Көктем лебі

Ашық сабақтар

Көктем лебі

Ұрғылап омырауын тас жағаға,

Буырқанып шашты өзен ақ көбігін.

Айдынында би билер ақ шағала,

Көтеріп көктем лебі шат көңілін.

Естисің небір күміс үнді,

Сыңғырлап сықылықтап қыздар -дағы.

Көресің сұлулықты, ай мүсінді,

Жайнайды қырдың гүл-гүл қызғалдағы.

Табиғат сілкіп тастап сән кемесін,

Қарашы гүл жайнаған нәрлі өңірге.

Қалайша құс қаңқылдап, қыз күлмесін,

Сезімнің сиқыры енсе әр көңілге.