Ішкөйлек үлгілері. Ішкөйлек тігуге қажетті өлшемдер.

Сабақтың тақырыбы: Ішкөйлек үлгілері. Ішкөйлек тігуге қажетті өлшемдер.

Сабақтың мақсаты:

1. Білімділік: оқушыларға жалпы киімдердің топталуы туралы толық мағлұмат беру, киімнің түрлері, олардың қолданылуы туралы түсінік беру.
2. Дамытушылық: оқушылардың киімдер туралы дүниетанымын, киімге қалай өлшем алу керек екенін үйрету.
3. Тәрбиелік: оқушыларды ұқыптылыққа, үнемділікке, еңбексүйгіштікке, киімді күтіп кие білуге тәрбиелеу.

Сабақтың типі: жаңа материалды меңгеру

Сабақтың түрі: дәстүрлі сабақ

Сабақтың әдісі: әңгімелеу, өз бетімен жұмыс, сарамандық жұмыс

Сабақтың көрнекілігі:сызба суреттер, кестелер, сәнмүсін, сантиметрлік таспа

Пәнаралық байланыс: геометрия, сызу

Сабақтың барысы:

1. Ұйымдастыру кезеңі.

А) Сәлемдесу, түгелдеу

Б) Оқушылардың сабаққа дайындығын, құрал-жабдықтарын тексеру.

2. Үй тапсырмасын сұрау

Өткен сабақты қайталау

А)Сұрақтар:

1.Иық бұйымдарына не жатады?

2. Көйлек қандай бөліктерден тұрады ?
3. Қамзолды қандай маталардан дайындайды?

4.Табиғи маталар қандай болады?

5. Синтетикалық бұйымдар адам ағзасына қалай әсер етеді?

6.Сәнді кім шығарады?

7.Сәннің сырт көрінісін қалай сипаттайды?

Б)Суретке қарап сәннің сыртқы көрінісін сипаттау

3. Жаңа сабақ

Ішкиімдер  ұйықтаған кезде киетін киімнің  бірі. Ішкиімдер мақта матадан, шыт, сәтен, бөз , бәтістен тігеді. Бұл маталар жұмсақ, әрі жеңіл, мықты болады, ылғалды жақсы тартады және ауаны жақсы өткізеді. Қыстық түнгі көйлек тігу үшін фланель және бумази маталары қолданылады. Түсіне қарай ақ түсті, ашық түсті, тегіс бояулы, майда суреттері бар маталар таңдалып алынады.

Түнгі көйлектердің пішімі әр түрлі болады. Олар қысқа және ұзын, жеңсіз және жеңдері бар, жағалы және жағасыз иыққа түскен тігісі бар және тігісі жоқ болып келуі мүмкін. Жағалары да әртүрлі болып келеді. Түнгі көйлектерді сәндеу үшін шілтерлер, кестелер, меражка, аппликация қолданады.

Киімді конструкциялауда негізгі және жауаптыәрі күрделі процестердің бірі-адам денебітімінен алынған  өлшем белгілері, яғниөлшем алу болып табылады. Дайындалатын бұйым бөлшектерінің қонымдылық  сапасы,оның сымбаттылығы өлшемнің дұрыс алынуына байланысты.

Өлшем алу үшін сақталатын талаптар:

• өлшемді адам денесінің оң жағында тұрып түсіру
• белін алдын ала жіппен буып қою
• өлшемін алынатын адам тік тұруы керек
• таспаны қатты немесе босатуға болмайды.
• ұзындық өлшем толық, ен өлшемдері жартылай жазылады.

Адамның денебітімінің бастапқы өлшемдері үш санмен таңбаланады. Мысалы: 158-80-86. Мұндағы бірінші сан – см-мен өлшенген бойы, екіншісі – кеуде орамы,  үшіншісі – мықын орамы болып табылады.

Түнгі көйлектерді тігу үшін мынадай өлшемдер қажет.

ЖМойо-жартылай мойын орамы .

ЖКо – жартылай кеуде орамы.

ЖБо – жартылай бел орамы.

ЖМо – жартылай мықын орамы.

Арбұ – артқы бойдың белге дейінгі ұзындығы.

Ие – иық ені.

Бұ – бұйым ұзындығы.

Қосымша – киімнің берілген үлгісін алу үшін тұлға өлшемін үлкейтуге , қозғалыс еркіндігіне керекті шама.

4. Сарамандық жұмыс

Техникалық қауіпсіздік ережесін  және өлшем алу кезінде қойылатын талаптарды еске түсіру.

Өз өлшемдерін алып үйрену және түрлі-түсті қағаздан түнгі көйлектің үлгісін құрастыру

Нұсқау карта

5. Сабақты бекіту

1.«Сиквейн» әдісі бойынша :

1. Кім? Не? -1 сөз
2. Қандай ? – 2 сөз
3. Не істеді ?- 2 сөз
4. Сөйлем – 4 сөз

2.«Негізгі идеяны суреттеу»

3.«Кім жылдам» ойыны

1.Киімді конструкциялауда негізгі операцияның бірі ?

2.Ішкөйлектің сызбасын тұрғызу үшін дене бітімнен қандай өлшемдер алу керек ?

3.Өлшемді немен алады?

4.Іш көйлек қандай бөлшектерден тұрады?

5. Өлшем белгілерін қалай таңбалайды?

6.Бағалау

7.Үйге тапсырма

• 11.38-бет Алынған өлшемге сызба тұрғызу.

Сарамандық жұмыс

Мақсаты: адам дене бітімінен өлшем алуды үйрену, өлшем бірліктерді үнемі       есте ұстауға дағдыландыру.

Қажетті құрал-жабдықтар: сантиметрлік таспа, карандаш, қағаз, жіп.

Жоспары:

1. Техникалық қауіпсіздік ережесін және өлшем алу кезінде

қойылатын талаптарды еске түсіру.

2. Өз өлшемдерін алып үйрену

Нұсқау карта