Бала бақытын ұлықтаған – жан!

56

Сабақтың тақырыбы: «Бала бақытын ұлықтаған – жан!»

Мақсаты: Оқушыларға ана махаббаты, оның нәзік  жүректі жан, оның өз баласынан басқа өзге жандарға жанашыр тұлға, бала бақытын жырлайтын ана екендігін түсіндіру.

Білімділік: Оқушыларға «бақыт», «ана жүрегі», «адамгершілік тәрбие» ұғымдары жайлы түсінік беру;

Тәрбиелік: Оқушыларда бір-біріне, қоршағандарға деген мейірімділікке тәрбиелеу;

Дамытушылық: Оқушылардың бойына сүйіспеншілік, мейірімділік қасиеттерін қалыптастыру;

Сабақтың түрі: тренинг

Пән аралық байланыс:  психология,  мәдениеттану, әлеуметтану, қарым-қатынас психологиясы, педагогика.

Көрнекі  құрал-жабдықтар:  слайд, плакаттар (тілек ағашы мен күн сәулесі бейнесі), үнтаспа, видеобейне,  дәйексөз,  кітап көрмесі, сурет көрмесі.

І.Ұйымдастыру кезеңі

  1. Шаттық шеңбері (3 мин)

Оқушылар шеңбер құрып, бір-бірімен амандасады. Бір-біріне жағымды көңіл-күй сыйлайды.

  1. Оқушыларды түгендеу.

ІІ. Негізгі бөлім:

Мұғалім сөзі:   «Нағыз парасатты ағартушылық біздің ақылымызды да, ғұрыптарымызды да өзгертеді».

Бүгінгі ағарту тек білімдер жиынтығы ғана емес, сонымен бірге балалар бойында ар-ождан, азаматтық және адамға деген сүйіспеншілікті қалыптастыруға мүмкіндік беретін рухани және адамгершілік қасиеттерді дамытуды көздейді.

Қазақстанның бірінші ханымы, «Бөбек» қорының Президенті Сара Алпысқызы Назарбаева білім берудегі жаңа көзқарас – адамгершілік-рухани ағартудың авторы болып табылады. Бұл жоба «Өзін-өзі тану» деген атқа ие болып, республикада 2002 жылдан бері қолданылып келеді. (слайд көрсету, Сара Алпысқызы фотосуреттері)

Қазіргі кезде баланы жан-жақты дамыған тұлға ретінде тәрбиелеу ісіне күш-жігерді жұмылдырудың маңызы зор.

Осы мақсатпен бүгінгі сабағымызды «Бала бақытын ұлықтаған —  жан, Сара Алпысқызы Назарбаеваға» арнаймыз

 

 

 

 

Сара Алпысқызы Назарбаева 1941 жылдың 12 ақпанында Қарағанды облысы Қызылжар селосында дүниеге келді. 1962 жылы Н.Ә. Назарбаевқа тұрмысқа шықты, үш қызы, немерелері, шөберелері бар.

1992 жылғы ақпан айынан бастап — «Бөбек» республикалық балалар қайырымдылық қорының негізін қалаушы және президенті. Қор өсіп келе жатқан ұрпақтың құқықтары мен заңды мүдделерін қамтамасыз етумен байланысты мәселелерді шешу, балаларға адамгершілік-рухани білім мен тәрбие беруде қоғамға нақты көмек көрсетеді. «Бөбек» республикалық қоры республиканың барлық аймақтарында жетім және мүмкіндігі шектеулі балаларына, көп балалы отбасылардың балаларына қолдау және көмек көрсету бойынша балалар қорларын ұйымдастырды.

Осындай игі мақсатпен біздің лицейде де қайырымдылық қоры ұйымдастырылып, бірнеше балаларға көмек берілді, Лицейіміздің жан ашырларына ата-аналар мен оқушыларға алғысымызды білдіріп қол шапалақтайық.

  1. «Менің көңіл-күйім?» жаттығу (5 мин)

Әр оқушы  өзіне ұнаған түрлі түсті фигураның біреуін таңдайды.

Интерпритация: ал қызыл – қуанышты көңіл-күй, жасыл– ұнамды көңіл-күй сары – сабырлы көңіл-күй,

Қағаздың артына сол түске байланысты жазылған интерпритацияны  оқиды. Мысалы: Алмас қызыл түсті таңдаса, онда Алмастың көңіл-күйі өте қуанышты күйде екенін білуге болады

  1. «Сиқырлы қобдиша» жаттығуы (8 мин)

Мақсаты: Оқушылардың өздеріне деген сенімділікті қалыптастыру, нығайту.

Тапсырманы орындау үшін қобдиша керек. Оның ішінде домалақ айна болады. Барлық бала көздерін жұмады. Осы қобдишаны алған оны ашып, ішіне қарайды. Оның ішінде кішкентай сиқырлы өзеннен сендер жан-жақты және қайталанбайтын бейнені көресіңдер. Оған күліп қарауларын керек. Барлығы қарап болған соң, жүргізуші сұрақ қояды: Жан-жақты қайталанбайтын бейне кім болып шықты? Сиқырлы өзеннен өздерінді көргенде қандай сезімде болдыңдар?

  1. «Сыйлық ойыны» (10 мин)

Мақсаты: рефлекция процесін күшейту, ұжымда жағымды психологиялық ахуал орнату, топ мүшелерінің бірін- бірі түсінісуге, ұжымда тұлғааралық қарым- қатынастың маңызды сапаларын ашу.

Ойынға қатысушылар шеңбер құрып тұрады. Қазір сіздер бір- бірлеріңізге , яғни өзіңіздің сол жақта тұрған көршіңізге сыйлық сыйлайсыз. Көршіңізге қандай сыйлық жасайсыз, сыйлықты үнсіз ым- ишара арқылы көрсетіп бересіздер. Сіздің көршіңіз нендей сыйлық сыйлап жатқанын түсінетіндей жасау керек.. Барлығы сыйлықтарын алып болғанша ештеңе айтылмайды. Барлығы үнсіз жасалады.

  1. «Күн астындағы бейне» (5 мин)

Мақсаты: Қатысушылардың әрбіреуінің бойындағы анасына деген жағымды қасиеттерін ашу;  Оқушылар алдына КҮН бейнеленген плакат тұрады. Сол плакат тағы әрбір сәулеге анаңның бойындағы қасиеттерді тізіп жазу қажет.

Рахмет, балалар. Мен әрқайсыларыңның аналарыңның бойындағы осы қасиеттер  осы күн сияқты ашық, әрі жылы болуын тілеймін. Әрине, күнде де  де қара дақтар бар, бірақ одан оның жылуы азаймайды, маңайға жарығын төгуге кедергі келтірмейді. Ана бойындағы қасиеттерді жазуда қандай қиындықтар болды?  Не үшін біз күн сәулесін негіз етіп алдық?

 

  1. «Кім, нені жақсы көреді?» жаттығуы. (5 мин)

Барлығы орындықтарға отырады. Кім, нені жақсы көреді солар орындарынан тұрады. Мысалы: Кім балмұздақты жақсы көреді, сол орнынан тұрсын…Кім өзін батырмын деп есептейді?… Кім сары түсті жақсы көреді?… Кім айнаға қарағанды жақсы көреді? Кім анасын жақсы көреді?  т.б. сұрақтар қоюға болады

  1. «Менің арман ағашым» жаттығу (7 мин)

Оқушылар параққа өздерінің арман-тілектерін жазып, тақтаға салынған «арман ағашына» жабыстырады. Оқушылардың өз ойын еркін жеткізуіне тәрбиелеу мақсатында.

  1. Жүректен жүрекке (2 мин)

Шеңберге тұрып, «Өз елім»  әнін орындаймыз.

         ІІІ. Қорытынды

Сабағымыз аяқталды, бүгінгі сабағымыздың тақырыбы қандай? Ал біз бүгінгі сабақта күн сәулесіне толтырған қасиеттер сол анамыздың бойында бар

ма?  Ол қандай қасиеттер екен? Жақсы, олай болса, «өзіңді өзің таны, адамзат!» деген қағиданы өмірлік етейік!» деген жалынды сөздермен шара аяқталды.  Келген де арманда, келмеген де арманда!

 

«Бала бақытын ұлықтаған – жан!»

8 ақпан күні «Бөбек» қорының негізін қалаушы Сара Алпысқызының туған күн мерекесіне орай «Бала бақытын ұлықтаған – жан!» тақырыбында өзін-өзі тану пәнінің мұғалімінің ұйымдастыруымен ашық сабақ өтті. Сабақтың мақсаты: Оқушыларға ана махаббаты, оның нәзік  жүректі жан, оның өз баласынан басқа өзге жандарға жанашыр тұлға, бала бақытын жырлайтын ана екендігін түсіндіру. Ашық сабаққа 7 «А» сынып оқушылары, олардың ата-анасы, лицей мұғалімдері қатысты. Оқушылар сабаққа белсенді қатысты өз ойларын еркін жеткізе білді, бір-біріне тілек айтып, армандарын айтып, сыйлық сыйлап жаттығуларды қызығушылықпен орындады. Ашық сабақтан басқа оқушылар тақырыпқа арнап суреттен салып келген, суреттенрін қорғады, кітап көрмесі өтті. Өткізілген іс-шара газетке жарияланады.

 

 

7 ақпан күні осы іс-шараға қосымша  «Қайырымдылық жәрмеңкесі» ұйымдастырылды. Шараға ата-аналар мен 7 «А», «Б» сынып оқушылары белсене қатысты. Шараның мақсаты оқушылардың ата-аналары дайындаған асты оқушылар арзанға сатып алып одан түскен қаржыны қамқорлығымызда жүрген балаға қажет заттармен қамтамасыз ету. Қаржыны сол балаға толығымен беріп, қайырымдылық іс-шара  жақсы ұйымдастырылды. Баланың шексіз ризашылығын алып қуанттық, мұндай тәрбиелік мәні бар, қамқорлық мақсатындағы іс-шаралар көп өткіземін деген жоспар қойылды.

 

Л

Лицей психологі                                                                       Жұмағалиева А.Т