Жүрек жылуы

 

Тақырыбы: Жүрек жылуы

Мақсаты:1. оқушылардың «жақсылық», «қамқорлық»,  «қайырымдылық» құндылықтары туралы түсініктерін    кеңейту, жақсылық жасаудың адами қарым- қатынастағы мәнділігін түсіндіру;

  1. жақсы істер жасай білуге іскерліктерін дамыту;
  2. қайырымды болуға, үлкенге,кішіге қамқор бола білуге тәрбиелеу:

 

 

І.Шаттық шеңбері

Жан-жағына нұр шашып

Арайлап жарқын таң атса,

Жер бетінде жайқалып,

Көгеріп өссе көк майса,

Жүрегім жыли бастайды.

 

Оралғанда сапардан

Алдымнан жақын жан шықса,

Кездескенде достарым

Құшағын маған кең ашса,

Жүрегім жыли бастайды.

ІІ.Мәтінмен жұмыс

   Жай ғана әжей

       В.Осеева

 Айнұр мен Абзал көшеде  келе  жатыр еді.Алдарында қарт әжей кетіп бара жатқан.Бір кезде әжей сүрініп кетіп,жығылып қалды.

Абзал:

-Сөмкемді ұстай тұршы!-деді де,қарт кісіге көмектесуге  жүгіріп кетті.

Абзал қайтып  келгеннен  кейін Айнұр:

-Бұл  сенің әжең бе?-деп сұрайды,

-Жоқ,-деп жауап  береді Абзал.

-Мамаң  ба?

-Жоқ.

-Ендеше көршің шығар?

-Жоқ.Ешкімім емес.Жай ғана қарт әжей ғой,-деп жымиды Абзал.

 

  • Сендердің де осындай оқиғаға кездесулерің мүмкін  бе?
  • Бұл оқиғадан не үйрендің?
  • Абзал мен Айнұрдың ой-пікірлері туралы не айтасыңдар?

ІІІ.Дәйексөз

Бүгінгі  сабағымыздың дәйексөзімен  таныс болайық.

 

Табиғаттағы барлық  жылу-күннен,

Өмірдегі барлық  жылу-адамнан.         

                                                             М.Пришвин

ІV.Жағдаяттарды талдау

  1. Сен бір құшақ газет-журнал көтеріп келе жатқан пошташыға кездестің…
  2. Сен аулаға  ролик тебуге шықтың,ал  досыңның  ролигі  жоқ…
  3. Анаң ас пісіріп жатыр,ал інің мазасызданып кетті…

V.Ойланайық,пікірлесейік

1.Жақсы  көретін жан-жануарларың бар ма?

2.Табиғатқа қамқорлық жасаған кездерің болды ма?

        Үнтаспадан «Қайырымдылық»  мәтінін тыңдату.

VІ.Жүректен-жүрекке

Қайырымды жандар айнала,

Шеңберге келсін жайлана.

Жалықпастан қайта біз,

Махаббат сөзін айтамыз.

 

Сүйеміз барлық ананы,

Жүрегім оттай жанады.

Бақыттымыз осы біз,

Қасымызды досымыз.

VІІ.Қорытындылау