«Жоғалған қыс» атты жаңа жылдық экологиялық ертегі
«Жоғалған қыс» атты жаңа жылдық экологиялық ертегі
Қатынасушылар: Ақшақар, Батыр, сауысқан, шырша, қарақшы, қыс
Сахнада қара күздің мата бетіне салған суреті.
Ақшақар: Боран борап, ел мазасын алатын
Терезеге аяз өрнек салатын келді уақыт,
Бірақ биыл өзгеше,
Қыс мезгілі келмей жатыр, не істейміз?
Енді оны біздер қайдан іздейміз?
Батыр келеді. Батыр: Мұңайма, Ақшақар қыз оны іздеп табамын
Қысты іздеп қайда болса да, барамын
Ақшақар: Сеніменен менде бірге барайын
Қиын шақта бір кәдеге жарайын
Жолға шығады, шырша жанына келеді.
Батыр: Ей, шырша, қыстың досы сен екенін білеміз
Досың қайда, іздеп оны келеміз
Шырша мұңайып: Неге сонша кешікті деп
Досымды күнде ойлаймын
Қыс келмесе балалармен
Мерекені қалай тойлаймын?
Менде досым Қыс екеуіміз сөйлесіп, хабарласып тұратын айна бар еді. Бірақ ешнәрсе көрсетпей түнеріп тұр.
Батыр: Жақсы, Шырша бикеш, айнаны бізге көрсет, себебін анықтайық.
Шырша айнаны береді. Қастарына сауысқан ұшып келеді.
Сауысқан:
Ормандағы жаңалықты
Құлағыма ілемін.
Не себепті айнаның
Түнергенін білемін.
Қарақшы оны сиқырлаған
Қыс мезгілін ұнатпайтын
Сиқыр сөзді мен естідім
Қабілетім бар ұмытпайтын
Ақшақар: Ал, кәне айтшы ол қандай сөз?
Сауысқан Ақшақардың құлағына сыбырлайды.
Ақшақар: Рақмет, саған сауысқан
Тілеймін саған той-думан.
Ақшақар айнаға жақындап:
Айнам, менің, айнам
Жан-жағыңды жайнат
Қыстың қайда кеткенін
Бәрін бізге сайрат
Қарақшы:(құйындатып жүгіріп келеді)
Экологиялық апат деген қарақшымын
Ауа-райын күрт жылытып, зауыттардан қара түтін қаптатып,
Қоқыс –қалдық төккесін
Соныменен «қыс» патшаның қысқан екем өкпесін.
Батыр:Ей, қарақшы, жекпе-жекке батыр болсаң шық!
Қыс мезгілі жер бетіне керек екенін ұқ!
Қарақшы:
Жер бетіне күнде қоқыс шашып,
Ажал тұқымын мен егем.
Соны тазалап жүретін
Керек емес қыс деген
Батыр: Арам пиғылың сенің тоймас
Ойлағаның бола қоймас
Қарақшы мен Батыр қылыштасады. (Қылыштасқан дыбысты үнтаспа арқылы қою)Батыр жеңіп, Қарақшы қашады.
Ақшақар айнаға келіп:
Айнам, менің, айнам
Жан-жағыңды жайнат
Қысты біздер құтқардық
Енді ол жайында сайрат
Айнадан Қыс көрінеді.
Қыс: Сәлем, достар, аманба
Елге жету айналып еді арманға
Құтқардыңдар, рақмет менің достарым
Апатқа қарсы күресті елге жетіп қостармын.
Ал уақытша
Денсаулығымды нығайтып
Антариктикада боламын
Мұз үстінде ұйықта
Морждармен судың астын шоламын
Қардан жеп балмұздақ
Сүңгілерді сорамын
Пингвиндермен жарысып
Қардан қамал соғамын
Денсаулығымды түзеп ап
Жеріме қызмет етемін
Уайымдамаңдар, Жаңа жыл кешіне
Міндетті түрде жетемін!
Ал мынау менің Жаңа Жылдық шашуым (қар қиыршықтарын шашады)
Сахнадағы сурет енді қыс мезгілі болып өзгереді.
Жасанды қарды (дайын флокон) шашу
Ақшақар:
Ау, жарандар, ал қараңдар
Жауып тұр қар себелеп
Көкте толды, жерге қонды
Сансыз аппақ көбелек
Шырша:
Кәне, онда тұрмайық
Елге қарай зырлайық
Сыйлықтарды алайық
Қапшықтарға салайық
Дайындықты бастайық
Уайым, қайғы барлығын
Ескі жылға тастайық
Экологиямызға көңіл бөліп,
Тазалықты сақтайық
Хормен: Жаңа жыл құтты болсын!