«Зерде» Бастауыш сынып оқушыларына арналған интеллектуалдық ойын

«Зерде» Бастауыш сынып оқушыларына арналған    интеллектуалдық ойын

Мақсаты: 

Бастауыш сынып оқушыларының білімге деген қызығушылығын арттыру. Жалпы оқу бағдарламасымен  қатар, дүниетану және ойлау қабілетін ұштау. Сонымен қатар, ұлтымыздың тарихын, салт-дәстүрін, әдеп-ғұрпын насихаттау. Тез және дұрыс шешім қабылдауға баулу. Оқушылардың ойлау қабілетін, дүниеге ғылыми көзқарасын қалыптастыру, ғылыми білім жүйесін меңгерту.

Құрылымы: Бағдарламаға 4 оқушыдан құралған 2 топ қатысады. Қатысушылардың жалпы саны — 8. Ойын 5 кезеңнен тұрады. Топтар әр кезеңнің қортындысы бойынша ұпай жинайды. Бесінші айналымнан кейін барынша көп ұпай жинаған топ жеңімпаз атанады.

  • Қош келдіңіздер құрметті ұстаздар, оқушылар! Бүгін сіздер бастауыш сынып оқушыларына арналған  «Зерде» интеллектуалдық ойынын тамашалайсыздар.Біздің ойынымыз мынандай кезеңдерден тұрады:

Бағдарлама кезеңдері:

I-айналым «Білгенге маржан»

II-айналым «Сиқырлы әріптер»

III-айналым «Құрастырма сурет»

IV-айналым « Математик»

V-айналым «Сырлы жұмбақ әлемі»

-Бүгінгі ойнымызға 1 сыныптан 4 оқушы және 2 сыныптан 4 оқушы қатысып отыр.1 сыныпты «Алғырлар» тобы, ал 2 сыныпты «Тапқырлар» тобы деп атадық.Ал, енді ойнымызға әділ баға беріп,шешімін айтатын әділқазылар алқасымен таныстырып өтейін:

  1. Мектеп директоры Қажытай Советұлы
  2. Оқу-тәрбие ісінің меңгерушісі Гүлайна Алтайқызы
  3. Бастауыш сынып мұғалімі Абзалия Қарабекқызы

Бәйгеге түсіп жарыспай,

Жүйріктің бағы жанар ма.

Білім мен өнер жарысып.

Тәрбие ,тәлім табар мән.

Бұл бәйге ойдың бәйгесі

Кім жүйрік ойға, сол алда.

Ал, енді бүгінгі ойнымызды бастауға рұқсат етіңіздер.

I-айналым «Білгенге маржан»

Бірінші айналымда топтарға оқу бағдарламасының аясында әзірленген 6 сұрақ қойылады. Топ әр дұрыс жауапқа 1 ұпайдан алады.

1 сынып «Алғырлар»

  1. Аптада неше күн бар.
  2. «Атамнан да құтылдым, апамнан да құтылдым…» Бұл не?
  3. Балалар білім алатын орын
  4. 5 пен 7 арасындағы қандай сан бар?
  5. Қазақ алфавитінде қанша әріп бар?
  6. Қыс айларын ата

2 сынып «Тапқырлар»

  1. Әліппе атасы кім?
  2. Түйе атасын ата
  3. Санға 0-ді қоссаң не шығады?
  4. Дауыссыз дыбыстар неше түрге бөлінеді?
  5. 3 бұрышы 3 қабырғасы бар фигураны ата
  6. Көктем айларын ата.

 

II-айналым «Сиқырлы әріптер»

Екінші кезеңде топтарға қазақ әліппесінен кез-келген бір әріп беріледі. Топтар 1 минут уақыттың ішінде сол әріптен басталатын сөздерді планшетке жазуы тиіс. Адам аттары мен жер-су, қала атаулары есепке алынбайды. Нәтижесінде барынша көп сөз жазған топ жеңіске жетіп, осы кезеңде 5 ұпай алады. Жеңілген топ ұпай алмайды.
III-айналым «Құрастырма сурет»

 Бұл айналымда топтарда суреттің бір бөлігі көрсетіледі. Топтар сол суретте жасырылған затты табуы керек. Қай топ бірінші тапса, сол топ кезеңнің жеңімпазы атанып, 4 ұпай алады. Жеңілген топ ұпай алмайды.

1 сынып «Алғырлар»  Жемістер

2 сынып «Тапқырлар»  Кірпі

IV-айналым « Математик»

Ой арманын кешеміз,

Ақылды боп өсеміз.

Есепке тұнған әлемнің,

Жұмбақ сырын шешеміз.

Келесі айналым- «Математик» деп аталады. Топтар кезекпен 1 минутқа созылатын математикалық ойын ойнайды. Топтың мақсаты – бір минуттың ішінде математикалық амалдарды барынша дұрыс шешу. Барынша көп математикалық есеп шешкен топ кезеңде жеңіске жетіп, 5 ұпай иеленеді. Жеңілген топ ұпай алмайды.

1 сынып «Алғырлар» 

10 – 5 = 5         0 + 2 = 2

6 + 4 = 10         4 + 3 = 7

3 – 1 = 2           9 – 5 = 4

8 – 3 = 5           3 + 3 = 6

7 + 3 = 10        4 – 2 = 2

2 сынып «Тапқырлар» 
45  — 40 = 5       18 – 9 = 9

64  + 5 = 69      30 + 9 = 39

80 —  30 = 50     20  + 3 = 23

15 – 7 = 8    30 – 10 = 20

9 + 5 = 14     8 + 6 = 14

V-айналым «Сырлы жұмбақ әлемі»

 Бұл кезеңде жүргізуші қазақтың бір жұмбағын оқиды. Оның шешуі сиқырлы кітапта жасырылған. Топтар жұмбаққа дұрыс жауап беруі тиіс. Қай топ бірінші дұрыс жауап береді, сол топ 5 ұпай иеленеді. Жеңілген топ ұпай алмайды. Бесінші кезеңнен кейін ойынның жалпы есебі анықталып, бағдарламаның жеңімпазы анықталады. Жүргізуші топтарды марапаттап, жеңімпаз топтың көшбасшысына арнайы кубокты табыстайды. 

ҚАБАТ-ҚАБАТ  ҚАТТАМА,

АҚЫЛЫҢ  БОЛСА  АТТАМА    (кітап)

-Міне, балалар осымен  бүгінгі ойынымыз аяқталды. Қорытынды сөзді әділқазыларға береміз. Жеңген топты марапаттау, сыйлықтар беру. Ойынымызды «Мектебім» әнімен аяқтайық