Электронды пошта. Хабарлар құру және хаттармен жұмыс

591

Электронды пошта. Хабарлар құру және  хаттармен жұмыс

Сабақтың тақырыбы: Электронды пошта. Хабарлар құру және  хаттармен жұмыс.

Сабақтың мақсаты:

Білімділік: «Электронды хабар», «Электронды пошта» ұғымдарымен таныстыру олар туралы түсінік беру. Ғаламтор арқылы электронды хабарлармен жұмыс істеуді үйрету.

Дамытушылық: Оқушыларға жергілікті желі түрлерін, электрондық адрес, электрондық хабар алмасу жолдарын меңгерту арқылы электрондық поштамен жұмыс істеу икем дағдыларын қалыптастыру. Интернетке қызығушылығын арттыру.

Тәрбиелік: Оқушыларды жан-жақты тұлға ретінде тәрбиелеу.

Сабақтың түрі: Жаңа тақырыпты түсіндіру.

Сабақтың әдісі: Баяндау, практикум.

Пән аралық байланыс: ағылшын тілі, әдебиет, орыс тілі

Сабақтың көрнекілігі:

Дербес компьютер, модем, телефон, электрондық оқулық, презентациялық слайдтар

Сабақтың барысы:

І. Ұйымдастыру кезеңі

А) Оқушылармен сәлемдесіп, топты түгелдеу.

Ә) Сынып тазалығын тексеру.

Б) Техника қауіпсіздік ережесін еске түсіру.

ІІ. Өткен тақырыптарды пысықтау:

  1. Интернеттің қандай мүмкіндіктері бар?
  2. Желі деген не?
  3. Компьютер класымыз қандай желі түріне жатады?
  4. Жергілікті желіге қосылған компьютерлерді қалай көруге болады?

ІІІ. Жаңа сабақ түсіндіру

Компьютер желілерінің көмегімен тек бір қала аумағында ғана емес, дүние жүзі деңгейінде де ақпаратты жіберуге және алуға болады. Ақпарат хат, есеп беру, құжат, баяндама, электрондық кесте және т.б болуы мүмкін.

 Мұндай желі арқылы хабар алмасу жүйесін электронды пошта (E-mail) деп атайды.

E-mail (Electronic Mail) -электрондық почта. Желі тұтынушылары арасында мәлімет алмасу ісін жүзеге асыратын қызмет жүйесі. Ол арнайы почта программалары көмегімен жүзеге асырылады, мысал ретінде, Outlook Express программасын атауға болады. Оның көмегімен сіз санаулы минуттар ішінде хабарды жеткізе аласыз. Ол үшін клавиатурада тиісті хабар мәтінін теріп, белгілі электрондық адреске жіберсеңіз болғаны. Осынау тәсілдеме арқылы достарыңызбен, әріптестеріңізбен араласуға болады.

E-mail адресі оңнан солға қарай оқылады. Мұнда да құрамдас бөліктері бір-бірінен нүктемен ажыратылады. Оң жақтағы шеткі бөлік – жоғары деңгейлі домен деп, ал келесі бөлік – бірінші деңгейлі домен есім@ мекеме.домен деп т.с.с.  аталады. Мысалы, zhan@rambler.ru,  zhan@mail.ru, dina_90@mail.kz т.б.

Электрондық поштаның ең елеулі ерекшелігі — оның жылдамдығы. Электрондық поштаның жылдамдығы телефонмен бірдей, бірақ мұнда екі жақтағы абоненттердің бір сәтте болуы қажет емес. Оған қоса мұнда хабарламаның көшірмесі жазбаша түрде жеткізілетіндіктен, оны сақтап қоюға, бірден бірнеше абонентке беруге немесе ары қарай тағы да басқаларға жеткізуге болады. Электрондық поштаның хаттан да басқа сурет, бейнелік мәлімет, дыбыс, программа т.с.с. ақпарат түрлерін де тасымалдай алатынын айту керек.

  1. IV. Практикум.

Енді біз тікелей пошталық серверде электронды адрес ашып үйренейік.

  1. Internet Explorer бағдарламасын ашамыз.
  2. Бағдарламаның іздеу адресіне mail.ru адресін теріп жазамыз.
  3. mail.ru пошта серверінің адресі ашылады.
  4. Ашылған терезеде «зарегистрироваться в mail.ru» батырмасын шертеміз.
  5. Пайдаланушыға арналған анкета терезесін толтырамыз «зарегистрироваться» батырмасын шертеміз.
  6. Барлығы дұрыс болса электронды поштаны пайдаланушының жеке парағына кіреміз.
  7. Поштаның логині мен порольді мұқият сақтап қою керек.

Енді электронды поштаны пайдаланып хат, хабар жібере берулеріңізге болады.

 

 

  1. Жаңа тақырыпты пысықтау электронды оқулық бойынша сұрақтар
  2. 1. Электрондық почта дегеніміз не?
  3. Электронды поштаны қалай іске қосамыз?
  4. Хабарды қалай құруға болады?
  5. Алынған хабарлар қайда сақталады?
  6. Үй жұмысы

VII. Сабақты қорытындылау. Оқушыларды бағалау.