«Бақ, Дәулет, Аман» А.Сейдімбеков

135

4 сынып Әдебиеттік оқу «Бақ, Дәулет, Аман» А.Сейдімбеков

Сабақтың тақырыбы «Бақ, Дәулет, Аман»  А.Сейдімбеков

Сабақтың мақсаты:

1.Білімділік : Мәтін мазмұнын терең ашу, жаңа сабақтың авторымен танысу, тақырыптың неге былай аталғанын ұқтыру, қызығушылықтарын оята отырып, оқушылардың өздеріне тақырыптың мазмұнын ашуға жол салу,топпен және жеке жұмыс жолдарын жұргізу, жаңа сабақтан енген сөздерді үш тілде атау,сахналық көрініс арқылы жаңа сабақты бекіту,мадақтау, бағалау.

2 Дамытушылық :Оқушылардың жеке ойлау қабілеттерін ашу,сөздік қорларын молайту, өз пікірлерін ашық-анық  айтуға мүмкіндік жасау, пікірлерін дәлелдей білуге, және шығармашылық қабілеттерін дамыту.                                           

  1. Тәрбиелік: Ұжымда тыныштық сақтауға, бірін-бірі тыңдауға, жағымсыз қылықтан арылуға, адамгершілік қасиет мен білімге тәрбиелеу.

Сабақтың түрі: Аралас сабақ.

 

Сабақтың әдіс-тәсілі :Түсіндіру, талдау, сұрақ-жауап, жеке-жұптық жұмыс, сахналық көрініс, пікіралмасу.

Көрнекілігі: Интерактивтік тақта, тірек сызба.портрет,

Пән-аралық байланыс: орыс тілі, ағылшын

Сабақтың барысы

1.Ұйымдастыру кезеңі

Сабақ ережесі:

Тыныштық сақтау

Бірін-бірін тыңдау.

Ойын ашық-анық айту.

Балалардың дайындығын тексеріп, жаңа сабақты жақсы көңілмен өткізу мақсатында, психологиялық икем өткізу.

Психологиялық икем:

Балалар, қазір алдарыңдағы қағазға, әрқайсысың бойларыңдағы жаман қылықтарыңды, жағымсыз қасиеттеріңді жазып, қобдишаға салып қоямыз.( мыс еріншектік, жалқаулық, т.б.) Бойымыздан осындай жаман қылықтан арылып, жақсы көңілмен жаңа сабақты бастаймыз.

  1. Үй жұмысының тексеру «Кубизм» әдісімен

Кәне, ұй жұмысын куб әдісі арқылы тексерейік.  Әр  кубтың қырында сан жазылған. Сол санның астында ұй тапсырмасының сұрақтары берілген.Сұрақты оқып отырып үй жұмысына жауап алу.Бірден жауап қайтарған оқушыларды бағалау.

3 Сыныпты топқа бөлу

Үстел үстінде бірнеше житондар жайылған.Әр оқушы өзі ұнаған житондарды алады.  Житон дөңгелекшелерде  «А»,«Б», « Д» жазуы жазылған.Сол бойынша сынып «А»тобы, «Б» тобы және «Д» тобы болып   топтар құрылады. « А» тобы амандық, «Б» тобы бақыт, «Д» тобы дәулет.

  1. Жаңа сабақ түсіндірмесі

Қызығушылықты ояту .

Жаңа сабақты түсіндірмес бұрын балалардың ойын ашу мақсатымен, бүгінгі тақырыптың не жайлы екенін білу барысында «Ең бақытты адам» атты әңгімеден үзінді оқу. Әңгіме аяғына дейін айтылмай, оқушылар бүгінгі жаңа сабақтың тақырыбын  өздері ашып табады. Яғни бақыт,дәулет амандық.

Бақыт сөзіне ассоциациялық аймақ құру, үш тілде айту.

Жаңа тақырып сөздерін үш тілде оқылады.

Бақ – удача – success

Дәулет – богатство – rich

Аман – здоровье –  health

  1. Автор жайлы мәлімет. Тірек сызба арқылы авторға тоқталу.
  2. Ой толғау
  3.   Мәтінмен жұмыс

Мәтін үш  бөлікке бөлініп, әр топқа бөліктері таратылады. Мәтін мазмұнын өздері  топ ішінде талдауға  мүмкіндік алады. Әр топ өз бөліктегі мазмұнын топпен жұмыс жүргізіп, бір оқушыдан жеке шығып, « Автор орындығына» отырып  түсінгендерін ортаға салады. Пікір алмасады, дәлелдейді, сұрақтарға жауап береді.

  • Сөздік жұмыс «Түртіп алу жүйесі»

Мәтін ішінде кездескен мағынасы түсініксіз сөздер « түртіп алу жүйесі» арқылы жүргізіледі. Қиын сөздердің мағынасы түсіндіріліп, дәптерге жазылады.

Сергіту сәті:

  1. Шаршадым (уф)
  2. Қорықтым (ой, ой)
  3. Өкіндім ( эх,эх)
  4. Таңғалдым (о,о,)
  5. Қуандым (ура)

7.Топпен жұмыс

І-бөлім.  1 топқа Мәтін бойынша сурет салу

ІІ-бөлім.  2 топқа Эссе жазу

ІІІ-бөлім.  3 топқа Бес жолды өлең құрастыру .

9 Сахналық көрініс

Осы тақырып бойынша сахналық көрініс көрсету.

  1. Сабақ соңында бағалау,мадақтау. Үйге «бақыт» тақырыбына шығарма жазу.

 

Н.Ф.Темірғалиева

ІІсанатты бастауыш сынып мұғалімі

БҚО  облысы

Казталов ауданы

Сатыбалды ОЖББМ