Интеллектуалды ойын Жүзден жүйрік…

Интеллектуалды ойын    Жүзден жүйрік…

Дайындаған:

бастауыш сынып мұғалімі Жумабаева Назира Еркеновна

Қарағанды қаласы №54ЖББОМ

(4-сыныпқа арналған)

Тәрбие сағатының мақсаты:

Оқушыларды жан-жақты дарынды, сауатты, озық болуға, еркін сөйлей білуге үйрету, алған білімдерін тиянақтау, ізденуге талпынысын арттыру.

Ой өрісін,өнерге деген қызығушылықтарын дамыту, алған білімдерін дұрыс қолдана білу дағдысын және өз бетінше ойлау қабілетін дамыту.

Оқу-білімге, ойын жүйелі жинақтап сөйлеуге және алғырлыққа, тапқырлыққа, ұлттық үрдістерге тәрбиелеу.

 

Көрнекілігі: Интерактивті тақтаға салынған слайдтар: тірек сызбалар, қонақтардың сауалдары мен фотолары, құттықтаулар.

 

  1. Ұйымдастыру кезеңі.

— ҚР-ның әнұранын орындау.

— «Шаттық шеңбер» ойыны. Оқушылар ықыласпен қол ұстасып, шеңбер құрып, бір-біріне жылы тілектер айтады.

. Үш топқа бөліну.

«Бірлік» тобы. Ұраны:   Бәріміз біріміз үшін,

Біріміз бәріміз үшін!

«Сұңқар» тобы. Ұраны:  Ұранды елдің ұрпағы қайсар!

«Тапқыр достар» тобы.  Ұраны:  Досы көпті жау алмайды,

Ақылы көпті дау алмайды.

 

  1. Негізгі кезең.

Әділқазылар алқасын сайлау.

-Үлкен сый-сыйпат көрсете отырып, әділқазыларымызды өз орындарына отыруын сұраймыз.

— Сайыс барысында оқушылар сұрақтарға берілген белгі арқылы жүргізушінің рұқсатымен ғана жауап бере алады. Әр дұрыс жауапқа 5 ұпайдан беріледі. Жеңімпаз атанған топқа «Бастауыш сыныптың үздік оқушысы» номинациясы беріледі. Сәттілік тілеймін!

 

І-кезең: «Бәйге»

  1. Білім күні қай күн ?
  2. ҚР-ның тұңғыш президенті ?
  3. Қазақтың тұңғыш ғарышкері ?
  4. Қазақтың ұлттық аспабы ?
  5. Мектеп – білім (есігі)
  6. Оқу – білім (қазығы)
  7. Бірінші байлық – (денсаулық)
  8. Киелі сандарды ата ?
  9. Ұлы Отан соғысының батыр қазақ қыздары?
  10. Жылдың 4 мезгіліне өлең жазған ақын ?

 

 

  1. Отан туралы жатқа өлең оқы ?
  2. ҚР-ның мемлекеттік тілі ?
  3. Ата заңымызды қай күні тойлаймыз ?
  4. 25 қазан қандай мереке ?
  5. Қазақстан қандай мемлекеттермен шекаралас ?
  6. Қазақ елін дүние жүзіне танытқан шығарма қалай аталады, авторы кім ?
  7. Оқу-білім туралы мақал айт?

18.Сәулелі жұлдыз іздеген адам деген кімге байланысты айтылған ?

  1. Қазақта жыл басы қай ай ?

20.Биыл Қарағандының қандай мерейтойын тойламақпыз?

 

ІІ-кезең. «Жеті жұрттың тілін біл!»

Жұмбақтың шешуін 3 тілде табу.

  1. Қабат-қабат қаттама, ақылың болса аттама. ( Кітап- книга- book)
  2. Жеті қазынаның бірі, адамды қорғап жүретін досы (Ит-собака- dog)

3.Тілі жоқ өзінде , сөзі бар ізінде. (Қалам- ручка- pen)

  1. Футболшының алаңдағы ойын заты. (Доп- мяч- boll)
  2. Тұмсығымен қозғалар, соңынан аппақ із қалар. (Бор- мел- chalk
  3. Жердің көркі – (Гүл-цветок- flower)

 

ІІІ-кезең. «Біліміңмен алға шық !»

Бұл кезеңде ұяшық таңдау керек. Әр ұяшықтың астында пән аты бар. Топқа таңдау барысында қай пән келсе, сол пәнге байланысты сұрақтарға жауап береді. Егер жауап бере алмаса, келесі топ жауапты сатып ала алады.

 

Ана тілі

  1. Қазақ қызының сұлулығы суреттелген шығарманы ата. –Қыз Жібек.
  2. «Қарлығаш әулие» атанған кім ? Аталу себебі ?
  3. Күйші Динаның ұстазы ? – Құрманғазы.
  4. Қабанбайдың шын аты ? – Ерасыл.
  5. Ыбырай А.-ның қай өлеңін жатқа айта аласың?
  6. Жырды айтушы адамды қалай атайды? -Жыршы.
  7. Абайдың әжесі кім ? – Зере.
  8. Исатайдың жан досы – Махамбет.
  9. Қазақтың ұлттық ойындарын ата?
  10. Қарсылас топқа не тілер едің?

 

Қазақ тілі

  1. Зат есім деген не?
  2. Сөйлем мүшелерін ата.
  3. Мәтін түрлерін ата.
  4. Домбыра сөзін септе.
  5. Ұстаз сөзін жікте.
  6. Қып-қызыл сөзі қандай сөз табына жатады
  7. Зат есімнен болған туынды етістік ойла.
  8. Білім туралы мақал айт.
  9. Оқушыларымның сөзін сөз құрамына талда.

10 Қарсы топқа тілегің.

Математика

  1. Ұзындық өлшем бірліктерін ата.
  2. Шаршы дегеніміз ен ?
  3. Төртбұрыштың периметрін қалай табамыз ?
  4. 9-дың көбейту кестесін жатқа айт.
  5. Ең кіші 4 таңбалы сан.
  6. 2400 бен 12-нің бөліндісі нешеге тең ?
  7. х пен 20-ның көбейтіндісі 2000-ға тең. Х-тің мәні неше ?
  8. 16 қаламды 3 балаға тең бөліп бердім. Әр балаға қанша қаламнан келеді ?
  9. Ең үлкен 5 таңбалы сан.
  10. Қарсы топқа қандай тілегің бар ?

 

«Жорға»

Қазақстаным! сөзінің әріптерінен сөз құрау.

 

  1. Музыкалық үзіліс.

 

ІV –кезең. «Ойлан, тап!»

Қонақтар сауалы.

 

 

  1. Қорытынды.

-Әділқазыларға сөз.

-Марапаттаулар.

-Құттықтаулар.