Рационал сандарды бөлу.

Сабақтың тақырыбы: Рационал сандарды бөлу.

  Сабақтың мақсаты: Рационал сандарды бөлу ережелері  туралы теориялық білімдерін іс жүзінде

қолдана білу   бейімділігін қалыптастыру.

     Міндеттері:

1.Есептер шығару барысында оқушылардың шығармашылығын, ойлау икемділігін шыңдау.

2.Оқушылардың ой-өрісін ынтасын арттыру, іскерліктерін және  өз бетімен еңбектену қабілеттілігін, белсенділігін дамыту.

3. Ұлтжандылыққа, Отансүйгіштікке және дәлдікке, ұқыптылыққа тәрбиелеу.

Сабақтың түрі: білімді тиянақтау сабағы

Әдісі: саяхат сабақ

Көрнекіліктері: интерактивті тақта, слайд, таратпа қағаздар, саяхаттың «жүру бағыты»

Барысы:

І. Оқушылармен амандасып, үйге берілген №552 есепті тексереміз.

Слайд №1.

Бүгінгі сабақта біз Қазақстанның бас қаласы  — Астанаға саяхат жасаймыз. Алдымен саяхаттың «жүру бағытымен» таныстырып кетейін. Сондықтан Астана тарихы туралы дерекке назар саламыз. Берілген тапсырмаларды дұрыс орындағанда Астана қаласының мәдени орындары туралы мағлұматтар алып отырамыз.

ІІ. «Сұрақ-жауап» ойыны (Сұрақтарға дұрыс жауап бергенде «Бәйтерек» туралы мағлұматтар беріледі)

Слайд №2.

• Таңбалары әр түрлі сандарды бөлу ережесі қалай айтылады?
• Таңбалары бірдей сандарды бөлу ережесі қалай айтылады?
• Сандарды қандай рационал сандарды бөлуге болмайды?
• Қандай жағдайда екі рационал санның бөліндісі нөлге тең?

ІІІ. Есептер шығару.

№562. Слайд №3(Есептерді дұрыс орындағанда «Президенттің резиденциясы» туралы мағлұматтар беріледі)

• (9-17) : (8-12)
• (-32:8) – 0,5*(-6)
• -2 * (-0,7) – (-28) : 4

№557. Слайд №4 («Сағат»)

• -5,3*х=6.1
• 3*(-х)=-2,34
• -6,1*у=19,52

№560. Слайд №5 (Абай ескерткіші)

Ауызша өрнектердегі а-ның орнына қандай сандар қоюға болмайды?

1) (а+7)/4а                                                           2) (а+6)/(а-6)

3)а²/(а+1)                                                             4) (а-9)/ а²

№566. Слайд №6 (Астананың әуе жайы)

Есепті теңдеу құру арқылы шығарыңдар.

Меруерт 1 сан ойлап, оны тақтаға жазды. Айнұр ол санға 14-ті қосты, ал Айман оған Меруерттің ойлаған санының 20 арттырып, тағы да қосты. Сонда қосынды -47,6-ға тең болды. Меруерт қандай сан ойлады?

Қорытындылау, бағалау. Математикалық эстафета. (Интерактивті тақтада берілген кестені дұрыс әрі жылдам толтыру керек)

Білімдіден шыққан сөз,

Талаптыға болсын кез.

Нұрын, сырын көруге,

Көкірегіңде болсын кез.

— деп Абай атамыз айтқандай, бүгінгі сабақтағы еңбектеріңе рахмет айта отырып, келесі сабақтарға табыс тілеймін.

Үйге тапсырма: §17. №564