Қазақстан Республикасының Үкіметі

Сабақтың тақырыбы:§ 42. Қазақстан Республикасының Үкіметі.

Сабақтың мақсаты:

Білімділік: оқушыларға үкіметтің атқаратын қызметі және үкіметтің билік органдары мен қатынасы туралы түсіндіру.

Тәрбиелік: заңдық сауатты адам ретінде заңды үнемі орындап, заңға қайшы іс-әрекеттер жасамауға тәрбиелеу.

Дамытушылық: оқушы бойына жауапкершілік принципін қалыптастыру.

Көрнекілігі: тірек сызбалар.

Әдісі: тірек сызбаларды пайдалана отырып баяндау, өзара белсенділікті арттыру.

Түрі: аралас сабақ

Сабақтың барысы:

  1. Ұйымдастыру кезең

а) сәлемдесу

б) сабаққа дайындығын тексеру

в) оқушылар назарын сабаққа аудару

 

  1. Үй тапсырмасын тексеру
  2. Қазақстан Парламенті қандай палаталардан тұрады?
  3. Палаталардың құрамы қандай және олар қалай сайланады немесе тағайындалады?
  4. Парламент қандай қызмет атқарады?
  5. Білімдерін жан- жақты тексеру
  6. Заң жобаларының даярлануы және қабылдануы.
  7. Оқушыларды жаңа сабаққа дайындау

Сабақтың тақырыбын, мақсатын баяндау.

Оқушылар назарын сабаққа аудару.

  1. Жаңа сабақты түсіндіру

Сабақ жоспары:

  1. Қазақстан Республикасының үкіметі.
  2. Үкіметтің заң шығаруға қатысуы.
  3. Үкіметтің Президентпен қатынасы.
  4. Үкіметтің Парламентпен қатынасы.
  5. Үкіметтің жергілікті атқарушы және жергілікті билік органдарымен қатынасы.

Үкімет- атқарушы биліктің жоғары органы. Ол орталық және жергілікті атқарушы органдар жүйесін басқарады, солардың қызметіне басшылық етеді. Үкімет алқалы орган болып табылады. Ол өзінің қызметінде   Республика Президентінің алдында жауапты. Конституцияда көзделген реттерде Парламент Мәжілісінің және Парламенттің алдында жауапты. Үкіметті Президент құрады, құрылымы мен құрамын бекітеді. Үкімет мүшелері Қазақстанның халқы мен Президентіне ант береді.

Атқарушы биліктің жоғары органы ретінде Үкіметке кең өкілеттіктер берілген. Олар Қазақстан Республикасы Конституциясында және «Қазақстан Республикасы Конституциясы туралы» конституциялық заңда бекітілген.

Үкімет мемлекеттің экономикалық, әлеуметтік, ғылым, техника, білім және мәдениет салаларында мемлекеттік саясатты анықтап, жүзеге асырады.

Сыртқы саясат саласында Үкімет келіссөздер жүргізу және үкіметаралық келісімдерге қол қою туралы шешімдер қабылдайды, республиканың шетелдік мемлекеттермен, халықаралық және өңірлік ұйымдармен өзара қатынастарының дамытылуын қамтамасыз етеді.

Үкіметте заң шығарушылық ынтасы құқығы болады. Ол өзінің құзіретіне кіретін барлық мәселелер бойынша заң жобаларын жасап, оларды Мәжілістің қарауына енгізуге құқықты.

Премьер-министдің мынадай өкілеттіктері бар:

  • Үкіметтің жұмысын басқарады және өзінің орынбасарлары мен үкімет мүшелері арасында қызметтік міндеттерді бөліп береді;
  • Президентпен, Парламентпен, Конституциялық Кеңеспен, Жоғарғы сотпен, Бас прокуратурамен, басқа да мемлекеттік органдармен арадағы қатынастарда үкімет атынан өкілдік етеді немесе үкімет өкілдігін тапсырады;
  • Хаықаралық қатынастарда Үкімет атынан өкілдік етеді немесе өкілдік тапсырады және үкіметаралық шарттар мен келісімдерге қол қояды;
  • Министрліктерді, ведомстваларды, Үкімет құрамына кірмейтін орталық атқарушы органдарды құру, қайта құру, тарату туралы республика Президентіне ұсыныстар енгізеді;
  • Үкімет қызметінің негізгі бағыттары туралы және аса маңызды шешімдер туралы Президентке баяндайды;
  • Үкімет мүшелерінің, орталық және жергілікті атқарушы органдардың есептерін тындайды. Премьер- министр өзіне заң бойынша жүктелген басқа да өкілеттіктерді орындайды.
  1. Жаңа сабақты меңгергендігін тексеру:
  2. Қазақстан Республикасы Үкіметінің атқаратын қызметін атаңдар?
  3. Үкіметті кім басқарады, оның өкілеттіктері қандай?
  4. Үкіметтің Президентпен қандай қатынасы бар?
  5. Жаңа материалды бекіту:
  6. Неге үкіметті мемлекеттік билікті бөлудің дербес бағынуы деп санайды?
  7. Үйге тапсырма:§ 42. Қазақстан Республикасының Үкіметі
  8. Бағалау: