Қысқы киімдер.

57

            Сабақтың тақырыбы: Қысқы киімдер.

             Сабақтың мақсаты: Балаларға киім, киім түрлері, қысқы киімдер туралы түсінік беру. Қысқы

киімдерді ажырата білуге үйрету. Жұмбақтар шешкізу арқылы ойлау

қабілеттерін дамыту. Сөз тіркестерін, сөйлем құрату арқылы сөздік

қорларын молайту. Киімді ұқыпты, таза киюге тәрбиелеу.

Көрнекілігі: Дүкеннің макеті, түрлі киімдердің суреттері, қуыршақ, сандық.

 

                                                     Оқу-іс әрекетінің барысы:

   І. Кіріспе бөлім.

Балалар жылулық шеңберіне тұрып, бір-біріне жылы лебіздерін білдіреді.

Сұрақтарға жауап алу:

— Қазір жылдың қай мезгілі? Қыста табиғатта қандай өзгерістер болады? Қыс мезгілінде қалай киінеміз? (Балалар толық жауап береді).

— Біздің сабаққа қонаққа қуыршақ Айнұр келіп отыр. Ол жай келген жоқ. Сандығы толы киімдермен  келіпті.

 

 

 

— Сендер мұқият қараңдаршы, Айнұр үстіне қандай киімдер киіпті?

— Қалың киім киген.

— Киімді қай мезгілге сай киген?

— Қыс мезгіліне сай киіпті.

— Дұрыс айтасыңдар, олай болса, балалар, бүгінгі сабағымыздың тақырыбы – қысқы киімдер.

   ІІ. Негізгі бөлім.

а) — Балалар, Айнұр сендерге бірнеше киімдер ала келіпті. Соны таратып беремін. Ал сендер сол киімдерге сипаттама бересіңдер. Мысалы, малақай- құлағы бар жылы баскиім, құлақшын. (Сурет алған балалар осылайша сөйлем құрап айтады).

ә) Сөздік жұмысын жүргізу.

  Пима — жүннен басылған қысқы аяқкиім.

   Тон – иленген қой терісінен жүнін ішіне қаратып тіккен жылы сырт киім.

   Ішік – іш жағы аңның терісінен тігіліп, сыртын матамен тыстаған жылы сырт киім.

   Байпақ – етіктің ішінен киетін, жұқалау етіп басылғанқонышты киіз шұлық.

б) Сергіту сәті: Тоңса біздің қолымыз,

Қолғапты киіп аламыз.

Сарт — сарт – сарт,

Шапалақты соғамыз.

Тоңса біздің аяғымыз,

Етікті киіп аламыз.

Топ – топ –топ,

Топылдатып билейміз.

 в) «Дүкенде» сюжетті — рөлді ойыны. Ойынның шарты: дүкен сөрелерінде қысқы киімдер: тон, пима, қолғап, күрте,  тұр. Қысқы киім іздеген бала дүкенге келіп, сатушымен әдепті түрде амандасып, сөрелерден өзіне қажетті киімді таңдайды.

 

 

ҚЫСҚЫ КИІМДЕР

 

 

 

Ол таңдаған киімін алып, сол киімге байланысты сөйлем құрау керек. Дүкеншінің осы тапсырмасын орындаған кезде ғана киімді ала алады. Мысалы: Қыста қалың тон киеміз.

          

           тон                       пима                      қолғап                        күрте                       телпек

в) «Балаларға арналған киім дүкені» тақырыбында мазмұнды сурет бойынша әңгіме құрастыру.

г) Ө. Ақыпбекұлының «Менің киімдерім» атты санамағын жаттату.

«1» дегенім – бөрік,          Теріден тігер пішіп.

Кисең бойға көрік.            «4» дегенім – тымақ

«2» дегенім – етік,            Қыста кисең жылы-ақ.

Киер сәнді етіп.                 «5» дегенім – байпақ,

«3» дегенім – ішік,            Іші жылы тайпақ.

    ІІ. Оқу іс-әрекетін қорытындылау.

а) Сұрақтарға жауап алу.

ә) «Не артық?» дидактикалық ойыны.

— Бір қатарда тұрған киімдердің ішіндегі қайсысы артық?

— Туфли артық. Өйткені туфлиді күз, көктем, мезгілдерінде ғана киеміз.

б) – Бүгінгі сабақта қысқы киімдер туралы әңгімеледік. Оларды басқа киімдерден ажырата білетін болдық. Киімді әр жерге лақтырмай, кір қылмай таза ұстау өздеріңе байланысты. Киімді күтіп таза ұстап жүрейік