Табиғат – тал бесігің, аялай біл!
Сабақтың тақырыбы: Табиғат – тал бесігің, аялай біл!
Мақсаты: оқушылардың табиғатпен үйлесімділік , табиғатты аялау туралы түсініктерін кеңейту.
Міндеттері:
- оқушылардың табиғат тіршілік бастауы, адам табиғаттың бір бөлшегі екендігі, табиғат заңдылықтарын сақтау туралы түсініктерін кеңейту;
- оқушыларды табиғат тазалығын сақтауға, табиғаттан үндестік таба білуге үйрету;
- Табиғатты сүюге, қорғауға тәрбиелеу.
Көрнекіліктер: кітаптар.
Әдіс-тәсілі: сұрақ ,жауап әңгімелеу
Сабақ барысы:
Ұйымдастыру кезеңі:
Оқушылармен амандасу, оқушыларды түгендеу, сабаққа дайындау.
Үй тапсырмасын тексеру:
Сұрақ-жауап әдісін пайдалана отырып тексеріп шығу.
Шаттық шеңбері:
Оқушылар мұғаліммен бірге шаттық шеңберіне тұрып, бір – біріне сәттілік тілейді. К. Салықовтың өлеңін оқиды.
Арал кеуіп кетпесін… Арал кеуіп,
Марал кеміп кетпесін… марал кеміп.
Табиғаттың тәніне түскен ұшқын
Талмау жерден тиеді маған келпі.
Жаңа ақпарат: Адам өмірі табиғатпен тығыз байланысты.Адам табиғатты аялап, қамқорлап, туған жерге сүйіспеншілікпен қарауы тиіс. Адам табиғат сұлулығынан, әдемілігінен, әсемділігінен бойына қуат, көңіліне шуақ алып, аса зор іңкәрліктерін сезімге бөленеді.
Дәйексөз: Табиғаттың адамға берер сыйы ұшан – теңіз; таза ауа, мөлдір су, қанатты достар, жасыл желек, сан алуан түсті хош иісті гүлдер, тазалық, сұлулық, әдемілік. Осы табиғат сыйын тек табиғатты аялап, сүйе білген, табиғатқа аялы қарым – қатынас жасаған адам ғана түсінеді, сезіне алады. Сондықтан да белгілі ғалым Ш. Уәлиханов: «Табиғаттың өзіне өзгеше бір сүйсінерлік, жанға жайлы бір нәрсе бар» — деп тегін айтпаған.
Жүректен жүрекке:
Мұғалім оқушылардың бір – бірінің қолынан ұстасып, шеңбер құрғызып, сабақты оқушылардың табиғат ғажаптарына байланысты бір – біріне жақсы тілек айтумен қорытындылауға болады. Мұғалім оқушылардың пайымдауларын саралап, адам табиғаттың ғажаптарын сезініп, сүйіп, аялай білсе ғана табиғатпен үйлесімді өмір сүре алатына олардың көзін жеткізеді.