Ы. Алтынсарин «Өзен»

Сабақ жоспары

Сабақтың тақырыбы: Ы.Алтынсарин «Өзен»

Сабақтың мақсаты:

Білімділік: Оқушыларды Ыбырай Алтынсариннің өмірі туралы түсінік беру, «Өзен» өлеңіне талдау жасау.
Тәрбиелік: оқушыларды адамгершілікке, ізгілікке баулу, елжандылыққа тәрбиелеу.
Дамытушылық: оқушылардың әдеби дүниетанымдарын кеңейту, пәнге деген қызығушылықтарын арттыру, мәнерлеп оқу дағдыларын дамыту.

Сабақтың типі: жаңа сабақ.

Сабақтың түрі: дәстүрлі сабақ.

Сабақтың әдіс-тәсілі: мәнерлеп оқу, әңгімелеу,талдау.

Сабақтың көрнекілігі: Ы.Алтынсариннің жинақтар

топтамасы, портіреті

Пәнаралық байланыс: тіл, тарих,география.

Сабақтың барысы:

І. Ұйымдастыру кезеңі: 1.Оқушылармен сәлемдесу.

ІV Жаңа сабаққа дайындық

1.Сабақ тақырыбын тақтаға жазу

2.Сабақ мақсатын түсіндіру

Ыбырай – қазақ балалар әдебиетінің атасы.
1841 жылы Қостанай облысында дүниеге келген.
4 жасында әкесі қайтыс болады.
Атасы Балғожа бидің тәрбиесінде өседі.
1850 жылы Ыбырай орыс – қазақ мектебіне оқуға түседі. Оны жеті жылда жақсы бағалармен бітіреді.
1864 жылы Ыбырай қазақ балаларына арнап мектеп ашады.
Ыбырайдың «Өзен», «Дүние қалай етсең табылады?» т.б. өлеңдері бар.

2.«Өзен» өлеңін мәнерлеп оқу.

VІ. Түсінік тексеру:

*Сұрақ жауап

Өзеннің табиғаттағы, адам өміріндегі атқарар жүгін ақын қалай көрсеткен?

Өлеңде қандай көркемдегіш сөз және сөз тіркестерін қолданған?

Өлеңнің буын өлшемін және ұйқас түрін анықтаңдар

VІІ. Жаңа сабақты бекіту:

Өздік жұмыс:

Өздерің көрген, шомылған өзенді өз сөздеріңмен әңгімелеу және олардың адамның қандай игілігіне жарап жатқанын жазу.
Өлең жолдарынан бейнелі сөздер мен теңеулерді тауып жазу.

Сөздік жұмысын жүргізу:

Өксіген – шөлдеген мағынасында.

Қынарда – жағасында, маңында.

Жай – орын, қоныс.

Жанабында – жанында, маңында.

VІІІ.Сабақты қорыту:

1.Бағалау

2.Үй тапсырмасын беру

1.Ы.Алтынсариннің өмірі туралы мәлімет жинау, жазу.