Кітап – жан азығым.

141

 

Шоқан Уәлиханов атындағы №10

орта мектеп-гимназияның

қазақ тілі мен әдебиеті пәні мұғалімі

Жирикова Назгүл Байғұлжақызы

 

 

                                             Кітап – жан азығым.

Мақсаты:

Оқушыларды сауатты сөйлеуге, өз ойын еркін жеткізе білуге үйрету,әдебиетке деген ықыласын, белсенділігін арттыру, әдебиеттің қоғам өміріндегі маңызын түсіндіру

Түрі: сайыс

Көрнекілік:кітап көрмесі,интерактивті тақтадағы слайдтар

Жүргізуші:

Құрметті қонақтар, оқушылар. Бүгінгі әдеби сайысымыздың тақырыбы «Кітап – жан азығым» тақырыпта өтуде. Сайысымыз V бөлімнен тұрады.

Ойынды бастамас бұрын, ойынға әділ бағасын беретін әділқазылар алқасын жариялайық

Жүргізуші:

Ал, қурметті халайық!

Сайысты енді көріңдер.

Әділқазы алқасы,

Әділ баға беріңдер!

l бөлім «Таныстыру»

(Топтың аты мен ұранымен танысу).

Жүргізуші:

Қазағымызды бүгінгі күн біле ме деп,

Еліміздің ертеңгі болашағы.

Көзі ашық, білімді болып жүре ме деп,

«Білімді өрге жүзер»

ll  бөлімді бастайық.

Оқушылар тақтада берілген әріптерді құрастырып, ақын-жазушының немесе белгілі шығарманың кейіпкерін атау керек. Нәтижесінде әр топ әріптерін құрастырғанда, әдебиеттің көрнекті өкілінің аты-жөні немесе әдеби кейіпкердің аты  шығады.

ІІІ бөлім  «Сөз тапқанға қолқа жоқ»

(Жүргізуші бастаған мақал-мәтелді жалғастырады).

1-топ:

  1. Тіл тас жарады, тас жармаса … (бас жарады).
  2. Дәлелсіз сөз … (желмен тең).
  3. Ине көзінен сынады, … (шешен сөзінен сынады).
  4. Піл көтермегенді, … (тіл көтереді).
  5. Сөз тапқанға … (қолқа жоқ).
  6. Жеті жұрттың тілін біл, (Жеті түрлі білім біл).
  7. Шебердің қолы ортақ, … (шешеннің қолы ортақ)
  8. Қаһарлы сөз … (қамал бұзар).
  9. Бас кеспек болса да, … (тіл кеспек жоқ).
  10. Айтылған сөз, атылған … (оқпен тең).

2-топ:

  1. Бал тамған тілден … (у тамған).
  2. Тауды, тасты жел бұзар, … (адамзатты сөз бұзар).
  3. Жақсы сөз — (жарым ырыс).
  4. Жақсы байқап сөйлер, … (жаман шайқап сөйлер).
  5. Тіл қылыштан … (өткір).
  6. Ана сүті бой өсіреді, ана тілі … (ой өсіреді).
  7. Жыланның уы тісінде, адамның уы … (тілінді).
  8. Көре-көре көсем боларсың, сөйлей-сөйлей … (шешен боларсың).
  9. Тілден артық … (қазына жоқ).
  10. Сүңгі жарасы бітер, … (тіл жарасы бітпес).

Жүргізуші:

Таза мінсіз асыл тас

Су түбінде жатады.

Таза мінсіз асыл сөз

Ой түбінде жатады,-

деген Асан Қайғы сөзін еске алып,

 келесі ІV «Жарнама» бөлімге көшейік.

(Әр топ мектеп қорына сыйлыққа әкелген кітапқа жарнама жүргізеді)

Жүргізуші:

Кітап адам өмірінде белгілі орын алады. Әрқайсымыздың сүйікті кейіпкеріміз, ақын-жазушымыз бар.

Келесі «Кітап және мен» Vбөлімде өз ойларыңды сурет(ассоциация) арқылы білдіруге тырысыңдар.

Тренинг жүргізу.

VІ бөлім «Көрермендердің көрімдігі» ойыны .

  1. Бес арысты ата
  2. Үш бәйтеректі ата.
  3. Алыптар тобын ата
  4. Қобыланды батырдың тұлпары…
  5. Манас батырдың тұлпары…
  6. Ер Тарғынның тұлпары…
  7. У .Шекспирды махаббат жолында қаза болған кейіпкерлері…

    2.Р.Киплингтің джунглида өмір сүріп өскенкейіпкері…

3.Г.Х.Андерсонның кіп-кішкентай, бойы 2,5 см тұратын кейіпкері…

  1. Абайдың неше қара сөзі бар?

2.Құран кітабында неше сүре бар?

3.Семей даласының үш данасын ата.

 

Жүргізуші:

Жарыс заңы ежелден,

Жеңімпазды анықтау.

Женімпаз болу шарты сол-

Еңбектену, жалықпау,-

дей отырып, келесі сөзді әділқазы алқасына берейік.

 

(Қорытынды шығарылады, топтар марапатталады).

 

Жүргізуші:

Пайда ойлама, ар ойла,

Талап қыл артық білуге.

Артық білім кітаптан

Ерінбей оқып көруге,-

Абай сөзімен бүгінгі сайысымызды аяқтаймыз.