Бір айнымалысы бар сызықтық теңдеу

68

Сабақтың тақырыбы: Бір айнымалысы бар сызықтық теңдеу

Сабақтың мақсаты:        

Оқушыларға бір айнымалысы бар сызықтық теңдеудің жалпы түрін,  қандай теңдеулер мәндес теңдеулер болатынын, теңдеулердің қасиеттерін, ах=в теңдеулерін шешудің үш түрлі жағдайын үйрету.

Ойлау қабілеттерін дамыту.  Алған білімдерін есептер шығаруда қолдана білуге үйрету.

Оқушыларды ұқыптылыққа,еңбекке баулу.

Сабақтың типі: 

                                        Жаңа материалды оқыту.

Сабақтың түрі:

Теориялық білім беру.

Қолданылған

әдебиеттер:                  

                                          «Математика» дидактикалық материалдар 6-сынып. Т.А. Алдамұратова.

Сабақтың барысы:

  1. Ұйымдастыру кезеңі:

а)  оқушыларды түгендеу.

ә) оқушылардың сабақта жұмыс істеу       дайындығын тексеру.

  1. Жаңа материалдарды игеру кезеңіне дайындық

Жаңа материалдың тақырыбын, мақсатын хабарлау.

          III .   Жаңа материалдарды игеру кезеңі:

9x=x+12 және 8x-7=3,4 теңдеулерді шешу көрсетіледі.

Оқушыларға 5х-8=2х+1 және  теңдеулерін шешу тапсырылады.

Анықтама:   ах=в түріндегі теңдеу (мұндағы х айнымалы, а және в қандайда бір сандар) бір айнымалысы бар сызықтық теңдеу деп аталады.

Түбірлері бірдей болатын теңдеулер мәндес теңдеулер деп аталады. Түбірлері болмайтын теңдеулер де мәндес теңдеулер болады.

Мысалы: 3(х+2) =21 теңдеуі мен 3х+6=21 теңдеуі мәндес теңдеулер.

Теңдеулерді шешу үшін   теңдеулердің қасиеттері:

Теңдеудегі қосылғыштың таңбасын қарама-қарсыға өзгертіп, оны теңдеудің бір жағынан екінші жағына көшіргенде теңдеу мәндес теңдеуге түрленеді.

Теңдеудің екі жағын да нөлден өзге бірдей санға көбейткенде немесе бөлгенде теңдеу мәндес теңдеуге түрленеді.

ах=в теңдеуін шешудің үш жағдайы:

Егер а≠0 болса, теңдеудің бір ғана х = а/в түбірі бар болады.

Егер а=0; в≠0 болса, 0х=в теңдеуінің түбірі болмайды.

Егер а=0; в=0 болса, онда 0х=0 теңдеуінің шексіз көп шешімі болады.

  1. Жаңа материалды оқушылардың игеру деңгейін анықтау :

Қандай теңдеулер бір айнымалысы бар сызықтық теңдеулер деп аталады ?

Қандай теңдеулер мәндес теңдеулер деп аталады ?

Теңдеудің қасиеттері.

Бір айнымалысы бар сызықтық теңдеудің түбірлері қалай табылады ?

  1. Жаңа материалды: №834, №835, №836, №837, №838 есептерді шығару арқылы бекіту.
  2. Оқушыларға үй тапсырмасын және оны орындауға нұсқау беру кезеңі.

                   Үйге №835(3,5), №836(3,5), №837(3,5) №839.

VII.  Сабақты қорытындылау.