Қазақтың салт-дәстүрлері-ай

276

Тақырыбы: Қазақтың салт-дәстүрлері-ай

Мақсатым:

1)оқушыларға қазақ халқының салт-дәстүрлері мен әдет-ғұрпының тәрбиелік мәнін ұғындыру,баланың бойына адамгершілік қасиеттерін қалыптастыру, халық өнегесін үйрету;

2)ата-анамен тығыз байланыс жасау арқылы ортақ тәрбиеге жұмылдыру.

Көрнекілігі:суреттер, шарлар, бүктемелер, слайд, ұлттық бұйым көрмесі

Жүргізушілер: Нұрғазы Мирас, Нұрғазы Нұрсұлтан,

Сабақ барысы:

Мирас:

Ата салтым –асыл мұрам, ардағым,

Бабалардың жалғастырар арманын.

Сан ғасырда қалпын бұзбас қадірім,

Өткенімді бүгінменен жалғадым.

 

Нұрсұлтан:

Қазағымның салт-дәстүрі жаңғырған,

Тәлімді ой, тәрбие көзін қалдырған.

Салт-дәстүрді ардақтайық, ағайын.

Қазақ атты үлкен, кіші, балдырған.

 

Мирас: Ассаламуалейкум, салтын сақтап, ата-дәстүрін ардақтаған ағайын!

Нұрсұлтан:Армысыздар, бармысыздар, қазағымның қазынасын қастерлеп, барын бағалаған әлеумет!

Нұрсұлтан:

Жиналыппыз сәтті күні бәріміз,

Үлкен, кіші, жасымыз да, кәріміз.

Төрлетіңіз, қадірменді қонақтар,

Қош келдіңіз мынау — сіздің төріңіз.

 

Мирас: Өнерлі халық- өміршең халық, дейді емес пе?Олай болса, қазақтың әдет-ғұрпына, салт-дәстүрлеріне бағытталған «Салт-дәстүр-асыл қазынам» атты тәрбие сағатын бастауға рұқсат етіңіздер!

 

«Сарыарқа» күйі орындалып тұрады

 

Динара:

Шашу, шашу, шашайық,

Ақ сандықты ашайық.

Бұл мереке ,бұл тойда

Керемет рәсім жасайық!

(шашу  шашады)

 

«Шашу» биі. Орындайтын: «Бишілер» тобы

 

Ұлдана Қуандыққызы «Елге сәлем» әнін орындайды.

(«Жұмыр қылыш» күйі орындалып тұрады)

Ермахан:Сүйінші,сүйінші! Анам дүниеге сәби әкелді.

Жанел: Ой айналайын, балам, бұл қуанышты хабар ғой. Сүйінші сұрау-шын қуаныштың белгісі. Қазақ сүйіншіден несін аяған. Мінеки, сүйіншіңді ала ғой. (қол орамал береді)

Іңкәр: Ой бәрекелді!

Ермахан: Ата, апа, жүріңіздер кеттік, сәбидің атын қояйықшы!

Жанел: Жарайды, кеттік балам.

(сахнада баласын тербетіп ана отыр. Келін:

-Төрлетіңіздер!

Жанел:Айналайын ,құлыным! Әкесінен аумай қалған өзі!

Абылай: Кел, келін, құлыншағымыздың атын қояйық.

Сенің атың-Ұлболсын(3рет)

Артынан ұл туылсын деп, ырымдап қойдық.

Жанел:Ал, келін, баланы бесікке бөле.

Біз анау көрші кешке соғым басына шақырған, соған барып келейік, жүр,Әбеке!

(кемпір-шал шығып кетеді)

Келін: Ботақаным, жата ғой, тәтті ұйқыға бата ғой.

(бесік жырын айтады)

 

(Жанел Дана немересіне базарлық береді)

 

(арада 1 жыл өтті)

 

Аділет: Асқар көкеміздің үйіндегі жеңгеміздің баласы бір жасқа толып, бүгін соның тұсауын кесейін деп жатыр екен.

 

Атасы:

Ой бәрекелді, онда не тұрыс, кеттік, тұсау кесер тойына барайық!

 

«Бүлдірген» әні. Орындайтын Ұлдана Қуандыққызы

 

Нұрсұлтан:

Ал , халайық, халайық,

Барің мында карайық

 

Мирас:

Той думан ендеше

Тұсаукесермен  жалғайық.

«Арулар» тобы «Тұсаукесер» әнін орынлайды

 

«Тұсау кесер» рәсімі орындалады.

 

Мұғалім: Еліміздің жарқын болашағы сіздердің колдарыңызда, құрметті окушылар!Халқымыздың ғасырлар бойы жасап кеткен тарихы — бүгінгі үрпақ үшін баға жетпес үлкен қазына, мүра. Бұл мұраларымыз имандылық, ғибраттық, әдет- ғұрпымен, салт-дәстүрімен қымбат. Осынау ұрпақ тәрбиесінің қымбат қазынасын мұралыққа алған біздер оның ішіне үңіліп, одан өз болмысымызға керек-жарақтарымызды алуға тиіспіз.Өзін қазақпын деп санайтын әрбір жас жеткіншек казақтығын дәлелдей алатын істерімен өзгеге өнеге болуы керек.

 

 

Мирас:

Жақсылық ашып арнасын,

Той-тойға жалғассын!
Нұрсұлтан:

Шаттанайық бәріміз,

Кәрі-жасы қалмасын!

 

Бірге: Келесі кездескенше, сау-саламатта болыңыздар, тойшыл қауым!

 

«Мен Қазақпын» әнімен аяқтау