«Компьютер пайдалы ма, әлде зиянды ма?» атты пікір сайыс

90

«Компьютер пайдалы ма, әлде зиянды ма?»  атты пікір сайыс

Мақсаты: Білімділік: Оқушылардың дүниетанымын кеңейту,   информатика пәніне қызығушылығын арттыру, мамандыққа бағыт бағдар беру.

Дамытушылық: Оқушылардың ой-өрісін, тіл байлығын, есте       сақтау қабілеттерін дамыту.

  Тәрбиелік: Адамгершілікке, ізеттілікке, техника қауіпсіздігін сақтауға тәрбиелеу.

Сабақтың түрі: Пікірсайыс

Сабақтың әдісі: Сұрақ- жауап, пікірлесу

Сабақтың көрнекілігі: Компьютер, жақтаушы, даттаушы деп жазылған

қағаз.

Техникалық құралдар: мультимедиалық құралдар, музыкалық орталық.

Сабақтың барысы: І. Ұйымдастыру кезеңі

                                    ІІ. Екі топқа бөлу

                                    ІІІ. «Компьютер  пайдалы ма, әлде зиянды ма?»             

                                              мәтін оқу

                                    ІV. Қорытынды

 

      Құрметті ұстаздар, оқушылар! Мектебімізде өтіп жатқан «Компьютер     пайдалы ма, әлде зиянды ма?» атты пікірсайысқа қош келдіңіздер!(Слайд) Міне бүгін сіздердің алдарыңызда  8,9,10 сынып оқушылары білімдерін сынамақ. Олай болса ортаға  «Жақтаушылар» тобын  шақырамыз, енді «Даттаушылар» тобын  ортаға шақырамыз.

Құлақтан кіріп бойды алар,

Әсем ән мен тәтті күй.

Көңілге түрлі ой салар,

Әнді сүйсең менше сүй. –деп Абай атамыз айтқандай, пікірсайысымызды бастамас бұрын кезегімізді көңілді бір әнге берейік.   Ән: «Айналайын» орындайтын  Айсынова Жәния

 

Көптеген тұтынушылар компьютердің  бірсыпыра өте пайдалы мүмкіндіктері бар  екендігіне көздерін жеткізді. Ол мәтін теру, әр түрлі есептер шығару, көлемді мәліметтер сақтаумен қатар көңіл көтеру мақсаттарында да қолданыла береді. Қажетті құрылғылармен және соларға сәйкес программалармен жабдықталған компьютер музыкалық орталыққа айналып, сүйікті саздарыңызды тыңдай отырып дем алуыңызды қамтамасыз ете алады.

Егер қызықты кино көргіңіз келсе де, компьютер негізінде шағын кинотеатр жасап алуға болады. Оны фильмдер, клиптер, тіпті өзіңіз түсіріп цифрлы күйге  түрлендірген  бейнежазбаларды да көру мақсатында пайдалана аласыз.

Компьютер дыбыс пен бейнелерді өңдеудің керемет мүмкіндіктерін береді. Мысалы, арнайы программалық жабдықтамалар көмегімен дыбыс жазбаларын түрлендіре отырып, өзіңіз жаңа күйлер мен саздар құрастырып, клиптер енгізіп, айта берсек, өз әуендеріңізді компьютерде орындай да алатын боласыз.

Жұмыс істеп тұрған компьютер өз айналасында толқын ұзындығы 1,5 м болатын электромагниттік өріс құрайды, сол өріс аясына түскен адам зиянды сәуле әсеріне  ұшырайды. Осындай сәулелердің тағы да басқа шығар көздері болып ұялы телефондар, микротолқынды пештер, теледидар және радиоқабылдағыштар саналады. Осындай құралдарды компьютер тұрған жұмыс бөлмесіне орналастырып, оларды пайдалану дұрыс емес, өйткені барлығының да адамға тигізетін әсері қосыла отырып, жалпы зияны артады. Ал олардың денсаулыққа тигізетін зиянды әсері радиация тәрізді бірте-бірте қосыла келе көбейіп отырады.

Компьютер алдында ұзақ отырғанда, көбінесе оның адамның нерв жүйесіне әсер етуі басым болады. Ауру бірден басталмайды. Бірте-бірте шаршау  сезімі жиі пайда болып, адамның ашуланшақ болуы  байқалады, басы айналады, әрі ауыра бастайды. Есте сақтау қабілеті нашарлап, өмірге деген қызығушылығы  азаяды, жүрегі сыздап, жиі-жиі салқын тиіп, тәбеті де нашарлайды.

 

Ең алдымен сіздерге осы пікірсайыста әділ бағасын берер әділқазылар алқасымен таныстырайық.

  1. Мектебіміздің тәрбие  ісі меңгерушісі  Пернебаев Шәріпбек ағай
  2. Ауданның «Үздік информатик» мұғалімі Абдуллаев Әсетулла ағай
  3. Мектебіміздің психологы  Мақсұтова  Майра апай

 

Көрермендердің ішінен  8 оқушыға жетон  тарқатылады.

 

Компьютер сенің көмекшің

Қаламың әрі қағазың!

Керек емес демессің,

Аздаған болса хабардың.

Үйрену керек бәрін де.

Ақпараттық заманың! –дей отырып пікірсайыстың бағдарламасымен таныстырайын.

 

1-тур. «Жақтаушы», «Даттаушы» топтардың өз пікірлері.   (10 минут)

2-тур. «Сұрақ- жауап». (15 минут)

3-тур. «Келесі».  (6 минут)

4-тур. «Жұмбақ». (10 минут)

5- тур. «Кім жылдам» (5 минут)

6-тур. «Қорытынды»   (5 минут)

 

1-тур. «Жақтаушы», «Даттаушы» топтардың өз пікірлері.  Әр топтан 3 оқушы  өз пікірлерін ортаға салып,  компьютердің пайдалы екенін немесе зиянды екенін қорғап шығуы керек.

2-тур. «Сұрақ- жауап».  Екі топ бір-біріне  3 сұрақтан қояды.  Көрермендерден  сұрақ қоюшылар бар болса қоюына рұхсат.

3-тур. «Келесі».   Информатика пәні бойынша сұрақ қойылады. Жауабын білмесеңдер, «Келесі» деп айтасыңдар, сол кеде сұраққа келесі сайыскер жауап береді. Әр дұрыс жауап берген оқушыға «5» ұпай.

  1. Информатика өлшем бірлігі (бит, байт)
  2. Екілік жүйенің сандары ( 0;1)
  3. Дүниежүзілік компьютер арасындағы байланыс (Интернет)
  4. Сурет салуға арналған программа (пайнт)
  5. Компьютердің атасы (Ч. Бэббидж)
  6. Компьютер ауруы (Вирус)
  7. Принтердің неше түрі бар? (3)
  8. Ақпараттық процестерді жүзеге асыратын негізгі құрал (Компьютер)
  9. Ақпаратты қағазға басып шығаратын құрылғы (Принтер)
  10. Компакт-диск оқу құрылғысы (СD-ROM)
  11. Келесі жолға өту пернесі ( Enter)
  12. Сандардың аталу және жазылу тәсілі (Санау жүйесі)

 

4-тур. «Жұмбақ».  Екі топ бір-біріне  2 жұмбақтан жасырады. Әр дұрыс жауап берген оқушығыа «5» ұпай.

 

5- тур. «Кім жылдам». Тақтада тапсырма орындайды. Мысалы Жақтаушы  топ  К әрпінен басталатын информатикалық терминдерді жазса, Даттаушы топ   Т  әрпінен  басталатын сөдерді жазып шығады. (5 минут)

 

6-тур. «Қорытынды». Көрініс . Әр топқа 5 минуттан.

 

Енді осымен біздің пікірсайысымыз аяқталды.  Пікірсайыстың басында  8 оқушыға екі түстен жетон тарқатылған болатын сол жетондарды қай топ жақсы қатысты десеңдер сол топқа дауыстарыңды беріңдер. Бұл жетондарды әділқазылар алқасы санайды.

Ендігі кезекті әділқазылар алқасына берейік.  Жарыс болғанан кейін бір топ жеңіледі, бір топ жеңеді. Сонымен қай топтың жеңімпаз атанғанын анықтайық.

Көңіл қойып тыңдағандарыңызға рахмет! (Слайд)