Әйтеке би кентіндегі Қ.И.Сәтбаев атындағы №216 мектептің 6 «А» сынып оқушыларымен жүргізілетін жылдық тәрбие жұмыстарының жоспары

Әйтеке би кентіндегі Қ.И.Сәтбаев атындағы №216  мектептің 6 «А» сынып оқушыларымен жүргізілетін жылдық тәрбие жұмыстарының жоспары

1 Кіріспе

Өткен оқу жылындағы тәрбие жұмыстарының қорытынды нәтижесіне талдау жасау.

Тәрбие – дидактикалық жүйе. Сынып жетекшісі күрделі, бірімен – бірі байланысып жатқан  тұтас оқиғаларға, оқушылардың әрқилы мінез – құлқына іс — әрекетіне тап болады. Толып жатқан психологиялық толғаныстар кездеседі.

Осы орайда өткен жылы 5 «А» сыныбымен біршама жұмыстар атқарылды. Ең алдымен оқушылардың өзін — өзі бақылау дағдысы қалыптасқаны. Оқушылар өздеріне тапсырылған тапсырмаларды (іс-шаралар, үй тапсырмаларының орындалуы)орындай білді. Оқу барысында жоспарланған тәрбие жұмыстары өз мәнінде өткізіліп тұрды. Сыныпты барлығы 22 оқушымен аяқтадық. Үздік оқушылар жоқ, екпінділер: Әкім Ерсұлтан, Әбжами Назерке, Демеу Ақтолқын, Райымбердиев Мақсат, Тұрғанбай Гауһар, Бақытжан Гауһар, Дөңес Айбек, Төлеш Айжан.

Сабақтан себепсіз қалған, тәртіп бұзған оқушылар болған жоқ. Сонымен қатар, қоғамдық жұмыстарға белсене араласып, алдыңғы қатардағы сыныптың қатарынан көріне білді.

II.Мақсаты.

Білім мен тәрбие қашан да егіз ұғым. Білім алушы шәкірттеріміздің жан – жақты дамыған, ақыл – ойы жетік, рухани құндылықтарды қадірлей білетін, адамгершілік қасиеттермен қаруланған жеке тұлға қалыптастыру.

Мектептегі оқу – тәрбие жұмысының бала тәрбиесі мен оның жан – жақты дамуына отбасы мен жанұяның, мектептің ынтымақтастығын арттыра отырып, ата – аналарға, оқушыларға оқу – тәрбие үдерісінің мазмұны мен әдістемесін таныстыру.

Балаларға салауатты өмір салтының машықтарын сіңіру және насихаттауға байланысты нақты шараларды жүзеге асыру.Оқушыларды зиянды әдеттерден сақтандыру.

Оқушылардың туған жерге деген сүйіспеншілігін арттыра отырып, экологиясы нашар аймақтармен таныстыру, жерге деген мейірім мен ықыласын, байлығы мен әсем табиғатын қорғай білуг үйрету.

Оқушылардың шығармашылықпен ойлау қабілетін, санаткерлікжәне жалпы даму көрсеткіші негізінде тілін дамыту. Отаншылдыққа, ұлттық патриотизмге тәрбиелеу.

Оқушылардың экономикалық білім негіздерін толықтыру, ата – ананы құрметтеуге, олардың еңбегін бағалауға тәрбиелеу, Оқушыларды отбасы бюджетін үнемді, ұқыпты, дұрыс жұмсай білуге тәрбиелеу.

Адам бойындағы ұнамды, ұнамсыз қасиеттерді айта отырып, оқушылардың әдеп әліппесі бойынша ықпал жасау.

Әдет – ғұрыпты сақтайтын, дәстүрді жалғастырушы қайырымды ұрпақ тәрбиелеу. Оқушыларды адам бойындағы асыл қасиеттерді бағалай білуге, адамдармен қарым – қатынас жасау дағдыларын арттыру.

III.Міндеттері

Отанымыздың тарихи құндылықтарын бағалау қабілеттілігін арттыру.Отандық қорғау-азаматтық борыш ұғымын қалыптастыру.

     Адами іс-әрекет жасау тәжірибесін қалыптастыру,сыртқы келбет пен күнделікті тұрмыс тіршілік дағдыларын қалыптастыру.

     Эстетикалық құндылықтарды өн бойына игеруге қызығушылығын арттыру,қандайда бір көркем шығарма саласында өзінің бейімділігі мен қабілетін байқап көруге ұмтылысын қалыптастыру.

     Табиғат тағдыры үшін тұлғаның жауапкершілік сезімін қалыптастыру,жанашырлық сезімін қалыптастыра отырып,табиғат үйлесімін қорғауға көзқарасты нығайту

     Өз туыстарының кемшіліктеріне шыдамдылық көрсетуін қалыптастыру,өзін отбасының тең құқылы бір мүшесі ретінде сезінуіне,ересек адам ретінде пікір айта алуына дағдыландыру.

     Теріс әсерлерге қарсы тұра алу қабілетін қалыптастыру,дене еңбегі,психологиялық,әлеуметтік және рухани саулық туралы түсінік қалыптастыру.

     Нарықтық экономиканың негізгі заңдары жайлы білімдерін қалыптастыру,жасөспірімдерінің өзіне-өзі өқызмет көрсету шеберлігін және дағдыларын игере отырып көздеген мақсатына жетудегі шыдамдылықты қалыптастыру.

     Шығармашылық жұмыстарда оқушы өзінің ойын білдіріп,қабылдаған шешім нәтижесін бағалай білу дағдысын қалыптастыру және өз қадірін сақтай білу және өзгенің қадір-қасиетін бағалай білу қасиетін қалыптастыру

     Әрбір оқушының өзін өзі бағалау, өзін — өзі реттеу, өзін — өзі іске асыру қабілетін дамыту, өзіне деген сенім қалыптастыру, өз қадірін сақтай білу және өзгенің қадір-қасиетін бағалай білу қасиетін қалыптастыру.

     Кәсіби шығармашылық танымын кеңеиту,мамандықты дұрыс таңдауға бағыт-бағдар беру және адам белгілі бір еңбек іс-әрекетіне неіп,бір ізге түсуіне көмек беру.

Оқу процесінде алған білімдерін тереңірек жетілдіріп, жан – жақты дамыған, кешегіні білетін, бүгінгіні саралай алатын тұлға қалыптастыру.

IV.Сыныптың және жеке оқушының әрекетін ұйымдастыру

      V.Сынып оқушыларының оқудан тыс уақытын және қоғамдық ұйымдармен жұмыстарды ұйымдастыру

VI.Тәрбие бағыттары бойынша ұйымдастырылатын жұмыс

Қазақстан Республикасының Үздіксіз білім беру жүйесіндегі тәрбие тұжырымдамасында нақтыланған 12 бағыты бойынша жүргізілетін жұмыс

ҮІІ. Оқушылармен жүргізілетін жеке жұмыс

4-стратегиялық бағыт – даралық ерекшеліктеріне байланысты жеке жүргізілетін жұмысты ұйымдастыру. Мінез-құлқына ауыртпашылық байқалатын оқушылар және ерекше қабілетті оқушылармен жұмыс.

Оқушылардың педагогикалық – психологиялық диагностикасының көмегімен жеке тқлғалық қасиетін танып, білуге тәрбиелеу, олармен түзету жұмыстарын ұйымдастыру; сынып мінездемесі және жеке оқушының мінездемесімен жұмыс және оқушыны жеке тұлға ретінде танудың диагностикасын жүргізу.

ҮІІІ. Ата-анамен жүргізілетін жұмыс

     2 стратегиялық бағыт — Ата-анамен жүргізілетін жұмыс бағытын нақты айқындау, жүйелендіру. Мектеп, оқушы, ата-ана арасында байланысты нығайту және бастауыш сынып ата-аналар үшін «Шыңырақ»,  орта буын ата-аналар үшін «Орда», жоғарғы буын ата-аналар үшін «Ақ сарай» жауапкершілігі толық серіктестік құру арқылы бала тәрбиесінде жаңа заман талабына сай ата-аналардың өзіндік толық идеяларын іске асыруға мүмкіндіктер туғызу.

Отбасылық жағдайларды үйрену және баланың отбасылық тәрбиесіне жағдай жасау, ата-анамен жеке және топтық жұмыс жүргізу, тақырыптық кеңестер беру; тақырыптық ата-аналар жиналысын өткізу (тоқсанына 1 рет) ата-ана арасындағы жиналыс рейтінгісін жасау; оқу үрдісінен тыс қызықты іс-әрекетті ұйымдастыруға тарту; «Оқушы-ата-ана» жүйесіндегі ата-аналардың өзара әсерінің біріккен тренингтерін өткізу; сынып оқушылары ата-аналар ұжымының жұмыс қорытындысының диагностикасы.

ІХ. Оқушылардың тәрбиелік және сапалық деңгейлерін бағалау өлшемдері

5–стратегиялық бағыт – Оқушылардың тәрбиелік сапалық деңгейлерінінің бағалау өлшемдерін қалыптастыру. Оқушылардың сапалық деңгейлерінінің бағалау өлшемдерін қалыптастыруда алшақтау мотивациясы – бұл төменгі деңгейдегі (тұрақсыз, қызығуы жеткіліксіз, немқұрайлы) оқушылармен жұмыс жасау.

Жетістікке ұмтылу мотивациясы – бұл орта деңгейдегі (қызығушылығы бар, бірақ бағдары айқын емес) оқушылармен жұмыс жүргізу.

Белсенділік мотивациясы – бұл жоғары деңгейдегң (ізденімпаз, өзіндік идеясын ұсына білетін) оқушылармен жұмыс жүргізу.

Шартты түрде 3 деңгейі айқындалып, түзетуші іс-әрекеттер арқылы түзету шаралары жүргізіле отырып, тоқсанына не екі айда бір тұлғалық деңгейінің дамуына, әр деңгейіне көтерілуіне байланысты бағалау өлшемдері жасалуы керек.