Орта мерзімді жоспар жөніндегі жазбалар
Орта мерзімді жоспар жөніндегі жазбалар
Мен өз тәжірибемді Мәртөк ауданы, Нагорный орта мектебінің 9-класында химия пәнінен өттім. Бұл класты алу себебім, біріншіден – өзім сабақ беретін кластардың ішінен оқушы контигенті бойынша, екіншіден – класта әр түрлі деңгейдегі балалар оқитындығы менің тәжірибеме зерттеу жүргізу үшін ыңғайлы болды. «Карбон қышқылдары», «Көмірсулар», «Майлар» және «Нәруыздар» тақырыбында өткізген төрт сабағымның жалпы мақсаты: топтасып жұмыс жасау арқылы органикалық заттардың қасиеттерін, қолданылуын өз беттерінше меңгерту, оқыту мен оқудағы жаңа тәсілдерді үйрену, АКТ-ны қолдану арқылы зертханалық жұмыс жасауды, сыни ойлауға, бағалай білуді үйрену. Қиын пәндердің бірі есептелетін химия пәнін үйретудің оңай жолдары бар ма? Кембридж бағдарламасының 7 модулін химия пәніне қалай енгізсем, оны сабақта қалай қолдануға болар еді сұрақтары мені жиі мазалады. Сабақ жоспарын құру барысында мен жеті модулді ықпалдастырып сабағыма енгіздім. Алхимиктер алғашқы жеті элементті жеті аспан денесіне теңесе, мен де жеті модульді жеті аспан денесіне теңеуге тырыстым. Алхимиктер алтынды күнге теңесе, мен оқыту мен оқудағы жаңа тәсілдерге теңедім. Күмісті айға теңесе, мен сыни тұрғыдан ойлауға, сынапты меркуриге теңесе, мен оқыту үшін бағалау және оқытуды бағалауға, мысты шолпанға теңесе, мен оқыту мен оқудағы ақпараттық-коммуникациялық технологияларды (АКТ) пайдалануға, қалайыны сатурнға теңесе мен талантты және дарынды балаларды оқытуға, қорғасынды юпитерге теңесе, мен оқушылардың жас ерекшеліктеріне сәйкес оқыту және оқуға, ал темірді марсқа теңесе мен оқытуды басқару мен көшбасшылыққа теңедім.Сабақта ынтымақтастық атмосферасын арттыру мақсатында жүретін жаттығуларды, топқа бөлу тәсілдерін тақырыпқа сай және сыни ойлау арқылы тақырып мағынасы ашылатындай етіп өткізуге тырыстым. Химия – эксперименттік пән болғандықтан, мен өз сабағымда зертханалық жұмыстарды жүргізу арқылы оқушыларды сыни ойлауға жетеледім. Өз сабақтарымда ең қолайлысы – «Сыни тұрғыдан ойлау», «Диалогті оқыту» болды. Бұл жаңа тәсілдер оқушылардың ойын ашық, еркін айтуға, белсенділігін арттыруға, бір-бірінің пікірін тыңдай білуге өте қолайлы екендігіне көзім жетті.
Химия пәнінен «Карбон қышқылдары» және «Көмірсулар» тарауы бойынша орта мерзімді жоспар.
9-класс
| 2.Оқып-үйренудің негізгі мақсаттары мен нәтижелері, түйінді идеялар | 3.Оқуда қолданылатын әдіс-тәсілдер, тапсырмалар | 4.Оқып үйренудің нәтижесі | 5.Үйрену мақсатындағы бағаны қоса бағалау | 6.Бәрін қоса есептегенде (әртүрлі деңгейдегі балалармен жұмыс) | 7.Негізгі дереккөздер |
| 1.Тақырыбы: Карбон қышқылдары Мақсаты: Органикалық қышқылдар жөніндегі түсінік қалыптастыру. Карбон қышқылдарының қарапайым өкілдері құмырсқа және сірке қышқылдарымен, карбон қышқылдарының химиялық қасиеттері және қолданылуы-мен оқушыларды таныстыру,топпен жұмыс жасау және мәтінді өз беттерінше игеру дағдыларын қалыптастыру. Түйінді идеясы: Карбон қышқылдары тұрмыста.
| 1.«Амандасу» жаттығуы лимон арқылы бір-біріне сәттілік тілейді
2. Топқа бөлу.«Төрт түлік» арқылы бөлінеді.
3. «Ассоциация» әдісі. 4 түліктің бүгінгі сабақпен қандай байланысы бар? сұрағына жауап алу
4.. «Джигсо» әдісімен оқыту
5.Зертханалық жұмыс. Органикалық қышқылдардың индикаторға әсері, металдар және металл оксидтеріне әсерін зерттеу.
6. Еркін жазу немесе эссе жазу
7.ББҮ кестесімен сабақты қорытындылау
8. «Ғажайып ағаш»
| Ынтымақтастық атмосферасы қалыптасады
Топқа бөліну арқылы өздігінен реттеледі
Сыни ойлау арқылы сабақтың тақырыбы ашылады
Мәтінді жұпта және топта талдау арқылы диалогкке түсті, тақырыпты өз бетерінше меңгереді
Сыни ойлау арқылы органикалық қышқыл мен бейорганикалық қышқыл арасындағы ұқсастықты таба біледі.
Тақырып бойынша өз көзқарастарын шығармашылық тұрғыдан көрсете алады.
Сабақтан алған білімін сараптап, болашақта не білгісі келетіндерін ақ парақ бетіне түсіреді.
Сабақ бойынша алған білімдерін алма түрлері арқылы макетке іледі. | Үш шапалақ Смайликтер жапсыру арқылы көңіл күйлерін экранға белгілеу.
Екі жұлдыз, бір тілек
От шашу арқылы үздік эссе марапатталады
Сабақ бойы меңгерген білімдерін өз-өздерін алма арқылы бағалайды«Көк алма» — барлығы түсінікті, «Сары алма»-түсіну деңгейі орташа,«Қызыл алма – ештеңе түсінбедім» | Барлық оқушылар қатысады
Топтасу арқылы ынтымақтаса жұмыс жасауы артады
Тапсырманы барлық оқушы-лар орындау кезінде үнсіз оқушылар сурет салу барысында әр түрлі қырынан ашылады Зертханалық жұмысты барлық деңгейдегі оқушылар орындай отырып, дарынды оқушылардың орташа деңгейдегі оқушыға көмегі анықталады Жас ерекшеліктері әр түрлі оқушылар арасынан дарынды балалар анықталады. ББҮ кестесі арқылы әр түрлі деңгейдегі оқушылардың не білетіндігін анықталады және дарынды балаларды анықтау | Лимон суреті көңіл –күй экраны
4 түлік (түйе, жылқы, сиыр, ешкі) суреттері
РРТ таныстырылымы «Карбон қышқылдары»
Оқулық, химия 9 класс
Виртуалдық зертхана және сірке қышқылының эссенциясы, индикаторлар.
«Ғажайып ағаш» макеті ілінеді
|
| 2.Тақырыбы: Көмірсулар Мақсаты: Моносахарид, дисахарид және полисахаридтер жөнінде мәліметтер беру, олардың жеке өкілдерімен таныстыру, ынтымақтастық атмосферасын қалыптастыру, әлеуметтік белсенділігін, өзіне және өзгелердің ісіне талдау жасап, баға беру дағдыларының дамуына жол ашу.
Түйінді идеясы: Көмірсулар – тірі организмдегі энергия қоры
| 1.«Күн сәулесін төгеді» жаттығуы арқылы сәлемдесу
2. Топқа бөлу. «Үш түсті конфет- тер» арқылы топтасады.
3.Тұжырымдама-лық кесте сызбасы. Топтық жұмыс 1-топ: Моносахаридтер 2-топ: Дисахаридтер 3-топ: Полисахаридтер
4. Топқа бөліну Мч табу (162,180,342) арқылы топтасады. 1-топ глюкоза 2-топ сахароза 3-топ крахмал
5.Зертханалық жұмыс «Крахмалға сапалық реакция»
6.«Синкуейн» әдісімен сабақты қорытындылау. Топ атына байланысты 5 жол өлең құрастыру | Осы жаттығу нәтижесінде оқушылар бойында қуаныш сезімі қалыптасады және сыни ойлау арқылы сабақ тақырыбы ашылады (фотосинтез нәтижесінде глюкоза түзіледі)
Моносахарид, дисахарид, полисахарид деп 3 топқа бөлінеді.
Тапсырмалар бойынша нақты мәліметтер жинақталып кестеге толтырылады және топ болып постер қорғайды
Сыни ойлау арқылы глюкоза, сахароза және крахмалдың Мч салмағын біледі
Күріштің, наның, картоптың құрамында крахмалдың бар екендігін йод ерітіндісі арқылы анықтайды.
Әр топтың ең үздік өлеңі оқылады
| От шашу
Топ мүшелері бір-бірін критерий бойынша 5 балдық жүйемен бағалайды.
«Синкуейн» тапсырмасы конфеттер арқылы бағаланады және бір-бірін сабақ бойы бақылау нәтижесінде жетондар арқылы белсенділік рейтенгіне бағасы ілінеді. | Сыни ойлату арқылы дарынды оқушылар анықталады.
Топқа бөліну кезінде неліктен конфеттерді қолданғанғаны-мызды сұрау арқылы дарынды оқушы анықталады
Тапсырма барысында жұптасып және топтасып жұмыс жасау арқылы және сурет салу барысында үнсіз оқушылар ашылады
Зертханалық жұмысты барлық оқушылар орындай отырып, әр түрлі деңгейдегі оқушылардың сабаққа қызы-ғушылығын арттыру
Әр түрлі деңгейдегі оқушылардың шығармашылық қабілетін анықтау
| АКТ
Әр түсті конфеттер
Химия оқулығы, интернеттен алған ақпарат,электрон-дық оқулық.
Д.И.Менделеевтің периодтық кестесі
Йод ерітіндісі, картоп, нан, күріш Виртуалды зертхана
Конфеттер
Белсенділік рейтингі |
| Тақырыбы: Майлар Мақсаты: Майлардың құрамы, қасиеттері және биологиялық маңызы жөніндегі білімдерін дамыту, сұраққа нақты дұрыс жауап беру дағдыларын, тақырып бойынша өз көзқарастарын шығармашылық тұрғыдан көрсете білу білігін арттыру
Түйінді идеясы: Май – маңызды қоректік зат | 1.«Амандасу» жаттығуы Бір-біріне күнбағыс гүлін сыйлау арқылы тілек айту
2. Топқа бөлу 1-топ: Сары май 2-топ: Жануар текті май 3-топ: Сұйық май қима қағаздары арқылы топтастыру 3.РАФТ әдісі арқылы мәтінді меңгеру
4.Топқа бөліну. Мозайка қрастыру арқылы 3 топқа бөлінеді.
5.«Ғажайып жетілік». Майға байланысты сұрақтарға жауап беру арқылы сабақты бекіту.
6.Кері байланыс | Оқушыларды түгел қатыстыру арқылы психологиялықжағымды ахуал қалыптастыру
Топқа бөліну арқылы оқушылар өздігінен реттеледі
Әр топ роль, аудитория, форма және топ аттарын сай тақырыпта көрініс көрсету арқылы тақырыпты меңгереді
Сыни ойлау арқылы тақырып ашылады, түрткі сұрақтар қою арқылы диалогқа түседі. Жылқы, балық және мақта майының маңызы және пайдаланылуы жөнінде ой бөліседі.
Жоғарғы және төменгі дәрежелі сұрақтарға жауап беру арқылы тақырып бойынша білімдерін жетілдіреді.
Сабақтан алған әсерлерін, түсініксіз сұрақтарын жазып қалдырады | Жақсы! Жарайсыңдар!
От шашу
Критериалды бағалау
Кері байланыс арқылы бағалау |
Әр түрлі деңгейдегі балалар түрлі рөлдерге кіре отырып қабілеттері ашылады.
Күнделікті өмірден мысалдар келтіру арқылы әр түрлі оқушылардың ашылуы
Әр түрлі деңгейдегі оқушылардың сұрақ қою дағдысын жетілдіру
Барлық оқушылар сабақта меңгерген білімдерін сараптауға қатысады | Күрделігүл тұқымдас өсімдігі, күнбағыс гүлі
Оқулық, интернет, қосымша оқулық
Мозайкалар (жылқы, балық,мақта)
РРТ таныстырылымы
«Кері байланыс» тақтасы, стикерлер |
| Тақырыбы: Нәруыздар Мақсаты: . Оқушылардың нәруыздар жөніндегі биологиядан алған білімдерін құрылысы және қолданылуымен таныстыру.
Түйінді идеясы: Тіршіліктің тірегі – нәруыз.
Нәтижесі: Сыни ойлау қабілеттері артады, тақырыпты өз бетінше талқылайды және саралайды; алған білімдерін бір жүйеге келтіріп жинақтайды; өзін-өзі реттей алады, АКТ-ны толық меңгереді | 1.«Өрмекшінің торы» жаттығуы арқылы сәлемдесу
2. Топқа бөліну. «Атомдар, молекулалар» ойыны арқылы топтасады.
3.Қабырға газетін шығару. Қабырға газетін жасады және қабырғаға ілді
4.Практикалық «Нәруыздың денатурациясы»
5.Қорытынды тест тапсырмасы 4 тақырып бойынша 20 сұрақтан тұратын тест тапсырмасын орындау
6. Белсенділік рейтингі Жетондар арқылы | Сабаққа деген ынтасы артады, оқушы арасында тығыз байла- ныс орнайды
3 топқа бөліну арқылы өздігінен реттеледі.
Үйден дайындап әкелген материалдарына сүйене отырып, 3 топ «Нәруыз» тақырыбына газет шығару арқылы сыни ойлауы қалыптасады
Ауыр металдардың және қыздыру нәтижесінде нәруыздың денатурацияға ұшырауына көз жеткізу 4 тақырып бойынша алған білімдерін жүйелеу. Бағалау кезінде барлық оқушылардың сабаққа белсенділігі ескеріледі |
4-ші сарапшы топ басқа топ жұмыстарын критерий және дискрипторлар арқылы бағалайды 1-ші орын «Алтын» алқа; 2-ші орын «Күміс» алқа; 3-ші орын «Қола» алқамен марапатталады
Екі жұлдыз, бір тілек
Критериалды бағалау. 19-20 дұрыс-«5» 17-18 дұрыс «4» 15-16 дұрыс «3»
Жетондар, көңіл-күй тақтасы
| Барлық оқушылар қатысып, тілектерін айтады
Барлық оқушылар түгел қатысады
Топта әр түрлі деңгейдегі балалардың қабілеттері ашылады.
Белсенділік рейтингі арқылы әр түрлі деңгейдегі оқушылардың жиынтық бағасы қойылады
Сенім білдіру арқылы оқушылардың сабаққа ынтасын арттыру | Жіп орамасы
Қабырға газеті, интернет материалдар, оқулық және қосымша материалдар
Виртуалды зертхана, піскен және шикі жұмыртқа
Белсенділік рейтингі
Көңіл-күй тақтасы |