен келісеміз. Оған сендердің қандай іс – әрекеттерің себеп болып тұрады деп ойлайсыңдар?Ал қане бұлтты қуып жіберейік. (Жалқаулық, қаталдық, өтірік айту, алдау, еріншектік)

Шаңырағымыз жарқырай түсу үшін күн шуақтарын тағуымыз керек. Ал бізге шаңырағымызға жарық жылулық сыйлап, өздерінің мейірім, сүйіспеншілігін төгетін ол біздің ата – аналарымыз. Ата – аналар келіп күн шуақтарын іледі. Шуақтардың артынағы сұрақтарға жауап беруіміз керек?

  1. Сіздің балаңыздың мінез – құлығы қандай білесіз бе?
  2. Балаңыз сізбен жиі сырласа ма?
  3. Балаңыздың бойында қандай жақсы қасиеттер болғанын қалайсыз? Ол үшін сіз не істейсіз?
  4. Балаңыз жаман әдеттерге бой алдырғанын байқасаңыз қандай ақыл – кеңес берер едіңіз?
  5. Сіз балаңызға күнделікті қанша уақыт бөлесіз?
  6. Балаңыздың сүйіп оқитын пәндері?
  7. Балаларыңыздың достары туралы айтып беріңізші?
  8. Балаңыздың жақсы көріп айналысатын ісі?
  9. Балаңыздың арманы туралы айта аласыз ба?

«Мен үшін қымбат…» сөйлеміне бір сөз қосу арқылы ойды аяқтау.

 

 
  1. Топпен ән айту

«Ана туралы жыр»

Әні: Ш. Қалдыаяқов

Сөзі: Ғ. Қайырбеков

 

Дәптермен жұмыс:

Оқушыларға: «Менің отбасым» эссе.  Ата – аналарға: «Біздің балаларымыз»

«Отбасылық қолшатыр»

«Мен үшін отбасы…»  сөзін жалғастырып отбасы қолшатырын құру.

 

 
  1. Соңғы тыныштық сәтi.

Аяғымызды айқастырмаймыз, қолымызды тіземізге қоямыз, көзімізді жұмамыз. Бүгінгі сабақтан алған білімдерімізді ойымызға сақтап аламыз.

Тыныштық, тыныштық, тыныштық бар жерде,

Тыныштық, тыныштық, тыныштық бұл әлемде.