Омар Һәйәм

Сабақтың  тақырыбы :        Омар Һәйәм 

Сабақтың мақсаты : а)  әлем әдебиеті туралы түсінік беру, сабаққа деген  қызығушылығын арттыру;

                                   ә) адамгершілік қасиеттерге баулу,үлгі-өнеге ету;


                                   б) шығармашылық ізденіске бағыттау,ой бөлісу, өз ойын көркемдеп еркін айтуға баулу,мәнерлеп оқуға дағдыландыру,ізденімпаздыққа төселу;                                     

Сабақтың түрі :                                Дәстүрлі сабақ

Сабақтың әдісі :                               сұрақ-жауап, түсіндіру

Сабақтың көрнекілігі :                 кітаптар, қосымша материалдар т.б              

Пәнаралық байланыс :                    тарих

Сабақтың барысы : 

                                    а)  Ұйымдастыру кезеңі :


                    Оқушылармен амандасу,түгелдеу,оқу құралдарын тексеру.Сыныптың тазалығына көңіл бөлу.Оқушылардың зейінін сабаққа аудару.

                                    ә)  Үй тапсырмасын пысықтау :

                 Үйге берілген  тапсырманы    сұраймын.Оқушыларға бірнеше сұрақтар қоямын.    

                                б)  Жаңа сабақты түсіндіру.

               Омар Һәйәм ақын, математик, астроном, ойшыл. Ол Нишапур маңында туған. Жасынан зерек, ғылым қуған жігітті Бұқара әкімі өз сарайына алдырады. Ол 25—30 жастар шама-сында алгебра туралы трактат жазып танылған болатын. Сол заманда Исфаханда аса ірі обсер-ватория болған, соны басқарады. Мұсылман елдері қолданып келген ай күнтізбесінің орнына күн күнтізбесін енгізеді.

               Омар   Һәйәм   астроном   ғана          емес, ұлы математик, емші де болған. Көне грек геометрі Евклидтің ережелерін түсіндірген трактат жазды. «Медицина каноны» деп аталатын еңбек жазған Шығыс ғұламасы Ибн Синаның философиялық шығармасын парсы тіліне аударды. Өзі де емшілікпен айналысқан. Омар Һәйәмнің «Әлем және оның міндеттері», «Тіршілік туралы», «Алгебра туралы» трактаттары, фило-софиялық еңбектері бар. Ғылыми кітаптарын араб тілінде, өлеңді парсы тілінде жазған. Жан-жақты талантты, кемеңгер ғалымның еңбектерінің ішінде ақын ретіндегі орны ерекше.

                 Оның 300-ден астам рубаилары бар. Онда ақын: өмірдің мәні, уақыттың тез өтпелілігі, жақсылық пен ізгілік, надандық пен ғылым іздеу, о дүние жайлы толғаныстарын жазған. Дін ғылымын шала білетін діндарларды сынайды. Сопылық поэзия дәстүрін жалғастырады.

Кітаппен жұмыс:   Омар Һәйәмнің   өлеңін   мәнерлеп оқиды

 

Білімді бекіту: Оқушыларға бірнеше сұрақ қоямын. Түсінбеген сұрақтарына жуап беремін.

Білімді бағалау: Оқушылардың жауаптарына қарай білімдері бағаланады.

 

Үйге тапсырма:    Омар Һәйәмнің      шығармаларын оқып келуге беремін.