Тапқыр болсаң,тауып көр.

 Сабақтың тақырыбы: Тапқыр болсаң,тауып көр.

Сабақтың мақсаты:

                                    Білімділік:Оқушылардың ойлау қабілетін,ой ұшқырлығын,оқуға

                                    ынтасын арттыру.

                                   Дамытушылық:Көрнекі іс-әрекеттік,сөздік-логикалық,ойлау

                                   әрекеттерін дамыту,ұйымдастырушылық қабілеттерін

қалыптастыру.

                                  Тәрбиелік:Оқушыларды шапшаңдыққа,икемділікке,ұжыммен

                                  жұмыста ұйымшылдыққа,жауапкершілікке,белсенділікке

тәрбиелеу.

Сабақтың түрі:  интеллектуалды ойын

Сабақтың әдісі: топтық,көрнекілік,құрастыру,жинақтау,ойландыру,сұрақ-жауап.

Сабақтың көрнекілігі:нақыл сөздер,логикалық есептер,таяқшалар, карточкалар. әр топқа даярланған үстел,қима қағаздар.

Сабақтың жоспары:

1.Таныстыру (аты,ұраны)

2.Тапқырлық сайысы (логикалық тапсырмалар)

3.Құрастыру (таяқшамен,қима таяқшалардан фигура құрастыру.)

4.Топ басшылар сайысы.

5.Ширату (сөзжұмбақ шешу)

6.Жанкүйерлерге арналған сұрақтар

  1. «Кім жылдам?» (ой дамыту тесті.)

8.Ойымды жалғастыр (мақал-мәтелдер)

Сабақтың барысы:

І.Ұйымдастыру кезеңі.Психологиялық дайындық.

 Балалар,бұл жол басы даналыққа,

Келіңдер түсіп,байқап қаралық та,

Бұл жолмен бара жатқан өзіңдей көп.

Соларды көре тұра қалалық па?!

Даналық-өшпес жарық,кетпес байлық,

Жүріңдер,іздеп тауып алалық та.-деп әліппенің атасы Ахмет Байтұрсынов айтқандай, балалар бүгін біз де өз білімімізді ортаға саламыз.Бүгінгі сабағымыз ойын түрінде өтеді.Ойнай отырып, топтар арасындағы жарыстар болады. Сендерге түрлі тапсырмалар мен сұрақтар ұсынылады.Әр сұрақтар мен тапсырмалар балдық жүйемен есептеледі.Тапсырманың жеңіл,қиындығына қарай ұпай саны қойылған.Қызыл түс-5 ұпай,көк түс -4 ұпай,сары түс -3 ұпайды білдіреді.Сайыста жеңу үшін белсенділік танытып,сұрақтарға тез ойланып жауап беру және тапсырмаларды дұрыс орындау керек. Әр топ дұрыс жауап үшін қима қағаз алып,әр түсті жеке жинақтайды.Сабақ соңында ұпай саны есептеліп,жеңімпаздар анықталады.

Мақсатымыз:

1.Топпен шешім таба білу.

2.Жауабымыздың толық және дұрыстығын дәлелдеу

3.Шапшаң ойлап ,тез жауап беру.

4.Топтың ұйымшылдығын көрсету.

5.Бәрімізде қатысуға тырысу.

6.Бір-бірімізді тыңдау.

7.Түрлі тапсырмаларды түсініп,ереже бойынша орындау.

8.Барлық тапсырманың орындалуын есімізде сақтап алу.

9.Логикалық тапсырмаларды тереңінен ойлау.

Жиналған ылғи дарындар,

Жүректе от,көздерінде жалын бар.

Алға қойған мақсатты,

Әрқашан да орындар.

1.Таныстыру. Әр топ өздерінің аты мен ұрандарын таныстырады.

І. «Тапқырлар» тобы.

«Жеті жұрттың тілін біл,жеті түрлі білім біл.

ІІ. «Алғырлар» тобы.

«»Алғыр болмай,тапқыр болмассың!»

ІІІ. «Білгірлер» тобы.

«Бірлік түбі береке,білгірлер тобы ерекше!

 

Бәйгеге түсіп жарыспай,

Жүйріктің бағы жанар ма?

Білім мен өнер жарысып,

Кім жүйрік ойға-сол алда!

2.Тапқырлық сайысы (логикалық тапсырмалар)

1.Төртбұрыштың бір бұрышын кесіп тастаса,неше бұрыш қалады? (5) 5 ұпай

2.Жанұяда 4 ұл және әр ұлдың бір әпкесі бар.Жанұяда неше бала бар?(5) 4 ұпай

3.Екі адам шахматты 2 сағат ойнады.Бір адам неше сағат ойнайды?      4 ұпай
4.Қос ат жегілген арба 40 шақырым жүрді.Бір ат неше шақырым жүрді? 4 ұпай
5.2 кг мақта ауыр ма, 2кг темір ауыр ма?  4 ұпай
6.Сағат түнгі 10-да жауын жауып тұрса, 24 сағаттан кейін күннің жарқырап тұруы мүмкін бе? 5 ұпай
3. «Құрастыру» сайысы.

1.7 таяқшадан қалайша 3 үшбұрыш құрастыруға болады?   5 ұпай

2.7 таяқшадан 2 шаршы құрастырыңдар.     4 ұпай

3.5 таяқшадан 2 тең қабырғалы үшбұрыш құрастыруға болады     3 ұпай

4.Қима тақтайшалардан фигура құрастыр,оның қандай фигура екенін айт және дәлелдеп беріңдер.               5 ұпай                                                                             

Мәңгі бақи есте қалар,

Қызықты бір жиын болса.

Білімді шәкірт озар

Сұрақтары қиын болса.

  1. «Қызықты пәндер» топбасшылар сайысы.

1.Адам өміріне ең қажетті жағдайлар нелер?  (ауа,су,тамақ,жарық,жылу)      3 ұпай                                                                                    

2.Егер тырна бір аяғымен тұрса 3 кг болады,екі аяғымен тұрса,оның салмағы неше кг болады?    (3кг)       4 ұпай

3.Қандай сөздер бас әріптен жазылады?    5 ұпай

4.Бөлмеде төрт бұрыш бар.Әр бұрышта бір мысықтан отыр.Әр мысыққа қарап              3 мысық отыр.Барлығы неше мысық       (4 мысық)   5 ұпай

5.Қазбайдың үш жақсы заты ата.(піс қазан,ұр,тоқпақ,құс есек)         3 ұпай         

6.9 санымен аяқталатын сан 50-ден артық та,60-нан кем. Ол қай сан?   (59)     5 ұпай

  1. «Түн ұйқысын төрт бөліп» деген жолдар кімге арналған? (ана)  3 ұпай
  2. 47 санында неше ондық,неше бірлік бар? (4 ондық 7 бірлік) 3 ұпай
  3. Адам өміріне қажетті жағдайларды қайдан алады? (табиғаттан) 3 ұпай

10.Наурыз тойы кезіндке 3 пар ат 60 км шапса,әр ат неше км шабады? (60 км)  5 ұпай

Білген сайын келеді біле бергім,

Біле беру емес пе тілегі елдің.

Белден ассаң,алдыңда бел көрінсе,

Қызыққаннан келмей ме жүре бергің.

Сондықтан да келеді біле бергім,

Білімдіні сүйерін білем  елдің,- дей отырып бесінші сайысымызды бастаймыз.

 

  1. «Ширату» сайысы. Келесі кезекте әр топ өз аттарына байланысты сөзжұмбақ шешеді. Дұрыс шешкен топтарға ұпай беріледі. 5 ұпай

 

көкТем
 алпыс
кітап
ақын
ыбырай
әріп
сұлба
ауа
бор

«Тапқырлар» тобы.

1.Құстар жылы жақтан қай уақытта келеді?

2.1 сағатта неше минут бар?

3.Жұмбақты шеш: Қабат-қабат қаттама

Ақылың болса аттама. –бұл не?

4.Өлең  жазатын адамды кім дейді?

5.Алғаш мектеп ашқан кім?

6.Сөз неден құралады?

7.Бір нәрсенің үстінен қарағандағы көрінісін не дейді?

8.Адам немен тыныс аладыы?

9.Біз сабақта тақтаға немен жазамыз?

        

саннАн
түлкі
оғыз
тамыр
үйрек
мақал
жуан
шырша

  «Алғырлар» тобы.

1.Санда өрнек неден құралады?

2.Жұмбақты шеш: Өзі ширақ.өзі қу,

Жүрген жері айқай-шу.

3.Ең үлкен бір таңбалы санды ата.

4.Өсімдіктің жер асты мүшесі не?

5.Үй құсы- … .

6.Атадан қалған асыл мұра-… .

7.а,о,ы,ұ- қандай дауыстылар.

8.Қысы-жазы түрін өзгертпейтін ағаш.

 

Бір
тіл
талапсыз
ертегі
білім
сурет
үзіліс
көкжиек
қар

 

 

«Білгірлер» тобы.

1.24 сағат неше тәулік?

2.Адамдар не арқылы хабар береді,сұрайды?

3.Нақыл сөзді аяқта: Адам баласының ең жаманы — … .

4.Атадан қалған асыл мұра-… .

5.Кітап- …  бұлағы.

6.Кез келген заттың бейнеленген көрінісін не дейді?

7.Екі сабақтың ортасында не бар?

8.Жай көзбен қарағанда көз жететін жерге дейінгі кеңістікті не деп атайды?

9.Қыста не жауады?

Жанкүйерлерге арналған қызықты сұрақтар:

1.Суда туып,құрғақта өмір сүреді ?  (бақа)

2.Өрмекшінің қанша аяғы бар? ( 8)

3.Не аяғымен естиді? (шегіртке)

4.Қай жануар өзімен үйін алып жүреді? (тасбақа)

5.Басын төмен қаратып не ұйықтайды? (жарқанат)

6.Ара біреуді шаққанда несін жоғалтады? (инесін)

7.Қай кірпінің тікені көрінбейді?  (жаңа туған)

8.Қалталы аң? (кенгуру)

9.Суық жерде кездесетін қандай құс? (пингвин)

10.Күн  сайын қандай жануарда тіс өседі?  (қоян,андатыр)

Ұшқыр ойға серік болсын шеберлік,

Сөз кезегін әріптерге  берелік.

Арамызда тапқыш дастар көп екен,

Солардың енді алғырлығын көрелік.

  1. «Кім жылдам?» сайысы

Оқушылардың сөздік-логикалық ойын дамытуға арналған тест.              

І топ     Д , Й, А , Л, О, Н, Ы, Р        (Ойландыр)      5 ұпай

ІІ топ    Қ , А, Л, А, Л, У ,Т, Ы         (Талқылау)

ІІ топ    Р, Ы, А, Л ,Т, Ы ,С, С,          (Салыстыр)

Зеректіктің сыналар келді кезі,

Ойшылдық пен тапқырлық жол белгісі.

Жауабына жақын бол,жақындадық

Келесі «Ойымды жалғастыр» кезегіне.

  1. «Ойымды жалғастыр» (мақал-мәтелдер)

1.Жеті атасын білген ер, (жеті жұрттың қамын жер)    5 ұпай             

2.Білекті бірді жығар, (білімді мыңды жығар)              3 ұпай

3.Білгенің бір тоғыз, (білмегенің тоқсан тоғыз)           5 ұпай

4.Бір кісі қазған құдықтан, (мың кісі су ішер)              4 ұпай

5.Досы көпті жау алмайды, (Ақылы көпті дау алмайды)     5 ұпай                       

6.Бірлігі жоқ ел тозады,(Бірлігі күшті ел озады)               4 ұпай  

Әр топтың жинаған қима қағаздарының ұпай саны есептеу.

Сайыста ән салайық,би билейік,

Өнермен өрге басып кідірмейік.

Адамзат қуат алар ақ сүтінен.

Аналар аман болсын деп тілейік.

Жанкүйерлердің өнерін тамашалау.

Сабақ соңында әр топтың жинаған қима қағаздарының ұпай саны есептеліп,жеңімпаз топ анықталады,мадақталады.

Қорытынды :Білімдіге дүние жарық,

Білімсіздің күні кәріп – дегендей білімді болуға талпынайық,балалар.