Жұлдызды сәт. (7-ші сынып оқушылары арасында физика пәнінен сайыс)

167

 

(7-ші сынып оқушылары арасында физика пәнінен сайыс)

Жұлдызды сәт.

Мақсаты: 7 сынып оқушыларының физикадан алған білімдерін тексеру, физикаға қызығушылықтарын арттыру.

 

Түрі:                 Ойын. Жарыс.

 

 

Жоспары:   1-жүргізуші: Армысыздар, ағайын,

Ағайын тілін табайын.

Бармысыздар бауырлар,

Өкпе жоқ, бізде бауыр бар.

                  

                     2-жүргізуші:   Есенбісіз ұстаздар,

Шаршамайтын қыс-жаздар.

Көрермендер аман ба,

Отырған анау, ойланып.

                  

                     Бірге:       Бәріңізге бір сәлем!

                 

                     2-жүргізуші:   Онда кешті бастайық,

Екеуіміз асып-саспайық.

                  

                     1-жүргізуші:   Мінеки мұнда тыныштық,

Естілмейді дыбыс түк.

Мұны біз де қоштаймыз,

Көпшілікті тостырмай,

Міне, қазір бастаймыз.

                 

                     2-жүргізуші:  Физика еді өмірдің

Асыл бір үлкен саласы.

Жаңарды сол физикамен

Елімнің өзен, даласы.

                

                     1-жүргізуші:    Түсіріп аспан заңын жұмыр жерге,

Бақтырып жұлдыздарды өскен жерге.

Жансызға жан бітіріп, қолға салып,

Физика кереметті көрсетті елге.

                

                     2-жүргізуші:     Ендеше, құрметті көрермендер, «Жұлдызды сәт» атты физикалық кешімізді тамашалайық.

                                         1-жүргізуші:      Бүгінгі ойынның жұлдыздары:

1- Ережепбаева Мадина  (7 «А»)

2- Маденова Еркежан (7 «Ә»)

3-  Закариянов Мерей (7 «А»)

4- Жайлаубекұлы Ербұлан  (7 «Ә»)

5- Мұқанова Гүлім  (7 «А»)

6- Серікұлы Қуаныш (7 «Ә»)

2-жүргізуші:   Бүгінгі ойында әділ баға беруші қазылар алқасы:

 

1-жүргізуші: Бүгінгі ойынның шарттарымен таныс болыңыздар. Ойын 5 турдан және көрермендер сайысынан тұрады:

І-тур. «Блиц турнир»-деп аталады. Мұнда әр ойыншыға 30 секундта 5 сұрақтан қойылады (1 дұрыс жауапқа 1 жұлдыздан) Дұрыс жауап үшін ойыншыларға жұлдыздар таратылады, екі тур сайын қортынды жасалып, жұлдыздар саналып, жұлдызды аз жинаған ойыншы шығып отырады

ІІ-тур. «Мен саған, сен маған»-деп аталады. Мұнда ойыншылар өздері алдын-ала дайындап келген сұрақтарын қарсыласына қояды. Егер ол жауап бере алмаса, жауап кезегі көрермендерге беріледі. Осы ойынның қортындысы бойынша жұлдыз саны аз екі оқушы ойыннан шығады.

ІІІ-тур. «Лабиринт»-деп аталады. Мұнда қалған 4 ойыншы физикадан, математикадан, логикадан алған білімдерін пайдаланып лабиринттен шығулары керек.

Олар ойланғанша, «Көрермендер сайысы» өткізіледі.

ІV-тур. «Сиқырлы текше»-деп аталады. Осы ойыннан кейін 2 оқушы ойыннан шығады.

V-тур. «Раундровер»-деп аталады. Бұл ойында екі оқушы маркер көмегімен физикалық ұғымдарды жазады. Кім көп сөз жазса, сол жеңіске жетеді.

 

2-жүргізуші: Егер барлығы түсінікті болса, онда ойынымызды бастайық.

 

1-жүргізуші: Бірінші болып сұрақтарға Ережепбаева Мадина жауап береді:

  1. Табиғат туралы ғылым. (физика)
  2. 10-6 дәрежесі қалай аталады? (микро)
  3. шикі жұмыртқаны пысқан жұмыртқадан қалай ажыратуға болады? (пысқан жұмыртқаның айналу жылдамдығы шикіден артық болады)
  4. жылу, электр, жарық, механикалық қозғалыс табиғи құбылыс бола ала ма? (жоқ, олар физикалық құбылыстар)
  5. «Жұпардың иісін жасыра алмайсың»-бұл қай құбылысқа негізделген? (диффузия)

Келесі ойыншы: Маденова Еркежан.

  1. «Фюзис»-грек тілінен аударғанда қандай мағынаны білдіреді? (табиғат)
  2. Заттың үш күйін ата. (қатты, сұйық газ)
  3. Дене мен заттың айырмашылығы неде?
  4. Адамға қай кезде көзілдіріктің керегі жоқ? (ұйықтағанда)
  5. Жарық жылдамдығының шамасы неге тең? (3*108 м/с)

Келесі ойыншы: Закариянов Мерей.

  1. Аспан денелерін зерттейтін ғылым. (астрономия)
  2. Жердің серігі. (Ай)
  3. Екі дененің жанасқанда, олардың молекулаларының араласу құбылысы…(диффузия)
  4. Найзағайдың пайда болуы туралы шынайы (ақиқат) болжамды ұсынған ғалым. (В.Франклин)
  5. Қараңғы бөлмеге кіргенде ең алдымен нені бірінші жағасың. Майшамды ма, әлде газды ма? (сіріңкені)

Келесі ойыншы: Жайлаубекұлы Ербұлан.

  1. Астрономиядағы ең негізгі зерттеу құралы? (телескоп)
  2. 1 жұмыртқа 4 минутта пысады. Ал 4 жұмыртқа неше минутта пысады? (4 минутта)
  3. Ұзындықтың халықаралық бірліктер жүйесіндегі өлшемі не? (метр)
  4. Жәй көзге көрінбейді,

Қозғалуға ерінбейді. Ол не? (молекула)

  1. Күн шығатын жақ. (шығыс)

Келесі ойыншы: Мұқанова Гүлім.

  1. Кемпірқосақта неше түс бар? (7 түс)
  2. Санақ денесінің қозғалыстағы денеден айырмашылығы. (қозғалмайтын дене)
  3. Уранның басқа планеталардан айырмашылығы неде? (өз белдеуіне перпендикуляр бағытта айналады)
  4. Күн бататын жақ. (батыс)
  5. Геоцентрлік жүйе бойынша әлемнің центрінде не тұрады? (жер)

Соңғы ойыншымыз: Серікұлы Қуаныш.

  1. Астеройдтар қатарына жатқызылған планета. (Плутон)
  2. Траектория нешеге бөлінеді? (2-түзу сызықты, қисық сызықты)
  3. Қандай планеталарды төменгі деп атаймыз? (Жер орбитасының ішіндегі)
  4. Теректегі алма қай кезде гүлдейді? (теректе алма өспейді)
  5. Көк шарфты суға салса не болады? (су болады)

(әр ойыншыға дұрыс жауап үшін, бір жұлдызшадан беріліп отырады)

2-жүргізуші: ІІ-тур. Келесі «Мен саған, сен маған»-атты турнирімізді бастаймыз. Ендеше, алдын-ала дайындап келген сұрағын бірінші ойыншы, Мадина Еркежанға қойсын. Еркежан Мерейге, Мерей Ербұланға, Ербұлан Гүлімге, Гүлім Қуанышқа, Қуаныш Мадинаға қояды. Дұрыс жауапқа екі жұлдызшадан беріледі. Егер, дұрыс жауап болмаса, басқа ойыншыларға мүмкіндік туады. Осы ойын қортындысы бойынша, жұлдыз саны аз екі ойыншымен қоштасамыз.

1-жүргізуші: ІІІ-тур. Үшінші турниріміз «Лабиринт»-деп аталады. Қалған 4 оқушыға тапсырмалар таратылады. Ойыншылардың міндеті, осы тапсырмаларды шешіп, әділқазыларға көрсету. (Сендерге 3 минут уақыт берілсін)

 

 

 

 

 

 

 

 

 

 

 

 

 

Жауабы: масса, уақыт, жылдамдық, ұзындық, ұзындық, микро.

 

 

 

 

 

 

 

 

 

 

 

 

 

 

 

                                                                                                                          

 

Жауабы: метр, м/с, кг, с, м, м/с, м.

 

Ойыншылар дайын болғанша, көрермендермен сайыс өткізейік.

  1. Температураны өлшейтін құрал?
  2. Физикалық құбылысқа мысал келтір.
  3. Дененің биіктігін, енін, қалыңдығын физикалық шама деуге бола ма? Олар қандай бірлікпен өлшенеді?
  4. Ұсақ денелердің диаметрін қалай анықтаймыз?
  5. Айға аяғы алғаш тиген астронавт кім?

 

ІV-тур. «Сиқырлы текше» Осы текшенің көмегімен экрандағы қалташадан қажетті номерді таңдаймыз. (осы ойыннан соң, жұлдыз саны аз екі ойыншы шығарылады)

№1 қалта. Шикі жұмыртқаны пысқан жұмыртқадан қалай ажыратуға болады? Тәжірибе жасап көрсет. Берілген құралдар: Тарелка, 2 жұмыртқа, сызғыш.(2 жұлдыз)(жұмыртқаны айналдыру керек, пысқан тез айналады)

№2 қалта. Конверт ішінде кілт жатыр. Осы кілтті конвертке қол тигізбей қалай алуға болады? Берілген құралдар: КІлті бар конверт, қайшы, су, сіріңке. (2 жұлдыз) (конвертті жағып жіберу керек)

№3 қалта. Ыдыс ішінде су бар. Ыдыс түбінде тиын жатыр. Қақпақ, сіріңке, қағаз, пинцет, стақан сияқты құралдардың қайсысын пайдаланып, қолды су қылмай, тиынды қалай алуға болады? (2 жұлдыз) (пробка ішіне қағаз салып оны өртеу керек те, үстінен стаканмен жабу керек.)

№4 қалта. Велосипедші А-дан В-ға дейінгі жолды жүріп өтті. Бұл жағдайда велосипедтің алдыңғы және артқы дөңгелектерінің жүріп өткен жолдары бірдей ме? (1 жұлдыз) (бірдей)

№5 қалта. Газдар мен сұйықтардың, сұйықтар мен қатты денелердің қасиеттерінің ұқсастықтары мен айырмашылықтары неде? (1 жұлдыз)

№6 қалта.  Қандай зат сұйық күйден қатты күйге ауысқанда атын өзгертеді? (1 жұлдыз)

V-тур. «Раундровер»-деп аталатын. Бұл ойында әр ойыншы өзінің физикадан, математикадан білімдерін барынша қолджану керек. (Ойыншылар плакатқа көбірек сөз жазуға тырысу керек)

Осы ойынның қортындысы шығарылып, орын алған оқушылар марапатталады.