Қыс. Сын есім.

37

 

Сабақтың тақырыбы: Қыс. Сын есім.

Сабақтың мақсаты:

  1. Оқушыларға жаңа сабақ туралы мағлұмат беру, грамматикалық ұғымдарды дұрыс әрі сауатты қолдану. Пәнге деген қызығушылықтарын арттыру.
  2. Оқушыларды ой-өрісін дамыту, сөздік қорын кеңейту, логикалық ойлауын дамыту.
  3. Оқушыларға жаңа сабақты түсіндіру арқылы, қазақ тіліне, жерін, табиғатына деген аялау көзқарасын қалыптастыру.

Әдісі: түсіндіру, сұрақ-жауап.

Көрнекі құралдар: тест сұрақтары, сөзжұмбақ.

Пәнаралық байланыс: Жағрапия, табиғаттаны, әдебиет.

Сабақтың барысы:

І. Ұйымдастыру кезеңі.

  1. Сәлемдесу.
  2. Түгендеу.
  3. Қажетті құралдар дайындау.
  4. Сабақтыңмақсатымен таныстыру.

 

ІІ. Сабақтың мақсатымен таныстыру.

  • Балалар, біз бүгін «Қыс. Сын есім» тақырыптарын өтеміз. Грамматикалық тапсырмаларды дұрыс орындауымыз керек.

 

Жаңа сабақ.

Қар жауып, аяз болып,

Күн тез суытады.

Айнала аққа жамылып,

Бұл қай кезде болады?

(Қыс)

 

-дұрыс. Қыс мезгілі болады екен.

 

І. Оқулықпен жұмыс.

1) Жаңа сөздермен танысу. Сөздерді сөздікке жазып, дауыстап оқимыз.

2) Аяз, шаңғы, боран соғады деген сөздермен сөйлем құрастырып, дәптерге жазамыз.

3) суретпен жұмыс. Суретке қарап отырып, қыс туралы әңгіме құрастырамыз. (Ауызша).

Мысалы, Қыс келді. Айнала аққа оралды. Қар жауып тұр. Жапырақсыз ағаштар көңілсіз тұрғандай.

 

ІІ. Сын есім.

Оқушыларға ережені жазғызып, қандай сөз табы екенін, қандай сұраққа жауап беретінін, сөйлемде қандай қызмет атқаратыны туралы мағлұмат беру.

 

Қыс келді. Аппақ қар жауып тұр. Ауа-райы суық болады.

 

Осы сөйлемдерден сын есімдерді табыңдар. (Аппақ, суық).

 

Жаңа сабақты игерткеннен кейін, кластер арқылы көрсету.

 

Сабақты бекіту:

І. Тапсырмалар.

1-тапсырма: Диалогты оқу. Диалогтың ішіне сын есімдерді көшіру.

2-тапсырма. Жаңа сөздерден сөз тіркестерін жасап, дәптерлеріне жазып, сын есімдердің астын сызыңдар.

 

ІІ. Мақал -мәтелдермен жұмыс. Дәптерлеріңе көшіріп, мағынасын түсіндіру керек. Сын есімді табыңдар.

  1. Қыс азығын–жаз жина.
  2. Қар-қара жердің көрпесі.
  3. Қыс–арбаңды, жаз-шананды сайла.

 

Қорытынды.

Бүгінгі сабақты қорытындылау үшін сөзжұмбақты шешейік.

Сөзжұмбақты шешкенде тігінен бүгінгі сабақтың тақырыбы шығады.

  1. Класстың қазақшасы.
  2. Күзден кейін қандай мезгіл келеді?
  3. Қыста қатты жел соғып, күн суытып неболады?
  4. Қыс мезгілінің алғашқы айы?
  5. ҚР астанасы қай қала?
  6. ҚР қандай мемлекет?
  7. Орта білім алатын жер?

Үйге тапсырма: 2–тапсырма. Кесте бойынша әңгіме құрастыру. Ережені жаттау.

 

Бағалау. Сабаққа белсенді қатысқан оқушылардың білім бағалау.