Ана- өмірдің шуағы

67

Ана- өмірдің шуағы

Сабақтың мақсаты:

Оқушыларды Ананың еңбегін ақтауға, анаға деген сүйіспеншілікке ,ананы құрметтеп, сыйлауға  тәрбиелеу

Сабақтың көрнекілігі:        Нақыл сөздер             

Сабақтың барысы:

Мұғалім сөзі:

Ана-өмір қолдаушысы әлемнің

Шаңырақтың шаттығы мен шуағы

Сейілмесін жанарынан ананың

Тіршілікке төккен нұрлы шуағы

Аялайық аналарды әрдайым

Қуанышқа бөлейікші өздерін

Әжелердің,аналардың,қыздардың

Мұң шалмасын күлім қаққан көздерін

Ана- барлық өмірдің бастауы Ол адамды өмірге әкеледі, оны тәрбиелейді,өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана -ұлы адам ,Ана-құдіретті жан ,ендеше бүгінгі мерекелеріңіз құтты болсын,

Аяулы аналар!!!

 

І ж  Той пердесін ашайық

Аналарды құрметтеп

Ән маржанын шашайық

ІІ ж Құтты болсын ардақты анам

Асыл анам мерекең

Құтты болсын алтын анам

Қуанышты  берекең

Іж   Ана әнін  Бекнұр Бақытжан Болаттың орындауында қабыл алыңыздар .

 

І ж 1910 жылы Данияда Копенгаген қаласында революционер  әйелдердің халықаралық конференциясы өтті.

Мінбеге Клара Цеткин шықты Ол ақ шашты қара көзді орта жастағы адам еді

Біз  күреспен қол жеткізген  осы мерекені жыл сайын 8 наурыз күні атап өтейік .Бұл барша әйел қауымының мерекесі болсын деген ұсыныс айтты. Ұсыныс бір ауыздан қабылданып 8 наурыз халықаралық әйелдер күні болып қабылданды.

ІІ ж Өзіңе еліктеп өсермін

Борышты өтермін қалайда

Тым нәзік , жұтаңдау жырымды

Жүректе жылытшы ,жарай ма?

І  ж Сырғагүл өзінің шығарған «Апашым» өлеңін оқиды

І ж Менің анам үйде барлық тірлікті істеп, одан қала берсе жұмысқа да барып үлгереді

ІІ ж Мен мектептен келсем тамағым да дайын ,от та жағулы,

Үй де жинаулы мұның бәрін қалай үлгереді екен

І ж Біздің аналарымыз бәрін өз қамқорлығына алады , олар барлық шаруаны бітіреді,сонымен қатар  олар біздің әр ойымызды айтқызбай табады, біздің бар  сырымыз оларға әрқашан да белгілі

ІІ ж олай болса Аяулы аналарымызды бір сынап көрелік

Аялы алақан ойыны

Аналардың көзін байлап, оқушылардың ішінен өз балаларын тапқызу

 

І ж  Азамат қуат алар ақ сүтіңнен

Мәпелеп әлдилеген пейілі кең

Аналық махаббатың кәусәр-бұлақ

Сөнбейтін ақ жүрегің мәңгі шырақ

ІІ ж Алтын анам жасымнан аялаған

Мен үшін игілікті аямаған

Сабақтан шаршап үйге келгенімде

Бал  сөзі жаным деген сая маған

І ж Күнсұлу мен Мөлдір және Гүлжанаттың   орындауында

«Перзент сыры» Әнін қабыл алыңыздар !

 

 

І ж Дүниенің жарық күні анамыз

Дана болсақ анаменен данамыз

Тыңдаңыздар көңіл қойып ағайын

Анаға арнап тағы бір ән саламыз

 

ІІ ж Нұрғанат Пен Меруерттің орындауында « Анашым» әні

 

І ж Әнде шырқап би де билеп жатырмыз

Асыл ана бәрі осының сіздің ғана арқаңыз

Би Болат

 

І ж Менің анам алтын

ІІ ж    Менің де анам  алтын

І ж     Аналарды құрметтеп

ІІ ж   Қол соғыңдар жалпың

Есбол мен Асқарды ортаға шақырамыз

І ж Аналарымыз бізді байлаулы көзбен де көреді екен

ІІ ж Олар осындай байлаулы көзбен басқа нәрсені де бізді көргендей жақсы көрер ме екен ?

І ж Сынап көрелік

Ешектің құйрығын орнына қой

Суреттегі ешектің құйрығын көзін байлап орнына орналастыру

 

І ж Мерген аналарымыздың құрметіне тағы да ән шашу

ІІ ж Гүлжанат «Әже »әнін орындайды

 

ІІ ж Ерте заманның бірінде қазақ даласына шабуыл жасаған дұшпанның қалың қолы бір қаланы қоршап алады.Қалаға келетін ауыз суды тоқтатып қорғаннан өте алмаған жау халықтың берілуін күтіпті. Бірнеше күн өтсе де қала берілмепті

Сонда дұшпанның әскер басы мынадай бұйрық шығарыпты

— Қаладан көтергенше жүк алып әйелдердің кетуіне рұқсат етемін дейді

Әйелдер бір –бір қапшық арқалап қаладан шығып кетеді

Дұшпан қалға кіріп қараса бір де бір еркек жоқ

Әйелдер ер азаматтарын қапқа салып көтеріп кетіпті.

Кішкене қыздар ұл балаларды,кемпірлер шалдарды көтеріп қаладан шығып кетіпті

 

 

 

Іж Осылай бір халықты әйелдер аман алып қалған екен

Кішкене қыздар ұл балаларды көтеріп шығарыпты

Сен осылай жасай алар ма едің

ІІ ж Білмеймін , Мен тек біреуін ғана алып шығар ма едім?

І ж Ол бақытты жан кім екен ?

І ж айтпаймын

Адамбек Ерболат Жасұлан   «Мектептегі махаббат» әні

 

ІІ ж Аналарымыз қандай  өнерлі десеңші

І ж Өздері мерген   , Өздері бір үлкен адамды да көтеріп кетеді екененді оларды  қалай сынасақ екен

ІІ ж Олардың шешендігін сынап көрелік

    Сөз тапқанға қолқа жоқ ойыны

Аналарды ортаға шақырып бір әріп таңдатамыз.

Таңдаған әріптерге басталатын сөздермен төмендегі сұрақтарға жауап береді

 

І ж Біздің сөз тапқыш аналарымыздың құрметіне

Мөлдір мен Меруерттің орындауында « Шет жүрсем сағынарым»  әні

ІІ ж Мұсылман қауымы анаңды Меккеге үш рет арқалап апарсаң да парызынан құтылмайсың деген екен

 

І ж Бәріміз де ана алдында борыштармыз Сол борышты өтеу бізге міндет 6 д сыныбының орындауында «Әлемнің жарығын» әні

Қабыл алыңыздар!

 

 

 

 

 

 

 

 

 

Сен үшін құрметті не?

  1. Мектеп саған не берді?
  2. Ұялғанда не істейсің?
  3. Сен үшін байлық не?
  4. Кім сұлу?
  5. Қандай мақал білесің?
  6. Сөйлей –сөйлей кім боласың?
  7. Бақшада не өседі?
  8. Қиындықты қалай жеңесің?
  9. Қандай салт-дәстүрлерді білесің?
  10. Асыл мұраларды қалай құрметтейсің?
  11. Ең ұлы іс не?
  12. Құлақ неге екеу?
  13. Кімге сенбейсің?
  14. Кімнің қамын ойлайсың?
  15. Әке көрген не істейді?
  16. Үлкенді қалай сыйлайсың?
  17. Балқашта не көп?
  18. Ұл бала қандай бала?
  19. Ананың көңілі балада ,баланың көңілі қайда?
  20. Кітап саған не берді?
  21. Ұстаз кім?
  22. Тіл не үшін керек?
  23. Бақыт деген не?
  24. Сен кімсің?

 

 

 

 

 

  1. Сіз үшін достық деген не?
  2. Қандай салт-дәстүр білесің?
  3. Анаң саған не берді?
  4. Қандай аспапта ойнайсың?
  5. Нені өсиет санайсың?
  6. Қазақстан қандай?
  7. Қандай мақал білесің?
  8. Ең құрметті не?
  9. Неден қорқасың?
  10. Ең кіші не?
  11. Арманға жету жолы не?
  12. Көз неге екеу?
  13. Базарда не бар?
  14. Қиындықты қалай жеңесің?
  15. Ұлылардың ұлысы кім?
  16. Қандай ақын-жазушыны білесің?
  17. Қол не үшін керек?
  18. Қазақ тілі қандай тіл?
  19. Сен үшін байлық не?
  20. Ең жақын не?
  21. Төрт түліктің бірі
  22. Көре-көре кім боласың?
  23. Өмірлік мақсатың не?
  24. Не іздеп жүрсің