Алтын балық сабақ жоспары

Тақырыбы:  Алтын балық

Сабақтың мақсаты:

Білімділік: Әңгіме мазмұнын түсіндіре отырып, баланың  арманы мен қиялына баға беруге үйрету. Жазушының астарлы айшықты сөздеріне баланың назарын аудара отырып, көркем сөздің адам ойын дәл жеткізудегі   ролін айқындау.


Тәрбиелік мәні:  Адамгершілікке, ізеттілікке тәрбиелеу.

Дамытушылық:  Оқушылардың тілін, ой-өрісін,  логикалық ойлау  қабілетін , өздігінен жұмыс істеу дағдыларын  дамыту.

Сабақ әдісі:  Түсіндіру, әңгімелеу сұрақтарға жауап алу СТО әдістері (болжау әдісі, топтық әдіс).

Сабақ түрі: Аралас сабақ

Сабақтың көрнекілігі: Автордың суреті, алтын балық бейнесі,  видио ролик,интерактивті тақта.

Пәнаралық байланыс: Өзін-өзі тану, дүниетану.

Сабақтың барысы:


І. Ұйымдастыру кезең

а) Оқушылардың назарын сабаққа аудару

ә) Үй тапсырмасын сұрау, бағалау

ІІ. Балалық шаққа саяхат (өткен сабақтарды еске түсіру)

ІІІ. Бағалау- мотивациялық кезең

      Үй тапсырмасын сұрау:  Мен қалай торғай болдым?.«Сиқырлы қобдиша» әдісі

  1. Бала не болуды армандады.
  2. Ол бір күні не тауып алды?
  3. Торғайға айналып кетуіне кім көмектесті?
  4. Торғай болып жүрген кезінде қандай қиындықтарды бастан ешті?
  5. Қалай ойлайсың торғай болған жақсы ма екен? Неге?
  6. Сенің кімге айналып кеткің келеді? Неге?
  7. Баланың торғайға айналған кездегі қуанышы менөкініші?
  8. «Шіркін, егер мен….болсам»

Бағалау: Бармақ

Балалық шаққа саяхат

«Менің атым Қожа” кімнің шығармасы?

Ондағы басты кейіпкер кім?  Жауабы Бердібек Соқпақбаев Қожа

Б. Соқпақбаевтың “Компос” әңгімесінде Боданның әкесі баласына қандай ақыл айтты? Жауабы “Балам, адал бол! Біреудің ала жібін аттама!”.

Б. Соқпақбаевтың “Ағаштар неге ашуланды” мәтінінде Алмабектің жіберген кемшілігі неде? Жауабы   Ол өзі отырғызған ағашқа қарамады. Көктемде тамырлап кете алмай шала-жансар жұтап тұрды.

Бағалау: Смайлиик

“Мен қалай торғай болдым?” мәтініне байланысты қандай мақал айтар едің?

   «Ой қозғау»әдісі.Ойнайық-ойлайық (мақал-мәтелді табу)

СДНӨЫАЗҢСОАЫЙЙ:   ЖЛҢАМСҚЕӨСЙЗЫДІНІӨЫ

  1. Сөз- ойдың айнасы.
  2. Жақсының сөзі өлмейді.

Бағалау: Смайлик

АКТ мүмкіндігін пайдалана отырып: видио ролик «Алтын балық»ертегісінен үзінді көрсету.

«Болжау» әдісі бойынша — Балалар ,неліктен бұл әңгіме «Алтын балық» деп аталған? Кім қалай  ойлайды?

Бағалау: Екі ұсыныс,бір жұлдыз

    Жаңа сабақ «Алтын балық»  Авторы: Жолтай Әлмашев

                  

Мұғалімнің көшбасшылығы: Жолтай Әлмашев 1957 жылы 14 ақпанда

Жаңақорған ауданы Бірлік шаруашылығының  Қыраш елді мекенінде дүниеге келген. Қазақстан Жазушылар Одағының және Журналистер Одағының мүшесіфилология ғылымдарының кандидаты, Сұлтанбек Қожанов атындағы Республикалық Журналистер Одағы сыйлығының лауреаты.

Мәтінмен жұмыс (топқа бөлу)

 І топ Шөкінің көңіл күйі қандай?Ол нені армандады?(мазмұнын айтып беру)

ІІ топ Баланың атын неліктен Шөкі қойған? Дәрігердің қандай көмегі болды?(Мәтін бойынша сұрақ дайындау)

ІІІ топ Шөкі балықты көріп қалай таң қалды?Шөкі қармағына түскен балықтан қандай тілек тіледі?Шөкінің іштегі арманы орындалды ма?(Сахналық корініс)

Бағалау: екі жұлдыз, бір ұсыныс

          Сергіту сәті:

Қызыл балық, ақ балық,

Шеттерінен сақ балық.

Суды шоршып ойнайды,

Бізді аңқау деп ойлайды.

«Пилотт- Штурман» әдісі арқылы жұптық жұмыс эссе жазу. Ең үздік жазылған эссе оқылып бағаланады.

 «Қара,оқы, жаз» әдісі бойынша дәптермен жұмыс

Дерт- ауру. Шетінеді – қайтыс болды,өлді.Қуанышы қойнына сыймай-қатты қуанып.Сабасына түсті- көңілі орнына түсті.

Көршіңді тексер:

Сабақты қорытындылау  «балық аулау»ойыны  Сұрақ – жауап:

  1. Әңгімедегі басты кейіпкер кім?
  2. Бала шешесінен А.С.Пушкиннің қандай ертегісін көп тыңдады?
  3. Шөкінің арманы не еді?
  4. Баланың атын неліктен Шөкі қойған?
  5. Тіл тию дегенді қалай түсінесің?
  6. Шөкі қармағына түскен балықтан қандай тілек тіледі?
  7. Баланың тілегі орындалды ма?
  8. Баланың атын «Шөкі» деп қою себебі неде?
  9. Шөкінің «алтын балыққа» айтқан сөзі?
  10. Егер сен «алтын балық» ұстап алсаң, не тілер едің?

«Алтын балық» ертегісіменен «Алтын балық» әңгімесінің айырмашылығы неде?

Рефлексия: алтын балыққа тілегің болса мына  балыққа жазып жібер. Мүмкін сеніңде тілегің қабыл болар.

Үйге тапсырма

Айрықша тапсырма:

«Егер сен алтын балық  ұстап алсаң, не тілер едің?»(Эссе)

Балықтың бейнесін суреттеу