Матрицалармен жұмыс

Сабақтың тақырыбы: Матрицалармен  жұмыс

Сабақтың мақсаты:

Матрица туралы түсінік беру және олармен жұмыс жасауға үйрету, ұйымшылдыққа, тазалыққа, шапшаңдыққа баулу.

Еңбекке, суретке деген қызығушылықтарын арттыру, өз ойларын еркін жеткізе білу қабілеттерін дамыту.

Сабақтың әдісі: топтық

Сабақтың өту барысы:

І. Ұйымдастыру.

– Оқушылардың сабаққа қажетті құралдарын түгендеу.

– Енді бүгінгі сабағымызда 4 топқа бөлінеміз.

– Әр оқушы  өз қолдарындағы  қағазға  қарап  аталған  бейнелеу  өнерінің  түрлері  бойынша  бір – бірімен  топ  құрайды.

– Пейзаж деген не? /бейнелеу өнерінің табиғатты бейнелейтін жанры/
– Композиция деген не? /суреттің парақ бетінде әсерлі орналасуы/
– Гамма деген не? /белгілі бір көңіл күйді білдіретін бірнеше түстердің үйлесімділігі/
— Гуашь деген не? /суда еритін қоймалжың бояу/

ІІ. Сабаққа кіріспе
– Балалар біз сабағымызды бастамас бұрын, алдымызда үстелдің үстінде  алма, картоп, сәбіз  тұр. Осылардың барлығы бізге пайдалы, күнделікті тамаққа қолданып жүрген жемістер мен көкөністер. Бірақ  дәл қазіргі кезде солардың ішінен бізге жеуге қайсысы қолайлы?
– алма
– Себебі алма адам ағзасына өте пайдалы. Оның құрамында адам ағзасына қажетті көптеген дәрумендер бар. Олар адам бойына күш, қуат береді. Сондықтан күш, қуатымызды арттырып алып, сабаққа жақсылап қатысатын боламыз.

ІІІ. Үй тапсырмасын тексеру.
– Алдымен үйге қандай тапсырма берілді?

– Өзіңе ұнайтын ертегі кейіпкерлеріне иллюстрация  жасау.

/оқушылардың  жасаған  жұмыстарын  тексеріп, бағалау/

  1. Пәнаралық байланыс.
    олармен біз қай сабақтарда көбіне жұмыстанамыз?
    Еңбек
    Олай болса бейнелеу өнері сабағы еңбек сабағымен тығыз байланысты. Өйткені бейнелеу өнері тек сурет салуды ғана емес, сонымен қатар еңбекшіл, қолынан іс келетін икемді болуды қажет етеді.
  2. V. Жаңа сабақпен байланыс
    Балалар міне біз кез келген материалдармен, жемістер мен көкөністерден де жұмыс жасай аламыз. Тіпті жұмыс жасап қана қоймай олармен біз сурет сала да аламыз. Ондай заттардан сурет салуды матрицалармен жұмыс деп атайды.

VІ. Жаңа сабақ. Теориялық бөлім
Ендеше бүгінгі сабақта матрицалармен сурет салатын боламыз. Ол өте қызық. Матрица деген не? Матрица деген ол таңбалар. Алдымен осы матрицаларды, яғни таңбалар жасап аламыз. Оларды картоптан, сәбізден, алмадан, асқабақ қабығынан жасауға болады. /жасалған матрицаларды көрсету/. Әртүрлі суреттер салу үшін осылардан әртүрлі фигуралармен, қарапайым пішіндер жасап аламыз. Содан соң қоймалжың су бояуды пайдалана мыз. Алдымен бояуды өзінің тақтайшасына езіп дайындаймыз да, сол бояуға дайын піші німізді батырып аламыз. Енді әбден жұққаннан соң алып сурет салатын альбомға бастырамыз. Бастырғанда манағы пішініміз пайда болады. Дайын болған суреттің сыртынан фламастер, маркерлер пайдалану арқылы жан жағын әдемілік үшін жинақтау мақсатында сызып шығамыз. Осылайша бірнеше қайтара бастыру арқылы әртүрлі суреттер салуға болады.

VIІ. Практикалық жұмыс.
Оқушыларға көрсете отырып, картоптан  жасалған  матрицамен  гүлдің  суретін салу
Оқушылар өздерінің салған суреттерін сыртын сызықтармен бастырып көркемдейді.

VIII.Ойын
Ойынның шарты әрбір командаға А3 қағазын беремін. Сол қағазға әр топ мен айтқан нарсенің суретін белгілі бір уақыт ішінде салып отырады.
Күн, тал, үй, гүл.

IХ. Сабақты қорыту.
Бүгінгі сабақта не үйрендік?
Матрица деген не?
Матрицаларды нелерден жасайды?
Матрицамен жұмыс жасауда қандай жеңілдіктер мен қиындықтар болды?

Оңай жағы
Қиын жағы

Х. Бағалау.

Сабақтан алған әсерлері туралы смайликтер таңдайды
Өте жақсы      Жақсы    Орташа      Онша емес

ХІ.Үйге тапсырма:

Гуашь бояуымен түрлі түсті қағазға шығармашылық  жұмыс  орындау,қосымша тапсырма.