Осы күнгі айтыстар
Сабақтың тақырыбы : Осы күнгі айтыстар
Сабақтың мақсаты :
а) Осы күнгі айтыстар туралы түсінік бере отырып,оқушылардың пәнге деген қызығушылығын арттыру;
ә) тәрбиелік мәні бар мысалдар келтіре отырып оқушыларды елін,жерін,Отанын сүюге тәрбиелеу;
б) оқушылардың білімін бақылау арқылы мәнерлеп оқуға дағдыландыру;
Сабақтың түрі : аралас сабақ
Сабақтың әдісі : сұрақ-жауап,шығармашылық іздену
Сабақтың көрнекілігі : кітаптар, қосымша материалдар
Пәнаралық байланыс : тарих
Сабақтың барысы :
а) Ұйымдастыру кезеңі :
Оқушылармен амандасу,түгелдеу,оқу құралдарын тексеру.Сыныптың тазалығына көңіл бөлу.Оқушылардың зейінін сабаққа аудару.
ә) Үй тапсырмасын пысықтау :
Үйге берілген тапсырманы сұраймын. Оқушыларға бірнеше сұрақтар қоямын
- «Біржан мен Сара» айтысында қандай әлеуметтік мәселе көтерілген?
- Айтыста екі ақынның әншілік,ақындық,адамгершілік сипаттары қалай көрінген?
- Біржан өзін сипаттау үшін қандай көркем сөз образдарын қолданған?
- Жиенқұл айтыста қалай бейнеленген?
б) Жаңа сабақты түсіндіру.
Кейінгі жылдардағы айтыстардың көпшілігінде бірсыпыра әлеуметтік мәселелер қозғалып, кейбір келеңсіз жайлардың сыналып ашық айтылуы бұл өнер түрінің халыққа берер тәлім-тәрбиелік мәні зор екенін айқын сипаттайды. Айтулы оқиғаларға байланысты-Қазақстанның 60 жылдығына араналған ,Кенен Әзірбаевтың туғанына 100 жыл толуына орай өткізілген,Абайдың,Жамбылдың 150 жылдығына арналып өткен т.б республикалық айтыстар әдебиетімізде лайықты орын алады.
Топтастыру стратегиясы:
Парасат,білім сөзге тоқтау
Намыс,жігер,қызу шабыт талант,арқа
Тапқырлық,ұтымды ой қолма-қол суырыпсалушылық
Білімді бекіту: Өтілген тақырыпқа байланысты бірнеше сұрақтар қоямын. Түсінбеген сұрақтарына жауап беремін.
- Қазіргі ақындар айтысының өзіне тән ерекшелігі неде?
- Айтыстың болашағы жайында не ойлайсыңдар?
- Қазіргі ақындар айтысынан кімдерді білесіңдер?
Білімді бағалау:
Оқушылырдың жауаптарына ,сабаққа белсене қатысып отырғандарына қарай білімдері бағаланады.
Үйге тапсырма: «Айтыскер қыздардың әсемдік әлемі» тақырыбына эссе жазып келу.