Ойын арқылы би қимылдарын үйрету
Ойын арқылы би қимылдарын үйрету
Ойын — бала өмірінің ажырымас бөлігі. Орыстың ұлы педагогі В.А.Сухомлинскийдің «Ойынсыз ақыл ойдың қалыпты дамуы да жоқ және болуы да мүмкін емес».
Баланы тапқырлыққа , батылдыққа , шапшаңдыққа , ептілікке , байсалдылыққа үйрететін де осы ойын.
Ойын балаларды ортақ мақсатқа, ұжым намысын қорғауға, оның жеңісіне ортақтасуға тәрбиелейді. Ойындарда балалар жолдастық, ауызбіршілік пен , ұйымшылдықтың не екенін түсіне бастайды.
Бүлдіршіндермен биде ойындарды өткізу барысында педагог төмендегідей талаптарды орындауы қажет:
-балаларды ойынға міндетті түрде қатыстыру;
-балаларға өзі шеше алмайтын, педагогтің көмегін қажет ететін жағдайларда ұсыныстар айту;
— ойындарды көрсеткен кезде үйренгендерін балалар өз бетінше пайдалана алатынындарына көз жеткізу.
Ойын міндеттерін шешудің заттық тәсілі ойыншықтармен билеу іс-әрекетері . Алғашқыда балалар педагогтің орындау барысындағы таныс қимылдарды сүйсіне қайталайды.
Түрлі сипаттағы музыкамен байланысты музыкалық – ойындарды ойнағанда: байсалды, асықпай және көңілді, шаттанған көңілді жеткізуге талпындырады. Балалардың ой-өрісін, есте сақтау, қабылдау, орындаушылық қабілеттерін арттырады және де музыкаға деген қызығушылықтарын оятады.
Дидактикалық ойын «Біздің саяхат»
Ойын шарты: Балалар шеңберде отырады, би жетекшісі балаларға саяхатқа баратындарын айтады. Көз алдарыңа елестетіп, қимыл қозғалыстарды орындаймыз.
- Баспалдақтан баяу, асықпай түсеміз;
- Далаға шықтық күннің көзіне қуанып жүгірдік;
- Айгерім допты алып жерге соға бастады;
- Балалар тез секірді;
Бірақ күн күркіреп жаңбыр жауа бастады, алдымен ақырын, сосын қатты жауды. Балалар қорқып тез-тез балабақшаға оралды. (осы қимылдардың барлығын би жетекшісі музыкалық қимыл арқылы көрсетеді.)
Кім қалай жүреді?
Ойын шарты: Балаларға әр-түрлі жануарлар характеріне сай, әуенді ойнайды балалар әуенді тындап, әуенге сай қимыл-қозғалысты орындаулары керек.