Үстеуден өткенді қайталау
Сабақ тақырыбы: Үстеуден өткенді қайталау
Мақсаты : А) Үстеу туралы түсініктерін пысықтау
Ә) Есте сақтау қабілетін дамыту, шығармашылық ізденіске
баулу
Б) Тіл мәдениетін қалыптастыру, адамгершілікке тәрбиелеу
Әдісі: Сұрақ – жауап, жаттығу жұмысы, талдау, деңгейлік тапсырмаларды
орындау
Сабақ түрі:қалыпты
Көрнекілігі: интербелсенді тақта, кеспе қағаздар
Сабақ барысы
- Ұйымдастыру кезеңі
- — Қазақ тілінде неше сөз табы бар?
- Үстеу туралы түсініктерін сұрау
— Үстеу дегеніміз не?
— Үстеулер мағынасына қарай нешеге бөлінеді?
Үстеулердің мағыналық түрлеріне байланысты мысалдар жаз. ( Кеспе қағаздар таратылады) деңгейлік тапсырмаларды орындау
Мезгіл үстеуі: қазір, әлгінде
Мекен үстеуі:
Сын – қимыл (бейне) үстеуі:
Мөлшер үстеуі:
Күшейткіш үстеуі:
Мақсат үстеуі:
Себеп – салдар үстеуі
- Пысықтау жаттығулары
Сөйлем ішінен үстеулерді теріп жаз.
295 – жаттығу
Мариямды тауып алған соң, Раушан мүлде көңілденіп кетті. Кешке қарай күн аспанда ақырын жылжиды, оқтын — оқтын соғып тұрған жел қоңыр самалға айналады. Ол байырғы кетпеншілерше қимылдады. Тұрысы да мығым. Кетпенді де бірқалыпты сілтейді. Қазыбек атын тебініп, төмен түсе бастады. Үнсіз қозғалған серіктері де тез қозғалады. Памирден
күндіз – түні ыстық жел соғады.
- Бір сөйлемді сөз табына, құрамына талдау
Ұлжан да қазір баласының сөзін ойлана тыңдап қалыпты.
Қасен менің басыма бұрын келмеген ойды әкеп салды.
- Берілген сөздерді құрастырып сөйлем құрап жаз
Жаздыгүні, қыстыгүні, күздігүні, ендігәрі, әлдекімдерше, лезде, ақырын, әлсін – әлсін, бей – берекет.
Мектеп оқушылары жаздыгүні егіс басына барып, ата – аналарына көмектесті.
«Біздің сынып» тақырыбында үстеулерді қатыстыра отырып мәтін құра.
- Үстеу құрамына қарай нешеге бөлінеді?
Үйге тапсырма
Көркем шығармадан үстеуге байланысты мысалдар теріп жаз.